عنوان الموضوع : الجديد حبو والقديم لا تفرط فيه فطيرة لجدود من مطبخي
مقدم من طرف منتديات العندليب


من وصفات امهاتنا وجداتنا الفطيرة او خبز الفطير المعروف والمشهور في بلادنا بعدة اسماء وانواع طبعا فيه الي يخدموه بالسميد او الفرينة او الاثنين معا وحتى بدقيق القمح يتحضر في 10 دقائق فقط وبمكونات موجودة في كل بيت ويقدم مع القهوة او الشاي تابعي اختي الموضوع

الفطيرة



في قصعة صغيرة ديري الفرينة والسميد وملح وزيت


خلطيهم بيديك حتى تحسيهم مرملين يعني مثل الرمل


اضيفي شوية حليب هدا اختياري من اجل الطراوة فقط ادا صبحت لك خبزة تبقى طرية


ثم الماء تدريجيا حتى تتلم العجينة


اقطعيهم كويرات حسب الرغبة انا درتهم متوسطين


حلي بالوراق


سخني الطاجين امليح وحطي الخبزة


نثقب الخبزة في الوسط ثم نقبها بشوكة حتى تطيب من الداخل وبواسطة سكين نممر السكين من الفوق فقط تساعدني العملية في تقطيعها كي تطيب

هاهي الخطوط واضحة


نقلبها


وهاهي واجدة



شوفي كيفاش تساعدك الخطوط الي ترسميها على الخبزة






بالصحة عليكم
ملاحظة / نعرف ماشي حاجة جديدة عند البعض لكن هدا منتدى وفيه مبتدئات تحياتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي الوهرانية
عجبتني الملاحظة نتاعك لي كتبتيها
مالازمش نحقرو اي وصفة مهما كانت بسيطة لانو كاين مبتدئات يحتاجوها
انا من رايك

__________________________________________________ __________

>>>> الرد الثاني :

يعطيك الصحة يا الوهرانية تع الصح.....والله مازالنا بفضل الكثيرات محافظين على التقاليد والعادات تع الجدود


__________________________________________________ __________

>>>> الرد الثالث :

المشاركة الأصلية كتبت بواسطة batila137
يعطيك الصحة اختي الوهرانية
عجبتني الملاحظة نتاعك لي كتبتيها
مالازمش نحقرو اي وصفة مهما كانت بسيطة لانو كاين مبتدئات يحتاجوها
انا من رايك

شكرا حبيبتي وانا فعلا نقصدها لانو احيانا وحدة تدخل تقول وحتى بينها وبين نفسها بوووووووووووووه الفطيرة ونحطوها لكن فيه اخوات هادا وين كملتو دراستهم او حابين يدخلو للمطبخ لاول مرة وما لقاوش الي يساعدهم هكدا يكون المنتدي طريقهم يعني اي حاجة بسيطة تعرفيها ممكن تكون جديدة عند غيرك سلامي ليك حبيتي

__________________________________________________ __________

>>>> الرد الرابع :

المشاركة الأصلية كتبت بواسطة mordia
يعطيك الصحة يا الوهرانية تع الصح.....والله مازالنا بفضل الكثيرات محافظين على التقاليد والعادات تع الجدود

شكرا على المرور سلامي ليك

__________________________________________________ __________

>>>> الرد الخامس :

يعطيك الصحة اختي الوهرانية
احنا نسموها الكسرة ورسمي كل يوم
وتعلمها ضروري جداااا