عنوان الموضوع : الفطير المشلتت أخذ الجنسية الجزائرية طريقة جزائرية
مقدم من طرف منتديات العندليب

راني طيبت اليوم فطير مشلتت و هبطت لجارتي مع براد اتاي اليكم الطريقة
اعجني 3 كيسان فرينة, ملح مع كاس و ربع ماء جيدا ثم شكليه كرات شوية كبار بالزيت
ثم غطيهم ببلاستيك و خليهم يرتاحو نصف ساعة
[IMG][/IMG]
بعدها ادهني الطابلة نتاعك بزيت مخلط بسمن ذايب تكوني موجدتهم في صحن و تحلي العجينة الاولى
رقيقة جدا راكي تقدري تتحكمي فيها بلاما تتقطع انا حليتها بقطر 50 سم ثم امسحيها بشوية سمن طري
و طبقيها مربع كيما المسمن و حطيها على جنب
[IMG][/IMG]
راني نسيت نقوليكم انا استعملت سمن مدينة ........
زيدي ادهني الطلبلة بخليط الزيت و السمن و حلي العجينة الثانية ثم امسحيها بشوية سمن ذايب
و حطي وسطها المربع نتاعك الاول
[IMG][/IMG]
[IMG][/IMG]
ثم طبقيها على المربع و حطيها على جنب و كرري العملية مع محاولة اعطاء العجينة شكلا دائريا
و تابعي حتى تنهي كل الكرات انا استعملت 6 كرات
حطيها بعدها في بلاطو و خليها ترتاح نصف ساعة ايضا ثم سخني الفرن جيدا ثم دخليها تطيب حوالي من
20 الى 25 دقيقة حسب نوع الفرن
[IMG][/IMG]
بعدما يخرج من الفرن غطيه بفوطة باش يطرى و كولو بالصحة و الهناء
[IMG]
[/IMG]
هذا لاول من ترد
[IMG][/IMG]





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله الله هاااااااااااااااااااااااااايل كون تشوفو ماما يا ويلك هههههههههههههههه


يعطيك الصحة حبيبتي الغالية رووووووووووووووعة

بصحتي أول قطعة

__________________________________________________ __________

>>>> الرد الثاني :

المشاركة الأصلية كتبت بواسطة أم إياد أحمد أمين
الله الله هاااااااااااااااااااااااااايل كون تشوفو ماما يا ويلك هههههههههههههههه


يعطيك الصحة حبيبتي الغالية رووووووووووووووعة

بصحتي أول قطعة

ما تقوليش لماما حتان نجي في العطلة راح نديرهولكم و تاكلي انت الاولى ...........بس دي رشوة

__________________________________________________ __________

>>>> الرد الثالث :

المشاركة الأصلية كتبت بواسطة sissou nrdn
ما تقوليش لماما حتان نجي في العطلة راح نديرهولكم و تاكلي انت الاولى ...........بس دي رشوة

ههههههههههههههههههههه

بصح غدوة إذا حيانا ربي راح نجربها تبان كأنها كوكا بصح مش محشية برك

__________________________________________________ __________

>>>> الرد الرابع :

طريقة جديدة و ساهلة مع هذي السخانة في الكوشة عملي جدا

__________________________________________________ __________

>>>> الرد الخامس :

مممممممممممممممم روعة يهبل يعطيك الصحة