مقبلة خفيفة وهاااااااااااايلة... طبخ جزائري
عنوان الموضوع : مقبلة خفيفة وهاااااااااااايلة... طبخ جزائري
مقدم من طرف منتديات العندليب
يا رب تكونو كامل بخير
جيتكم بطريقة مقبلة ساهلة وخفيفة درتها في الدار وعجبتهم كامل قالولي بنينة حبيت نفيدكم بيها وهي من تدبيري انا....
اولا نحضرو عجينة الشو la pâte a choux نوريلكم طرقتي على خاطر جربت واحدة وما خرجتليش مليحة
طريقتي:
1/4 ل ماء + 100غ زبدة نحطوهم على النار حتى تدوب الزبدة ونبعدوهم على النار
حطي 150غ فرينة + شوية ملح وضفيهم للزبدة وخلطي مليح وعاودي رديها على النار وخلطي حتى تلاحظي انو العجينة كامل لصقتلك في الملقة الي تخلطي بيها في هاداك الوقت بعديها على النار وضيفي زوج حبات حتى تلات حبات بيض ضيفيهم حبة بحبة حتى تدخل الحبة الاولى كامل في العجينة باش تضيفي التانية والسر هنا باش تعرفي ادا تزيدي البيض ولا خلاص حطي الاصبع ديالك فوق العجينة وارفديه ادا شفتي انو العجينة قعدت بوانتي pointue في الاصبع ديالك اعرفيها بلي خلاص راهي مليحة
حطيها في لابوش وشكليها كيما تحبي فوق ورق الطهي
والسر التاني هو في الفرن
حطي السنية الفوق كامل واشعلي من تحت حتى تطيب في غرضها وما تفتحيش الفرن خلاص حتى تطيب ثم حمريهم من فوق
الحشو:
استعملت لحم مفروم قليتو في شوية زيت مع فلفل اسود وملح ثم بعدما يبرد اضفت الفرماج الطري وممكن تضيفي مكانو لاصوص بيشامال ثقيلة
وكاين الي استعملتهم بالفرماج والتونة وعمرت الشو ديالي
والي شكلهم طويل استعملت المرقاز
شهية طيبة
Photo0483.jpg (10.9 كيلوبايت, المشاهدات 491) Photo0484.jpg (10.3 كيلوبايت, المشاهدات 1102)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يبارك ويعطيك الصحة فكرة شابة
__________________________________________________ __________
>>>> الرد الثاني :
يعطيك الصحة
__________________________________________________ __________
>>>> الرد الثالث :
الله يسلمكم يا غاليات على المرور الطيب
__________________________________________________ __________
>>>> الرد الرابع :
يعطيك الصحة
__________________________________________________ __________
>>>> الرد الخامس :
mmmmmmmmmmmmmmmm byna chbab
رد مع اقتباس
