لي كرهت من المقلي المرقة و العجائن تدخل شكشوكة من مطبخي طبخ جزائري
عنوان الموضوع : لي كرهت من المقلي المرقة و العجائن تدخل شكشوكة من مطبخي طبخ جزائري
مقدم من طرف منتديات العندليب
بسم الله الرحمن الرحيم
مرات كثيرة نكره من القراتان ، القليان ، المرقة و العاجائن و نحب ندير حاجة خفيفة
و احسن حاجة شوية شكشوخة بالخضار
كل واحد كيفاش يعمل الشكوكة هاذي طريقتنا بالخطوات و الصور
خخخخخخخخخخخخخخخخ و كي العادة بالتفصيييييييييييييييييييييييييييييييييييييييييييي يييييييييييييييييييييييييييل الممل
جماعة لا مليتو قولولي نقص من التصاور في مواضيعي خخخخخخخخخخ
المهم المقادير ساهلة جدا و متوفرة في كل بيت
بصل بطاطا جريوات " قرع اخضر " فلفل اخضر حلو
نغسلوهم مليح و نقشروهم
الجريوات نبرشوها قليلا نحيو القشرة الخضراء اليابسة حتى ما تقعدش قاسية
الفلفل نقسموه على اثنين و نحيو الخيوط البيضاء لي توجد بالداخل
نقطعو البصل شرائح
نقطعو الجريوات و الفلفل قطع صغيرة
لي يحب الباذنجان يقشرو و يضيفو مكعبات انا ماكانش عندي اليوم
لي يحب الحار ممكن يقصو صغير و يضيفو للطبخة
نحطوهم على النار و نحطو عليهم 4 ملاعق كبار زيت شويةملح شوية فلفل اسود و نغلقو
نخليوهم يطيبو على البخار
انا نحط البصل اولا حتى يطلق الماء نتاعو و من فوق الجريوات ثم الفلفل
لما يطيبو نص طياب نضيفو البطاط المقطعة قطع صغيرة جدا و نزيدولها شوية ملح
هنا لما البطاط طابت
نخلطوهم مع بعض و نذوقو الملح لكان ناقص نزيدو
نديرو شوية طماطم مصبرة ملعقة صغيرة لي يفضل الحب يستعمل حبة مرابية و نقص الثوم لي يحبو مبروش يبرشو انا عن نفسي فالشكشوكة نحبو مقطع صغير و نخلط الكل
نخلطو زوج بيضات مع رشة ملح
بالملعقة نحاولو نبسطو السطح و نسكبو البيض حتى يتوزع بالتساوي و نغلق
هنا لما البيض خلاص طاب نطفي النار
هادي سلطة جزر و خيار
هاذا شكل الشكشوكة قطع قطعة صغيرة حتى تبان مليح
لي يحب يوضع فرماج لما يطفي و يخليه يذوب بفعل الحرارة يحط
انا زينتها بشوية مايونيز فقط
و هادي بيتزا في بلاصة الخبز
و هادا عشانا اليوم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هكذا انا نديرها بصح منديرش البيض زوجي واولادي ميحبوهش
في لاخر ندير قليييييييل من نعناع ليابس شكرا على الوصفة
__________________________________________________ __________
>>>> الرد الثاني :
رووووووووووووووووعة مرسي
__________________________________________________ __________
>>>> الرد الثالث :
يعطيك الصحة ماكلة خفيفة
أنا نديرها بصح بلا بطاطا
__________________________________________________ __________
>>>> الرد الرابع :
صح طبق سريع وبنين أنا نكتر شوية الطماطم ,وكي تطيب نكسر فوقها عضمات ونرش فوقهم شوية فلفل أكحل خشين بدون ما نخلطهم ونغطيهم ونخليهم فوق نار قليلة باش يطيبوا بلا ما تنشف تجي روعة في التقديم
__________________________________________________ __________
>>>> الرد الخامس :
رد مع اقتباس
