عنوان الموضوع : طبخة بسكرية خاصة بالأخت أم خديجة طريقة جزائرية
مقدم من طرف منتديات العندليب

السلام عليكم أخواتي نقدملكم اليوم شخشوخة البصلة البسكرية.
أولا:تحضير العجينة:1 كغ سميد متوسط و ملح شمخيهم بالماء حتى تعود عجينة طرية خليها ترتاح نصف ساعة أو أكثر ثم أعجنيها شوي تقسميها كويرات كبار قرصيها خشينة على الفطير طيبيها و حكيها بين يديك حتى تعود طراف صغار.
ثانيا:تحضير المرق:نصف ربطة بصلة خضراء و 2 حبات بصلة بيضة و راس ثوم قطعي البصل خشين شوي و هرسي الثوم مع الملح و حبة ولا2 فلفل حار حطيهم في القدر يتقلاو مع شوي زيت +1/2راس الحانوت(اللفاح)ضيفيلهم 2 حبات طماطم مرحية و 1ولا2ملاعق طماطم مصبرة أمرقيها و خليها تغلي مدة 15د في الأخير ضيفي فلفل حار صحيح إذا حبيتي.
ملاحظة: ضربي 2 ولا 3 بيضات ضيفيهم للمرق يغليو لمدة 2د تزيدلهم بنة مع الدبشة بعد ما تطفي النار و ماتنسايش زيت الزيتون ولا الزبدة كي تسقيها.
شهية طيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هل انت بسكرية شكرااااااا لك
على الوصفة

__________________________________________________ __________

>>>> الرد الثاني :

بارك الله فيك اختي جانا طبخة لديدة ويعطيك الصحة

__________________________________________________ __________

>>>> الرد الثالث :

نعم أنا بسكرية100/100 و الطياب اللي تحبوه راني هنا.



__________________________________________________ __________

>>>> الرد الرابع :

السلام عليكم
شكرا على الوصفة حنا نقولولها شخشوخة محكوك لكن ما نديروش فيها البيض
مع أني بسكرية مثلك

نفس البلاد بصح العوايد تختلف حتى في نفس الطبخة

مشكورة

__________________________________________________ __________

>>>> الرد الخامس :

شكرا انا ثاني بسكرية وحنا ثاني نسميوها محكوك وما نديرولهاش البيض..على العموم مشكورة