عنوان الموضوع : سلسلة وصفاتي الرمضانية "شخشوخة الظفر بالخطوات على طريقتي" المطبخ الجزائري
مقدم من طرف منتديات العندليب




السلام عليكم
اليوم راح نبدا نحط الوصفات ليديرتها في رمضان مش كامل الاطباق صورتها و لكن بعضها فقط نبدا بشخشوخة الظفر ماديرتهاش في اول رمضان ديرتها في 1/2 رمضان نبدا على بركة الله


المقادير

*.بصل مرحي

*طماطم مرحية "انا نرحيها بقشورها لأنو القشر فيه بنة و مفيد و ايضا راح نصفي المرق"

*ثوم

*لحم او دجاج او معا

*زيت

*زبدة

*راس الحانوت"توابل مخلوطة"

*ملح

*طماطم مصبرة

*هريسة

* شخشوخة الظفر

*فلفل احمر حلو و حار



الطريقة

نبدا بتحضير المرق

نضع قليلا من الزيت و نقلي اللحم فيه حتى يتقلى ثم نخرجه من القدر و نضعه في الصحن



و نضع البصل مع الثوم المرحين في الزيت الدي قلينا فيه اللحم



و نقليوها و مبعد نزيدو ملعقة هريسة " ليخاف الحار و مايحبوش ينقص في المغرف تع الهريسة " و ملعقة و 1/2 الى ملعقتين طماطم مصبرة و توابل + ملح و نقلي مليج





ثم نضيف الطماطم المرحية و نزيدو اللحم لكونا قليناه شوية مع عصارتو لي في الصحن+ كاس ماء سخون و نغلقو عليها و نقصو في النار و نخليها تتقلى براحتها "و لكن ادا كنت مزروبة مش شرط"
ومبعد نمرقوها بالماء الساخن و نغلقو عليها













2- شخشوخة الظفر

نجيب شخشوخة الظفر نحطها في قصعة و نضيفلها شوية زيت+ملح و نحركها و نحطها في الكسكاس تفور









بعد ماتفور التفويرة الأولى نرش عليها ماء و نحرك و نخليها شوية "برهة من الزمن" و نحطها في الكسكاس تفور للمرة الثانية "انا فورتها 2 مرات"
بعد مانخلصو من التفوار نتاعها نصمغها بالزبدة و نغطيها بمنديل نظيف و نخليها ننرجع للمرق لخليناه يطيب






3- المرق

بعد مايطيب المرق نحي اللحم على جنب و نصفي المرق و نلوح فيه حبة حار و حطيه على النار يدي غلو او غليتين

و مبعد نجيب كاسرون نقص المرقة و نخلي شوية قد مانجمر الشخشوخة نتاعنا على نار هادية نضيف الشخشوخة و نحركها شوية نخليها تشرب المرق و نقدمها بعد مانكونو قلينا اللحم نتاعنا مع الحمص في النص "نديو شوية من المرق نضيفولو الحمص لينكونو طيبناه من قبل "







و هدي صورة الطبق النهائي








و شكرا على زيارة موضوعي
دعواتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك يا مونية خرجتلك هايلة يعطيك الصحة في انتضار المزيد

__________________________________________________ __________

>>>> الرد الثاني :

المشاركة الأصلية كتبت بواسطة المبتدئة
الله يبارك يا مونية خرجتلك هايلة يعطيك الصحة في انتضار المزيد

يبارك في سلامتك ان شاء الله
شكرا اختي ربي يحفظك

__________________________________________________ __________

>>>> الرد الثالث :

تبان بنينة يعطيك الصحة

__________________________________________________ __________

>>>> الرد الرابع :

اممممممم تشهي يعطيك الصحة

__________________________________________________ __________

>>>> الرد الخامس :

يعطيك الصحة شهيتيني