مقرونة بمرقة حمراء رووووعة من مطبخي طبخ جزائري
عنوان الموضوع : مقرونة بمرقة حمراء رووووعة من مطبخي طبخ جزائري
مقدم من طرف منتديات العندليب
السلام عليكم اخواتي
اليوم جبتلكم طريقتي في اعداد المقرونة انا منيش عارفة اذا كنتو تعرفوها مي كاين مبتدئات مثلي ميعرفوش حوايج بزاف
ننصحكم تجربوها لانو طعمها فعلا رائع وصحاب خويا منين مايجو لينا يقولونا ديروها يموتو عليها
علابالي طولت في الهدرة ايا مالا نبدا بعد بسم الله الرحمان الرحيم
المقادير
500 غ مقرونة ومن الأفضل هذا الشكل
انا مكان عندي فدرت هادي
حبة بصل كبيرة مقطعة رقيق
راس ثوم متوسط مهروس
3 ملاعق كبار زيت
شوية فاح وكاين اللي يسموه راس الحانوت
طراف دجاج
شوية كسبر مرحي
شوية فلفل احمر حار مرحي
ملح
2 ورقات رند
ملعقة كبيرة سكر
حبة طماطم كبيرة مرابية
2 ملاعق كبار طماطم مصبرة
فلفل اخضر حار الكمية اللي حبيتي
جبن مبشور
هريسة
الطريقة
في كيكوت نحطو البصل والثوم والزيت والتوابل والدجاج والطماطم ونحطوها على نار متوسطة يتقلاو شوية مدة 10 د
ثم نمرق بشوية ماء حوالي كاس ونص ماشي اكثر ونلوح الفلفل الاخضر ونخليها تطيب حوالي 20 د
بعدها نزيد الماء حوالي كاس ونص او اكثر ونخليها حتى يطيب الدجاج
وكي بطيب الدجاج نحيه وفتتيه في صحن ولوحي المقرونة في المرقة وعلى النار اغلقي عليها وخليها حتى تشرب هداك المرق ثم خلطيلها الدجاج وسكبيها في صحن التقديم ورشي عليها جبن مبشور وديريلها هريسة اذا كنتي تحبي الحار بالهريسة تجي 444444
وفي الأخير دعوة منكم انو ربي يشفي امي المريضة و ينجحني هاد العام في البكالوريا كافية ووافية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا اختى ياريت تكملى الموضوع
__________________________________________________ __________
>>>> الرد الثاني :
المشاركة الأصلية كتبت بواسطة ساندي 28 
شكرا اختى ياريت تكملى الموضوع
راني كملتو حبيبتي لانو النت عندي ناقصة طولت باش كملتو
__________________________________________________ __________
>>>> الرد الثالث :
ربي يشافي الوالدة ويوفقك ربي
بارك الله فيك على الوصفه لكن الصور لا تضهر
__________________________________________________ __________
>>>> الرد الرابع :
المشاركة الأصلية كتبت بواسطة أم إناس
ربي يشافي الوالدة ويوفقك ربي
بارك الله فيك على الوصفه لكن الصور لا تضهر
شكرا على دعوتك تسوا الدنيا ومافيها
اختي انا الصور باينة عندي والله ماني عارفة وين راه الخلل
__________________________________________________ __________
>>>> الرد الخامس :
لا تضهر الصور اختى عاوى التحميل
رد مع اقتباس
