عنوان الموضوع : الدزيريات بجوز الهند Noix de coco
مقدم من طرف منتديات العندليب

السلام عليكم ورحمة الله و بركاته
اليوم حاب نوريلكم حلوة معروفة "الدزيريات " لكن بغير حشوة هوما معروفين بحشوة اللوز لكن اليوم درتها بحشوة جوز الهند و بصراحة بزاااف بنان نبدا بالمقادير
مقادير العجينة:
كيلو فرينة (طحين)
300غ زبدة مقطعة قطع صغيرة
قرصة ملح
ملعقة صغيرة فانيليا
ملون غدائي أبيض (كيما تحبو لكن من الأحسن بش العجينة تجي بيضا مليح)
فنجان صغير ماء الزهر
ماء لجمع العجينة
مقادير الحشوة:
300غ جوز الهند (Noix de coco)
150غ سكر
ملعقة صغيرة عطر الليمون
ملعة صغيرة فانيليا
3 أو 4 بيضات
طريقة تحضير العجين :
ننخل الفرينة (نصفيها) لكي يتخللها الهواء نضع الزبة المقطعة قطع صغيرة نعجن الزبدة مع الفرينة لحتي تتداخل الزبدة معها نضع قرصة الملح وملعقة الفانيليا و الملون الأبيض (ملعقتين) نخلط بالملعقة نضف ماء الزهر نواصل الخلط ثم نبدأ بإضافة الماء مع العجن حتى نتحصل على عجينة طرية و متماسكة نتركها ترتاح لمدة ساعة.
طريقة تحضير الحشوة :
نضع جوز الهند و السكر في ROBOT نخلطهم جيدا ثم نخرجهم نضيف عطر الليمون الفانيليا نخلط بالملعقة ثم نضيف البيض ونجمع لحتى تصبح الحشوة تشد مليح كي ندير دوايرات صغيرة Des petites boules نديرهوم نحطهم في سنيوا و نبدا ندير فالدزيريات
نحل العجينة بالحلال نحلها رقيقة مليح نقطع درائر بحجم الكأس مضع دوايرة تاع الحشوة نبدا نطلع بالوحدة لعجينة ممكن باليد أو لي تجيهم صعيبة يديرو بالكور دون Cure_dents نطلع حتى يخلاصو ندخلهم للفرن 200° مدة 15 إلى 20 دقيقة ممكن أقل لأنهم يحمارو بسرعة كي يطيبو نجبدهم نعسلهم نحطهم في سنيوا نديرلهم المعجون فوق الحشوة
و هده هي صورها
https://herosh.com/download/10529777/IMG_0037.JPG.html
https://herosh.com/download/10529796/IMG_0038.JPG.html
https://herosh.com/download/10529816/IMG_0039.JPG.html
إنشاء الله تكون عجبتكم الوصفة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لرؤية الصور ديرو الرابط روحو "download" تجيكم الصورة

__________________________________________________ __________

>>>> الرد الثاني :

بارك الله فيك







__________________________________________________ __________

>>>> الرد الثالث :

المشاركة الأصلية كتبت بواسطة remadna
بارك الله فيك

شكرا لك يا أخت رمادنة

__________________________________________________ __________

>>>> الرد الرابع :

يعطيك الصحة اختي



__________________________________________________ __________

>>>> الرد الخامس :

هايلة شكككرراا