عنوان الموضوع : سوفلي بنـــــــــــــــــــين ادخلوا شوفووووووووه متندموش طبق جزائري
مقدم من طرف منتديات العندليب

السلام عليكم ورحمة الله وبركاته
اليوم أول مرة نكتب فيها موضوع ان شاء الله يعجبكم
حبيت نشارككم بالسوفلي الي طيبتوا
العجينة :
الفرينه على حساب الحاجة حتى تتلم العجينة
حبة بيض
فنجان تاي زيت
ملعقة كبيرة سكر
ملح
ملعقة كبيرة خميرة الخبز
ملعقة كبيرة حليب بودرة
1/2كاس ماء دافئ+كاس قازوز
أما الحشو :
صلصة طماطم تكون ثقيلة أنا حبيت نضيف لها فلفل مقطع




و لحم مرحي مقلي في الزيت ملح وفلفل أكحل
انا حبيت نضيف البصل مقطع دوائر ومحمر في الزيت للحشو وهذا شيئ اختياري ايضا الفرماج مبشور






اما طريقة العجن وهي كالتالي :
نبداو البيض نخبطوه مليح ونزيدولوا السكر و الزيت وحليب البودرة والملح وفي نفس الوقت نحطوا الخميرة مع شوي ماء وسكر في اناء اخر حتى تطلع شوي
ثم نظيفوا نص كمية السوائل ونبداو بالقازوز ونخلطوا مليح ونضيفوا فرينة ومن بعد كي تتلم نزيد الماء ومن بعد نبداو نزيدوا الفرينة بالشوي ونخلطوا ممكن الفرينة تحتاج على حسابها اذا كانت تشرب ولا لالا
المهم انوا العجينة تاعنا تكون مليحة ماهي جارية ماهي يابسة
نخلوها تخمر في اناء ونغطوها بفوطة مبللة ونحطوها في مكان دافئ
تخمر الخمرة الاولى ومن ثم نفشوها ونخلوها تزيد تخمر مرة اخرى
بعد الخمرة الثانية نشكلوها دوائر ونخلوها ترتاح شوي اذا كان عندك ميزان وزن الكرية 80غ


ندهنوا البلاطوا تاعنا بالزيت ونبداو نشكلوا السوفلي
والعجينة تكون رقيقة Ovale نحلوها على شكل بيضوي
ونحطوا الحشو تاعنا لاصوص ومن بعد اللحم ومن بعد البصلة والبيشاميل واذا حبيتي تحطي بيض مشرشم ومكرفج اختياري ندهنوا الجهة الاخرى بالبيض ونغلق الحبة ونزيدوا نغلقوها مليح بالشوكة




ندهنوها بالبيض من فوق ونحطوا حبة زيتون


نحطوها في فرن ساخن جدا كي تكون قريب تنضج مزال غير تتحمر نخرجوها وندهنوها بالزيت من فوق
ونرجعوها تتحمر











ان شاء الله تعجبكم وتجربوها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

bayena bnina chahitini khti yatik essaha

__________________________________________________ __________

>>>> الرد الثاني :

الله يسلمك اختي elise جربي ومتندميش بنيييييييييييييييييييييييييييييييييينة

__________________________________________________ __________

>>>> الرد الثالث :

تهبل اني رايحا نديرها في عشائي الخاص
ممكن تدخلي وتساعديني في باقي الاطباق هاو موضوعي وشكرا مسبقا
https://www.djelfa.info/vb/showthread...0#post10727960

__________________________________________________ __________

>>>> الرد الرابع :

روووووووووووووووووعة يعطيك الصحة أختي

__________________________________________________ __________

>>>> الرد الخامس :

شكرا ليكم اخواتي هكذ الواحد اتشجع باه يزيد يحط مواضيع اما اختي سمية القسنطينة وانا نموت على ناس قسنطينة ربي يهنيك انت وزوجك وان شاء الله كي تجربي السوفلي يعجبك وثاني كاينة وصفة تع فلان بالطبقات حطيتها في الرابط الي عطيتيهولي ونزيد نحطها هنا انا كي قريت وش كتبتي اتفكرتها وهي باينة بنينة وثاني تع الصيف تبرد على الواحد

https://moondz-mouni.blogspot.com/201...post_1581.html


وثاني تقدري تديري التحلية هادي
https://www.djelfa.info/vb/showthread...2#post10736712