عنوان الموضوع : يا صديقتي الوهرانية راني وجدت اسئلتي ليك من مطبخي
مقدم من طرف منتديات العندليب

مرحبا استاذتي الغالية راني وجدت كم من الاسئلة حول الطبخ نتمنى اتساعديني فيهم وتشرحيلي
1-العجينة المورقة اناجامي خدمتها مي راني معولة نخدمها باش نتعلمها للرمضان واريد ان اسال كم تبقى في المجمد بلاما تفسد ولا يتبدل ذوقها
2- اريد بالتفصيل طريقة اعداد الحريرة الوهرانية
3- بالنسبة للاسماك انا انحبهم بزاف لكن حنا في تيارت نلقى غير الكونجلي واش رايك في السمك اكونجلي وكيفاش نستعملو اقصد ماهي التوابل اللي تتماشى معاه .وبما انك في بلاد الحوت اريد ان اسال كم سعر الكلمار لاني نموت عليه وكيفاش نجيبو بلا ما يفسد في الطريق ونكونجليه في الدار
3- اريد وصفة روز في الفرن مع زيتون وفطر او اي شي المهم وصفة نقدر نحطها لضياف
5-احيانا يشري زوجي جزر كثير لكن ما نستعملوهش كامل هل نقدر نقيه ونقطعه مكعبات للمسيدوان ونكونجليه ام انو يفسد
6- اريد اعداد بقلاوة بمختلف انواع المكسرات بالاضافة الى جوز الهند اذن هذا الاخير نحمرو شوية في المقلاة ولا نخليه كما راه ونخلط وانت ماهي طريقتك في اعدد البقلاوة
7- الكاري مع اي اطباق يتناسب وانت هل تستعملين جومبو في طيابك

وكي نتفكر كاش حاجة راني نحطها هنا ان شاء الله
انتظر بفارغ الصبر اجابتك وفي خاطرك حبيبتي وكما قلتلك سابقا ياريت نولي تلميذتك تقبلي مني فائق اللاحترام والتقدير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا بالانتظار

__________________________________________________ __________

>>>> الرد الثاني :

اكيد رح تجاوبك ونستفيدو معاك ان شاء الله

__________________________________________________ __________

>>>> الرد الثالث :

راح نشوف الردود خاصة على الحوت المكنجلي نشريه وكينطيبو مايعجبنيش وهي مشكورة على الرد

__________________________________________________ __________

>>>> الرد الرابع :

ماعليش رانا كامل في الانتظار حتى نستفادو جميعا واذا حبت وبالطبع ماراحش تقول لالا نجعلو هاته الصفحة خاصة باسئلة الطبخ موجهة اليها

__________________________________________________ __________

>>>> الرد الخامس :

اولا يا غالية بزاف عليا كلمة استادة انا راني عاد نتعلم والي نعرفو منبخلش عليك بيه راني اختك والي تحتاجيها انا موجودة
حبيبتي اكيد راح نجاوبك على كل حاجة وعلى كل الاسئلة اصبري نحضرك الاجوبة

وشكرا على الثقة اختي