عنوان الموضوع : مطلوع من مطبخي وبصوري طبخ جزائري
مقدم من طرف منتديات العندليب


شكرا لكل من مر او زار موضوعي
المقادير
رطل فرينة+ م ك سكر+ملح+ زوج م ك خميرة الخبز+ماء دافئ للعجن

نبدا نعجن فيه باضافة الماء حتى نتحصل على عجين طري وخفيف
الي تحب تزيد شوية سانوج امد ريحة روعة للمطلوع ويقتل من ريحة الخميرة انا مايحبوهش بصح في دارنا لازم السانوج

ثم نقسم العجين على زوج ونبدا نشكل بكفين تاع اليد انا درت بيد واحدة لان كنت نصور

نرفدها بخفة ونحطها فوق السميد بزاف ونعاود نرفدها بخفة ونحطها فوق ازار فوقو السميد

نقرصهم ونغطوهم ونخلوهم يخمرو

كي يخمرو نشعل للفلان من تحت ونحط السنوة تسخن مليح كي يسخن الفرن مليح ناعود نطفي من تحت ونشعل غير من فوق على اعلى درجة حرارة ونقلب السنو ة ونبدا نطيب في مطلوعي نرمي بالمطلوعة اطيب


شوفو هنا بعدما خمرو ملازمش يخمرو بزاف والى كي اجو اطيبوهم مايطلعوش

هنا كي طابت نقلبها من تحت اذا خفتو على يديكم استعينو بحاجة ناشفة واقلبوها

اهنا راه وجد




دورك نحوسلكم كيفاش ترفدو المطلوع وتلوحوها فوق السنوة
اسفة على الاطالة عليكم هناك دائما مبتدئات
هذي الصورة من الارشيف اليوم نسيت باه نصورو

كيفاش نرفد المطلوع متاسفة على التاخير راهي ساهلة كثرة الصور باه تفهمو مليح واعتذر مرة اخرى عن التاخير
هذي نسموها لواحا راهي تتباع عند الي يبيع الطاجين والسوواور هذي كبيرة شريتها 25الف وكاين قيس المطلوع قيس انا مالقيتش
إضغط هنا لرؤية الصورة بحجمها الطبيعي.

نحط المطلع يخمر في سنوة بعدما نكون درت ازار ونذرذر السميد الرطب نحط المطلوع يخمر *كي يخمر نحط اللواحا فوق المطلوع ونقلب
إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.
نحي الازار
إضغط هنا لرؤية الصورة بحجمها الطبيعي.
ناخذ سيار ونهزالمطلوع بشوية ونحطها فيه انا ماشي متوفر عندي ندير فوق سنوة
إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.
كي نحي الزايد تاع السميد نعاود نحط اللواحا فوق المطلوع بدون ضغط ونقلب وخلاص بالعقل حطيها فوق الطاجين وطيبيها

اهنا بعدما طابت
إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.

راهي ساهلة ماتتخلعيش من كثرة الصور باه تفهمي راهي اول حاجة تعلمتها من الوالدة كنت نفرح كي تعجن باه نرفد المطلوع واي استفسار قولي
صح فطوركم كامل



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وليدي راني نستنى في مطلوعك حظ موفق

__________________________________________________ __________

>>>> الرد الثاني :

وييييييييين المطلوع جيت نقول اممممممممممممممممممممم بلا مانشوف خاطرش نموت عليه

__________________________________________________ __________

>>>> الرد الثالث :

المشاركة الأصلية كتبت بواسطة أم ياسين الزهراء
وليدي راني نستنى في مطلوعك حظ موفق

المشاركة الأصلية كتبت بواسطة ادرارية
وييييييييين المطلوع جيت نقول اممممممممممممممممممممم بلا مانشوف خاطرش نموت عليه

شكرا لكن راني وضعت الطريقة هذي سادس مرة نكتب واروح كل شي والله غير تقلقت

__________________________________________________ __________

>>>> الرد الرابع :

يعطيك الصحة اختي رائعة وتتاكل سخونة خير ماشاء الله بصحتكم

__________________________________________________ __________

>>>> الرد الخامس :

يعطيك الصحة عزيزتي اولادي باين يشهي