عنوان الموضوع : وصفة جديدة للبسباس من اختراعي طريقة جزائرية
مقدم من طرف منتديات العندليب

السلام عليكم خواتاتي انا عضوة جديدة وحابة نشارك معاكم انا انحب بزاف الطبخ وانحب نتعلم وعلاببها ندخل للكوزينة ونخترع اطباق من راسي
هاد الطبق تاع البسباس اخترعتو من شهر هكداك وخرج هااايل كامل عجبهم ان شاء الله انتوما تاني اتجربوه ويعجبكم
نبدا بسم بالله بالمقادير
كيلو بسباس
راس ثوم
كيلو بطاطا
250 غ لحم مرحي
7 حبات بيض
شوية معدنوس
شوية ارز

زيت للقلي
ملح فلفل اسود راس الحانوت







التحضير

انرابي الثوم وانديرو يتجمر ف شوية زيت وانديرلو التوابل اللي ذكرناها

اومبعد انديرو عليه البسباس بعدكا نكونو قطعناه بالطول وانخلوه يتجمر مع الثوم امليح حتى يدبال

وبعدما يتجمر نمرقوه بشوية ماء
تحكمي اللحم المرحي اتدوزنيه بالملح والفلفل الاسود وشوية ثوم رابي وحبة بيض وشوية ارز

وتشكلي كويرات صغار


وكي يغلي المرق اللي فيه البسباس ترميه يطيب معاه.


بعدها تحكمي البطاطا تقطعيها دوائر او بالطول كيما اتحبي وتقليها وتحطيها تقطر


كي يطيب البسباس واللحم انحيو اللحم من القدر وانحيو تاني البسباس بغراف متقوب


نحكمو بلا تاع الفور نحطو فيه البطاطا المقلية وفوقها البسباس

وفوقها انحطو كويرات اللحم المرحي

اومبعد نحكمو المرقة ديالنا نديرولها البيض والمعدنوس

ونفرغوها ف البلا تاعنا

وانحطوها ف الفور حتى يطيب البيض وتقدم ساخنة






ان شاء الله الوصفة عجبتكم نتمى منكم ردود خواتاتي متنساونيش من دعواتكم وشهية طيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لكى الله ابارك وربى يحفظك ياريت لو درت الصور

__________________________________________________ __________

>>>> الرد الثاني :

باينة بنينة حنونة

__________________________________________________ __________

>>>> الرد الثالث :

المشاركة الأصلية كتبت بواسطة zamilio
شكرا لكى الله ابارك وربى يحفظك ياريت لو درت الصور

وفيكي البركة ان شاء الله تجربيه ويعجبك ونتاسف اني ما حطيتش صور كنت مزروبة ىمصورتوش بصح المرة الجاية ان شاء الله نصور ونحطلكم وصفات بالصور باذن المولى عز وجل

__________________________________________________ __________

>>>> الرد الرابع :

المشاركة الأصلية كتبت بواسطة millywafa
باينة بنينة حنونة

اهلا بيكي اختي نورتيني ايه والله غير هايلة على ضمانتي جربيها اختي وان شاء الله رديلي الخبر وبصحتكم

__________________________________________________ __________

>>>> الرد الخامس :

الله يعطيك الصحة ان شاء الله نجربها