عنوان الموضوع : ملف عن انواع التوابل و الاعشاب و استخداماتها طريقة جزائرية
مقدم من طرف منتديات العندليب






التوابل هي عبارة عن مادة أو مجموعة مواد تضاف عادة إلى الطعام بكميات قليلة وتستعمل لإعطاء نكهة للأطعمة المختلفة، وتصنع البهارات من كافة أجزاء النباتات كالبذور والثمرات والأوراق واللحاء والجذور


التوابل لها أهميتها في طهى الطعام وتباع جافة إما في صورة مسحوق أو بشكلها الأصلى حيث يمكن سحقها في المنزل بالشكل الذي تريده وكلا الصورتين تضيف مذاقآ لذيذآ ونكهة ممتعة لطعامك ويمكنك طحنها بالمطحنة اليدوية أو الكهربائية .



لكل منا خلطاتها الخاصة من البهارات سواء تخلطها بنفسها في البيت او تشتريها جاهزةاحببت ان نعرف ماهي خلطاتك في التوابل واي انواع تستعملي في كل طبخة
هناك طبعا اختلاف من عضوة لاخرى ومن منطقة لاخرى
هيا كل وحدة تقولنا انواع التوابل الي تستعملهم شاريكنا لنفيد ونستفيد
هل تشتريها جاهزة ام تطحنيها يدويا او بالكهرباء
مثلا شربة ماذا تستعملي؟مرقة حمرا؟مرقة بيضا؟ اطباق بالفرن؟عصرية تقليدية؟
مع دعم الرد بصورة للبهار من عندك او من النت





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

موضوع رائع شكرا ليك ونبدا أنا واش نستعمل
حبيبتي للشوربات فريك فارميسال لسان العصفوور نستعمل غير الكسبر وشوي فلفل أسود ونص مغرف صغيرة زنجبيل مرحي يمد نكهة روووعة للمرقة الحمراء
للشخشوخة والبربوشة والتليتلي وتوابعهم ندير الكسبر وراس الحانوت وفلفل أسود هاذ المأكولات يحبو لمدوزي
وللحبوب نستعمل غير الكمون وشوي كسبر فقط
ولي قراتان نستعمل غير فلفل أسود
ولي سوب بلونش مثلا تاع الفروماج ولا البويون نستعمل غير الزنجبيل ورشة كسبر
ومثلا للمرقة البيضاء تاع المثوم وتوابعه نستعمل غير الكسبر والفلفل أسود فقط
نشالله يتفاعلو معك لبنات ونتعلمو من كل وحدة

__________________________________________________ __________

>>>> الرد الثاني :

شكرا ام تاج استفدت منك
لي عودة نقوللكم على توابلي
ارجو التفاعل لنتفيد من الجميع

__________________________________________________ __________

>>>> الرد الثالث :

بارك الله فيك على الموضوع
انا الحاجة اللي تعجبني بزاف هي الهيل او حب الهال في المرقة الحلوة
و الكروية + سكين جبير في اخر مرحلة قبل ما نطفي على الحريرة
و الكمون + سكين جبير نعاود بيه الكسكس ( الطعام ) في اخر مرة قبل ما نسقِّي

__________________________________________________ __________

>>>> الرد الرابع :

موضوع رائع يلبروقة انا تانى تحب التوابل ونحب نعرف اين تستعمل
مثلا كى نطيب مرقة بيضاء نستعمل فلفل اسود ورشة قرفة مطحونة تعطى بنة هايلة وبسباس مرحى
ورشة زنجبيل اذا كان الطبق بالدجاج
انشاء الله نستفادو من الاخوات

__________________________________________________ __________

>>>> الرد الخامس :

المشاركة الأصلية كتبت بواسطة ام طيري الجنة
بارك الله فيك على الموضوع
انا الحاجة اللي تعجبني بزاف هي الهيل او حب الهال في المرقة الحلوة
و الكروية + سكين جبير في اخر مرحلة قبل ما نطفي على الحريرة
و الكمون + سكين جبير نعاود بيه الكسكس ( الطعام ) في اخر مرة قبل ما نسقِّي

مليح استفدت منك ونحب الجديد ونحب نجرب عمري ما ستعملت الهيل في اللحم لحلو واكيد يمد بنة مليحة استعملت القرنفل مرة وعجبني تغيير
خاطر انا ندير قرفة العود فاني
واكين الي تستعمل فتيتة رند
ونستعمل ثاني زعفران مرحي للون اة كركرم مرحي
الهم زدني علما
بصح اول مرة نسمع بالمون والكروية يتعاود به الطعام قصدك في الرشة الاخيرة اديرهم يا ريت توضحي
شفتو كاين الجديد واكيد نستفادو