كريات بحلوة الترك
عنوان الموضوع : كريات بحلوة الترك
مقدم من طرف منتديات العندليب
كريات بحلوة الترك
المقادير :
- 500غ فرينة .
- 2 بيض .
- 120غ سكر مسحوق .
- 250غ زبدة
الحشو :- 1/2 علبة متوسطة حلوة الترك 400غ .
للتزيين :- 2بياض بيض .
- 200غ كاوكاو مرحي خشن .
- كريات عقاش فضية من الحجم الكبير .
كيفية التحضير :1- في وعاء أخلطي جيدا السكر و الزبدة حتى تتحصلي على كريمة
2- ضفي البيض مع الإستمرار في الخلط ثم ضفي تدريجيا الفرينة المغربلة وأخلطي حتى تتحصلي على عجينة لينة سهلة الإستعمال.
3- شكلي كريات بحجم حبة الجوز وأحشيها بقليل من حلوة الترك.
4- أغطسي الكريات في بياض المخفوق قليلا ورمديها في الكاوكاو وزيني وسط كل كرية بحبة عقاش فضية.
5- ضعي الحلوة في الصينية دون دهنها وادخليها في الفرن للطهي درجة حرارته 200 لمدة دقيقة حتى يتغير لونها إلى الذهبي.
6- قدميها في حاويات.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله باينة روعة يعطيك الف عافية
__________________________________________________ __________
>>>> الرد الثاني :
الله يعافيك اختي و الله غير هايلة انا مجربتها بزاف و خصوصا نستعملها في الاعياد
__________________________________________________ __________
>>>> الرد الثالث :
يعطيك الصحة اختي bessaden
السكر ارطب أو احرش
__________________________________________________ __________
>>>> الرد الرابع :
يعطيك الصحة تبان مليحة
__________________________________________________ __________
>>>> الرد الخامس :
السلام عليكم اختي راني اكتبت سكر مسحوق يعني سكر احرش
رد مع اقتباس
