عنوان الموضوع : دجاج محمر ومعمر بطريقتي طريقة جزائرية
مقدم من طرف منتديات العندليب

السلام عليكم ورحمة الله تعالى وبركاته

اليوم جبتلكم طريقة دايما نعتمد عليها واللي هي جاج محمر ساعات نعمرها بالروز وساعات نخليها هكاك


في البداية نغسل الجاجة مليح ونخليها تقطر من بعد انا نحكم الجاجة نملحها ونثقبها بالموس باش الملح يدخل فيها وتجي بنينة ونخليها تريح على الاقل اربع ساعات قلت باش الملح يدخل


وكي تريح ناخذ طبسي وندير فيه شوي زيت ولا زبدة لي بغيتي وندير سناة تاع ثوم مرابيين وندير الكمون وشوي زعفران وفلفل اسود وندهن الجاجة قاع من الداخل ومن برا مليح ونخليه ثانيك تشرب هذوك ليزيبيس


اسمحلوي نسيت بباش نصور هذي المرحلة


من بعد نغلي شوي روز وكي يطيب نصفيه ونخليه يبرد شوي ومن بعد نقليه بشوي زبدة وقليل من الزعفران وليزيبيس وشوي ملح قلية خفيفة غير باش يتعقر ويجي بنين هذا مكان باسكو راه طايب


تقدرو تعمرو الجاجة غير كيما هاك ولا تضيفو ليزابا كيما انا درت


حكمت ليزابا غير شوي ونقطعهم شوي شوي ونقليهم مليح ونخلطهم مع الروز اللي كنت قليتو


ونعمر الجاجة نتاعي وندير ورقة رند مع الحشو


ونغلق الجاجة انا خيطتها خياطة خفيفة غير باش مايخرجليش الحشو


ونديرها في الكيس تاع الشواء ونغلقها ندير ثقبتين بابرة في الكيس ونحط الكيس في صينية ونضعها في فرن درجة الحرارة 180 وتولي خطرة على خطرة تضربي طلة عليه من بعد الجاجة تولي تقيس في الماء من بعد تمسي الجاجة كي تحسيها طابت تنحي الكيس قاع وتشعليلهاالفوق وتخليها غير تتحمر ونتي قلبي من جيهة لجهة حتى تحمار قاع


رايحة نخليكم مع الصور




















هنا طابت نحيت الكيس ودخلتهاغير تتحمر








وهنا خلاص تحمت من كل الجهات





وهنا درت معاها بيري






هذا هو الحشو قصدي الروز اللي حشيت نبه الجاجة يجي بنين يهبل اممممممممم





واش رايكم مش تشهي يخي تجربوها


احم احم ههههههههه


سلامي الحار لكل عضوات المنتدى



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صحيتي رتوجة انا نهرب بلكويس
قدام ليجو الكشرودات يميم. تشهي
بارك الله فيك فحلة


__________________________________________________ __________

>>>> الرد الثاني :

ما شاء الله ريتاج راكي شاطرة 4444444 بصحتكم.

__________________________________________________ __________

>>>> الرد الثالث :

اممممممم رتوجة تشهي يعطيك الصحة

__________________________________________________ __________

>>>> الرد الرابع :

صبوحة راني وراك ماعندك وين تهربي ههههههههه

__________________________________________________ __________

>>>> الرد الخامس :

مشاء الله اختي ريتاج

اطباقك كلها تشهيني

يعطيك الصحة حنونة