عنوان الموضوع : Couronne de riz en sauce المطبخ الجزائري
مقدم من طرف منتديات العندليب

السلام عليكم



اولا نحضر الصوص نحط في كوكوت حبة بصل مرحية مع الثوم مرحي نقليهم في شوية زيت ونضيف لهم

اللحم لي كاين سواء بقري او غنمي او دجاج ونحط الملح الفلفل الزعفران فلفلة حمراء مطحونة + حبة جزر

مقطعة دوائر + طرف صغير فلفلة مقطعة صغيرة بعد ما يتقلاو نحط لهم 2 او 3 حبات طماطم منزوعة القشرة

ومقطعة صغيرة ونخليها تتقلى من بعد نحط شوية ماء عوض فنجان وما نكثروش باش ما جيش خفيفة ونحط

الرند والزعتر و نقفل الكوكوت ونخليها حتى طيب

ثانيا نحضرو الروز هنا ما يديش وقت لازم نحضروه حتى مين يقرب وقت الاكل

في كوكوت اخر نقلي حبة بصل مرحية مع الثوم في شوية زبدة ومن بعد نحط له كيلة روز ونخليه يتقلى

2 او 3 دقائق ونحط له الملح الفلفل الزعفران الرند و الزعتر و نحط الماء 2 كيلات ونص ونقفل الكوكوت

لما تصفر نهدي النار ونحسب مدة 7 او 9 دقائق و نطفي عليه وهنا حسب نوعية الروز كاين لي يطيب بسرعة

وكاين لي يدي الطياب

وادا كان فيه اي تساؤ ل ابا في الخدمة

بالصحة والراحة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا اختي لكن لا توجد الصور

__________________________________________________ __________

>>>> الرد الثاني :



__________________________________________________ __________

>>>> الرد الثالث :

يعطيك الصحة لكن لا توجد صورة


__________________________________________________ __________

>>>> الرد الرابع :

مرانيش عارفة علاه ما بانةش الصور

__________________________________________________ __________

>>>> الرد الخامس :

miam chahitini