عنوان الموضوع : السفنــــج شباب وخفيف من عند الصوامعيــــــة
مقدم من طرف منتديات العندليب

الســـــــلام عليكــــــــم جميعـــــــا


اليوم جبتلكم طريقتنا في تحضير السفنج مجربة وناجحة تختلف من حيث المكونات لوصفات بعض الأخوات حنا منزدلوش البيض -السكر - الخمارة الكميائية - مبشور البرتقال - الزيت فقط 4 مكونات نخليكم مع المقادير ، طريقة التحضير والصور من مطبخ الصوامعية

المقاديـــــــــــر :


- 1 لتر ماء ساخن ( ماشي بزاف )
- ملح حسب الذوق
- مغرف كبيرة خميرة الخبز
- فرينة حسب الخليط


التحضيـــــــــــر:


في صحن عريض وغامق أو بسينة نحط الماء والملح ونبدا نضيف الفرينة بالشوية ثم خميرة الخبز ونخلط ثم نزيد نكمل الفرينة حتى تولي تتلايم و تلسق فاليد ندلكوها شويا ماشي بزاف ندخلو يدنا أسفل العجينة ونطلعها للفوق باه يدخل فيها الهواء نغطوها ونخلوها تخمر في مكان دافئ كي تخمر نشكلوهم خبيزات صغار ثم نقلوهم


نتمنى يعجبكم بلا ما ننسى هذا السفنج نهديه لكل الأخوات لحطو تطبيقاتهم للبسبوسة فالمقلة ولكل الأخوات لجربوها وقلولي نجحت معاهم و أيضا ل أختي ميري لتبغي السفنج شكرا لكن جميعا دمتن أوفياء لوصفاتي



[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]


قبل ما تخرجو أدخلو لهذا الرابط وشوفو كم هي جميلة هذه الطفلة ما شاء الله

https://www.djelfa.info/vb/showthread.php?t=881509


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك الصوامعية
هايل

__________________________________________________ __________

>>>> الرد الثاني :

يعطيك الصحة يالفحلة


ما شاء الله


و ما ننساش التقيييم

__________________________________________________ __________

>>>> الرد الثالث :

يعطيك الصحة انا نموت علي السفنــــج و فكرتيني في لبلاد و اطباق لبلاد

__________________________________________________ __________

>>>> الرد الرابع :

بارك الله فيك اخت الصوامعية سفنج ديالك هايل
حبيت نسقسيك هذا السفنج حسب مانعرف نطيبوه في زيت قليلة اليس كذلك لانها نفس طريقة زوجة اخي هي طيبوا في زيت قليلة وبالتالي يجي ناشف من الداخل ومنتفخ وما فيهش الزيت .
ماشي كيما احنا نطيبوه في زيت غزير

__________________________________________________ __________

>>>> الرد الخامس :

المشاركة الأصلية كتبت بواسطة remadna
الله يبارك الصوامعية
هايل

أهلا بالعزيزة remadna نورتي وشرفتي موضوعي بما أنك دخلتي الأولى تستاهلي هذا الصحن بصحتك السفنج


[IMG][/IMG]

[IMG][/IMG]