عنوان الموضوع : حصريا شاورما بالمرقاز من اختراعي المطبخ الجزائري
مقدم من طرف منتديات العندليب

امس حضرت للعشاء شاورما جديدة انا متعودة نعملها بالدجاج ومرات باللحم امس عملتها بالمرقاز واعملت رغيف سوري قدمتها معاه والصور توضح الطريقة والمقادير
اما الرغيف السوري حسب افراد الاسرة المهم كل نصف كاس اينوكس من الفرينة يعملك قرصة او خبزة واحدة مثل اللي في الصورة وهاد الكمية ديريلها ملعقة زيت ونصف ملعقة خميرة الخبز ونصف مغرف صغيرة ملح و قرصة سكر
انا استعملت كاس ونصف فرينة زدتلو ثلاث معالق كبار زيت ومغرف صغيرة ونصف خميرة الخبز ومغرف صغيرة ونصف ملح ومغرف صغيرة سكر وتزيدي ماء دافي حتى تتحصلي على عجينة ادعكيها ثلاث دقائق وغلفيها ببلاستيك وخليها ترتاح ربع ساعة ثم شكلي ثلاث كويرات متساوية حليها باستعمال الفرينة حطيها فوق منشفة وزيدي غطيها وخليها تزيد تختمر من سبعة لعشر دقايق وطيبيها بالوحدة في مقلات على الجيهتين

ملاحضة هاد الكمية تعملك ثلاث خبزات وانت ضاعفي الكمية حسب افراد الاسرة والحبة اللي تطيبلك حطيها في كيس مباشرة حتى تبقى طرية لوقت الاستعمال
اما المرقاز حليتو من الغلاف وحطيتو في مقلة من غير زيت مع نصف حبة بصل وملعقة هريسة وحبة كبيرة طماطم مرحية من غير قشرة ولا بدور وقرصة كمون وفص ثوم مرحي ماكترتش التوابل لان المرقاز اصلا متبل خلي الخليط على نار متوسطة حتى يطيب المرقاز ولما تطفي النار زيدي مغرف كبيرة خل وخلطي وباقي المقادير توضحها الصور وممكن تزيدي معاهم مايوناز وهريسة حسب الرغبة
انشاء الله يكون شرحي وافي واي استفسار انا في الخدمة




























>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلمت يداك تشهي الله يبارك و فكرة المرقاز فكرة جديدة مشكورة

__________________________________________________ __________

>>>> الرد الثاني :

مممممممممممممممممم بصحتكم روووووووووعة ما شاء الله عليك

__________________________________________________ __________

>>>> الرد الثالث :

الله يبارك يا الفحلة تشههههههههههي يعطيك الصحة
ان امكن تعطيني طريقة الخبز السوري و شكرا

__________________________________________________ __________

>>>> الرد الرابع :

يعطيك الصحة
انقلي الوصفة نتاعك الى قسم الاطباق الرئيسية

__________________________________________________ __________

>>>> الرد الخامس :

ya3tik saha a3tina kifah derti khobez sori stp