عنوان الموضوع : أرز لذيذ و بطريقة جديدة من مطبخ ام نيفين طبق جزائري
مقدم من طرف منتديات العندليب

السلام عليكم و رحمة الله و بركاته

هاذ الروز يجي بنيييين و مايتشبعش ...
أولا نحط الروز يفور انا نعتمد طريقة نينا الغالية فالتفوار ...جي الحبة مفرقة على ختها يهبل بارك الله فيك حبيبتي ...الكمية حسب أفراد العائلة

من جهة أخرى نحضر صوص بلونش = نحط طرف جاج يتقلى حتان يحمار شوية ثم نزيد البصلة مرحية و المعدنوس و الثوم و ملح و فلفل أسودو نخلطو ممممممم تخرج ريحة تهبل ههههه..... نخليو البصلة تتقلى مليح و نمرقو شوية برك حق مايتغطى الجاج و نلوحو الجلبانة و زيتون أخضر مقطع و نسكرو على الكوكوت حتان يطيب الجاج ....نخرجو الجاج و نفتوه و نجبدو الجلبانة و نحطوهم فوق الروز لي نكونو حطيناه في باسينة ...
من جهة اخرى نقليو طراف حوت نتي و واش عندك انا استعملت الفيلي و الكروفات نحمروهم بشوية زبدة و نلوحوهم مع الروز ثم نزيد الفرماج مربعات و نخلط غير بشوية
الصوص تاعنا نزيدولها علبة كرام فراش و نحطها تغلي شوية ثم نكبها مع الروز و نخلط ...فالاخير حطي الخليط تاعك في بلاطو و ذري الفرماج رابي من فوق و حطيه فالفرن و شعلي من فوق غير باش يذوب الفرماج ...و بالصحة و الهنا ...صدقوني جي روووووووعة غير جربوها ( ملاحظة: أنا ماكانش عندي الفرماج رابي)
الصور هنا توضح أكثر











إن شاء الله يكون عجبكم و تجربوه .....سلام

ملاحظة: اذا ماتوفرتش عندكم لاكرام فراش ديرو فرماج...كل ما تكثرو كل ما جي لا صوص بنينة و خاثرة



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا تقدري حطيلنا رابط ارز الاخت نينا

__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

ممممممممممم ما شاء الله
روووووووووووووووعة
بارك الله فيك

__________________________________________________ __________

>>>> الرد الرابع :

يعطيك الصحة

__________________________________________________ __________

>>>> الرد الخامس :

44444444444444444444444444444444444