ممكن مساعدة....السباغيتي
عنوان الموضوع : ممكن مساعدة....السباغيتي
مقدم من طرف منتديات العندليب
السلام عليكم اريد طريقة تحضير السباغيتي بطريقة سهلة و مفصلة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
إليك طريقتي في إعداد السباغيتي
أولا خذي طنجرة غلي فيها الماء مع 2 ملاعق كبار زيت و ملعقتين صغار ملح و ضعي السباغيتي يطيب راح ياخذ حوالي ربع ساعة طياب
في طنجرة أخرى أرحي 3 فصوص ثوم ناعم و 3 حبات طماطم متوسطة ناعم و ضفي 2 م ك طماطم مصبرة و قليها مع أطراف دجاج إذا توفر و 3 م ك زيت و ملح و نصف ملعقة راس حانوت كي تتقلى مليح ضفي 3 كيسان ماء و أغلقي الكوكوت حتان يطيب الدجاج و تولي صوص خاثرة
إذا ما عندكش الكوكوت زيدي كاس ماء للمرق و خليها على نار هادئة حتان يطيب الدجاج و تولي صوص خاثرة
بعد ما يطيب السباغيتي تكوني صفيتيه في كسكاس ضيفيه للصوص و حطي الكل على النار حتان يتشرب السباغيتي لاصوص
ثم قدميه مع لمسة كسبرة خضرا من فوق مع حلقات زيتون أخضر
(ملحوظة : إذا ما عندكش دجاج تقدري تعوضيه بنصف حبة جمبو دجاج فقط حذاري أثناء إضافة الملح لأن جمبو مالح
و تقدري تضيفيلو في الأخير تونة زيت راح يعطيلو مذاق رائع )
و بالصحة و الراحة
__________________________________________________ __________
>>>> الرد الثاني :
بارك الله فيك ام اياد ^^
__________________________________________________ __________
>>>> الرد الثالث :
الوصفة لي نعتمدها ساااااااهلة و بنينة
نهدرهالك بالتفصيل الممل
حطي كاسرولة فيها ماء و شوية ملح تغلى فوق النار كي يغلي الماء لوحي السباقيثي فيها و خليها حوالي 10 دقايق
من جهة اخري ارحي حبة طماطم وشوية طماطم مصبرة و ملعقة صغيييييييرة تع هريسة و 2 سنينات ثوم مرحيين فلفل اسود و شوية بهارات لي تحبيها ملح و شوية زيت خليها تغلي على نار هادئة كي تطيب الطماطم طفي عليها
السباقيثي كي تطيب قطريها و سيحي عليها ماء بارد عادي
في مقلاة حطي شوية زبدة لوحي السباقيثي و زيدي لاصوص و رابي شوية فرماج و خلطي شوية برك و طفي هذه تحكملي غير 20 دقيقة و بالصحة و الهناء
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
