عنوان الموضوع : حساء الجلبانة من مطبخ ام ماجد ولا الذ طبخ جزائري
مقدم من طرف منتديات العندليب




كنت محضرة 3 وصفات نحطهم لحبيباتي وللاسف راكم عارفين خدعني الميكرو لكن معليه نعاود نحضرهم ونحطهم لعيونكم بالتفصيل

اليوم نظرا لطلب اخت معانا جبتلكم وصفة اقتصادية وصحية وشتوية
وصفة حساء الجلبانة اليابسة

فوائد البازلاء او الجلبانة الخضراء اواليابسة :البازلاء تحميك من امراض القلب و الشرايين والسكتة الدماغية
90 غراما من البازلاء او الجلبانة الخضراء أو اليابسة توفر للجسم نحو ربع احتياجاته من الالياف و في دراسة سويدية العام الماضي على حوالي 20160 شخص كانت النساء اللوات

ي تناولن حمية غنية بالالياف اربع مرات اقل خطرا من الاصابة بامراض القلب و الشرايين من اولائك الذين تناولوا نظاما غذائيا منخفض الاياف . وكان التاثير اقل وضوحا بين الرجال و لكن اتباع نظام غذائي غني بالالياف ينصح به الاطباء من اجل الحماية من السكتة الدماغية و امراض القلب والشرايين
نحضر كمية من الجلبانةاليابسة وخيروا النوعية لمليحة كاينة اللي ماتطيبش مليح يابسة بزاف
في كوكوت حطي 4 حبات بطاطا مع حبة بصل كبيرة وملعقة فقط زيت وملح مانكثرش وكصبر وكمون ونقلي مليح مع ثوم حوالي 10د حتى تتشرب مليح مع كاس ماء ونضيف الجلبانة ونزيد نخليها تتقلى مليح مليح حلوا وذنيكم نعرفكم تتقلقوا ثم ثم
والتقلية سر البنة يا بنات
ومن بعد نمرق بالماء سخون ونغلق الكوكوت حوالي 40 دقيقة
نحلها ونشوف اذا طابت نرحيها ونزيدلها ملعقة كبيرة زبدة وكمية من الفرماج حتى يذوب
ثم ملعقة كرام فراش تهز الغلية ونطفي
ناخ الخبز نقليه في مقلاة مع ملعقة زبدة معدنوس كثر خير ساندريلا ديما عندي وثوم ونقدمه مع الحساء ونزين بالكرام فراش واللي عنده المشنوع كيما انا زيدي من فوق زيت الزيتون وبصل ام ولا اروع ولا الذ ولا ارحم على الجيب
اخر الشهر في وقت الشدة تلقايها ساهلة واقتصادية





























>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يشرفني نكون اول من ترد
وصفة هايلة ماشاءالله وجاءت في وقتها نحتاجوهاكثير سيرتو كي ذكرتيلنا الفوائد نتاع الجلبانة اليابسة
بارك الله فيك ام ماجد

__________________________________________________ __________

>>>> الرد الثاني :

مممممممممممم يعطيك الصحة

__________________________________________________ __________

>>>> الرد الثالث :

يعطيك الصحة ام ماجد على هدي الوصفة الجلبانة اليابسة مايحبوش ياكلوها بلاك بهدى الطريقة تعود تتكل ميييييييييييييرىىىىىىى

__________________________________________________ __________

>>>> الرد الرابع :

مممممم يهبل ام ماجد يعطيك الصحة حنونتي

__________________________________________________ __________

>>>> الرد الخامس :

مع أني لست من محبي الجلبانة اليابسة .بصح وصفتك وخاصتا كي عاد فيها الكرام فراش . تخليني نتشجع ونجربها .بإدن الله .

تعطيك الصحة يا غزالة الهضاب العلية وسلمت يداك