عنوان الموضوع : خبز المطلوع حصريا من مطبخي ...ماشي قطن ..رغوة .. طبخ جزائري
مقدم من طرف منتديات العندليب

السلام عليكم و رحمة الله و بركاته
اليوم جبتلكم خبز المطلوع بكيفية جديدة حصرية من مطبخي
خفيف و مغذي ...باختصار هايل و يصلح ديريه سندويتشات
و ناجح باذن الله 100ب100
نبدا بسم الله
في جفنة او اناء كبير نضع 3 كيلات سميد من النوع الممتاز +كيس خميرة الحلوى +3ملعقة صغيرة ملح+ملعقة اكل من خليط سينوج و جلجلانية و حبة حلاوة



نخلط كل المقادير ثم نلمها بكاس ما ساخن
نعجن لمدة 10دقائق و نغطي بكيس بلاستيكي



في هذه الاثناء في اناء اخر نحظرو
2بيضات+1ملعقة اكل سكر عادي ..خلط ثم اضافة 2ملعقة اكل زيت عادي..خلط +2ملعقة اكل خميرة الخبز..خلط +نصف كاس حليب دافئء ثم اضافة مع التحريك نصف كيلة فرينة (الكيلة لي كيلتي بيها السميد)...تترك لتخمر حوالي 15 دقيقة



مهم جدااا كي تخمر تصبح مثل الرغوة



ثم نرجع للعجينة و نعجنها بالخليط المختمر
نتحصلو على عجينة طرية نوعا ما ..نقسمها اقسام متساوية
و نذرذر فوقها شوي فرينة (ما نكثروش بش ما تتحرقش مبعد في الطاجين) و نمدها على شكل قرصات و نغطيوها و نخليوها تعاود تخمر مدة نصف ساعة او اكثر شوي حسب الطقس و حسب حرارة المطبخ






في الاخير نطيبوها في طاجين سخون على نار قاوية و مهم جدااا انك ما تقلبيش ياسر بش ما تيبسش ..انا ما ننقبهاش




شوفي ما شاء الله تبارك الله من داخل خفيييييييييييييفة



الف الف صحة و هنا و ادعوا لامي بالرحمة


ملاحظة ..هاد الوصفة من مطبخي حصريااااا وضعتها في احد المنتديات و حبيت نجيبهالكم .... بالصحة و الهنا


ام اسحاق



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممم يشهي ام اسحاق شكرا على الوصفة و دعواتنا لامك بالرحمة انشاء الله

__________________________________________________ __________

>>>> الرد الثاني :

يعطيك الصحه اختى تهبل وعجبتنى طريقه الشرح مبسط ومفهوم وباينه خفيف رايحا نجربها ان شاء الله الف شكر اختى ونورتينا ننتضر المزيد باينه شاطرة وفحله الله بارك

__________________________________________________ __________

>>>> الرد الثالث :

ماشاء الله مطلوع يهبل يعطيك الصحة وربي يرحم أمك ان شاء الله

__________________________________________________ __________

>>>> الرد الرابع :

يعطيك الصحة



دعواتنا لأمّك بالرّحمة



__________________________________________________ __________

>>>> الرد الخامس :

ماشاء الله يعطيك الصحه وشكرا على الوصفه