عنوان الموضوع : كتف محشي في الفرن طريقة جزائرية
مقدم من طرف منتديات العندليب



اخواتي هذه الوصفة لذيذة بزاف وتقدري تعمليها لضيوفك او حتى ليك ولعائلتك وتقدري تقدميها مع بطاطا مقلية او بطاطا بوري وكذلك مع خضر مفورة او في الفرن


كنت حابة نويرلكم الطريقة كيفاش نحيو العظم من الكتف لكن الله غالب الصور قديمة وما صورتش هذيك المرحلة(على كل حال راجلي هو اللي ديزوسا اللحم وانا درت التتبيلةو ان شاء الله يعجبكم)


تاخذي الكتف تنحيلو العظم و اذا ماقدرتيش الجزار هو يدير هذه العملية تملحيه وتفلفليه وتدهنيه بزيت او زبدة
بالنسبة للحشو تاخذي لحم مرحية +بصلة مقطعة صغيرة+معدنوس مقطع رقيق+حبة بيض+خبز يابس مرحي+ملح+فلفل اسود+شوية قرفة متكتريش=تخلطي كلش مليح

تاخذي الكتف تعمليلو الحشو وتروليه على نفسه و تربطيه باش مايخرجلكش الحشو
حطيه في سنيوة وزيدي حطي كاس ما في الفرن وغطيه

طيبيه ساعة وهو مغطي بورق الالومنيوم و بعد ساعة نحي الورق وطيبيه حتى يحمر مليح اومبعد قطعيه دوائر وقدميه كيما تحبي

متاسفة الصور ماشي واضحة بزاف بصاح كنعاودو نحط صور جديدة ان شاء الله










اللهم ادمها نعمة واحفظها من الزوال وارزق كل محروم وفقير يا رب



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


ماشاء الله تبارك الرحمان
يعطيك الصحة جاك روعععععععة
الله يديم علينا و عليكم نعمه و يرزق المحرومين


__________________________________________________ __________

>>>> الرد الثاني :

المشاركة الأصلية كتبت بواسطة love zawji

ماشاء الله تبارك الرحمان
يعطيك الصحة جاك روعععععععة
الله يديم علينا و عليكم نعمه و يرزق المحرومين


الله يحفظك اختي الكريمة

__________________________________________________ __________

>>>> الرد الثالث :

94 مشاهدة ورد واحد فقط
وين راكم يالبنات

__________________________________________________ __________

>>>> الرد الرابع :

اممممم راهو يشهي مشاء الله عليك يعطيك الف عافية و تسلم الايادي
و ربي يدومها نعمة و يرزق كل محرووووم يا رب

__________________________________________________ __________

>>>> الرد الخامس :

الله يبارك الله يعطيك الصحة اختي طبق هايل ماشاء الله