عنوان الموضوع : انقذونييييي للسنة 1 ثانوي
مقدم من طرف منتديات العندليب

السلام عليكم
الله يحفضكم عاونوني قولولي واش ندير راني وليت منقراش قاع السمانة الجاية الاختبارات و هدي السمانة الفروض و انا مني حافضة والوا خصوصا الاجتماعيا و الاسلامية ياو لو كان درس واحد محفضتوش الله ينجحكم قولولي واش ندير اعطووني جدول ولا كاش حاجة باش نضم وقتي و لييت مدمنة فيس بوك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

twakli 3la rabi wnadmi waktek wbday

=========


>>>> الرد الثاني :

لازمك ارادة خويا

زيد يجب ليك اتغلب على نفسك شويا

خلي توافه الامور في وقتها

وابدا من غدوة مع 8.30 او 9.00

روح حل تمارينات الرياضيات

وزير روحك في المواد الاساسية فيزيا ورياضيات وعلوم

ونقولك حاجة مليحة

لاتوجل عمل اليوم الى الغد

ا ثانوي ماشي صعيبة ياسر

=========


>>>> الرد الثالث :

شكرااا على المرور انا بنت و لست دكر + اعطوني جدول للتنضيم الوقت لو سمحتم

=========


>>>> الرد الرابع :

اختي
انا نصارحك
لازم انت تقولي لروحك اخطيني من الفايسبوك
لانوا يديك للهاوية
انا كنت كيما انت بصح دوك عندي وحد الشهر ولا كتر ما دخلتلوا ما طليت اعليه يضيع الوقت ومافيه حتى فايد
سيي اضبطي نفسك واتحكمي فيها وديري العزيمة وماتزيديش تدخليلوا اسناي حتى العطلة مامازالش بزاف
وحتى في العطلة ماتكتريش منوا باش ما تعاوديش اطيحي في حالة الادمان
اما الحفظ
فعليك ان تضعي جدول
هداك الجدول اليومين الاساسين فيه الجمعة والسبت يعني هد اليومين اعرفي كيفاش تقسميهم ديري 2 سوايع حفظ و 1 ساعة فهامة وزيدي 1 ساعة اديري فيها تمارين باش تشوفي ادا راكي فاهمة
يعني 3 سوايع صباح + 1 تمارين
ومبعد ريحي
وزيدي لعشية نفس الشي 2 حفض 1 فهامة+ ساعة تمارين
ومن الافضل الحفض 2 سوايع تاع الصباح نوضي بكري
وديري قيلولة نصف ساعة باش تريحي
يوم الخميس مساء ما تراجعي والوا ريحي فيها
ونهار الثلاثاء راجعي مواد الحفض الي درتوهم اقرايهم عدة مرات 5-10 وتاني راجعي الرياضيات
اصلا الرياضيات لازم دايما تحليلها تمارينات
دريلها 30 دقيقة على الاقل 2 تمارين شوية طوال
وماتفورسيش على روحك
والايام الاخرى حلي التمارين في كل المواد وديري الواجبات المطلوبة وراجعي درس هاداك اليوم
وان شاء الله يفيدك واش قتلك

وبالتوفيق
حاولي تطبقي واش قتلك ربي ينجحك ويوفقك
وانا تان راني نطبق في هدا الجدول
ربي يوفقنا وينجحنا ان شاء الله

ملاحظة
كي كتبتلك 2 سوايع حفظ تدخل معاها حفظ قوانين الفزياء و الرياضيات
ودروس العلوم تان تحتاج لحفظ
قسمي
وادا ماكفاوكش هدو السوايع زيدي 2 سوايع ولا 1 ساعة
انا قتلك 4 سوايع صباح
و 3 عشية باش ما تفورصيش على روحك
ماشي مليح
يعني 7 سوايع يومي الجمعة والسبت كافين بلبزاف
وربي يوفقك

=========


>>>> الرد الخامس :

هدى اختي ربي ينورك شكراا

=========


بلا مزيا اختي اية
كيما قتلك تبعي واش قتلك بصح ماتفورسيش على روحك


اووك اختي الله يحفظك

5Awtii allah Y3aychKoum 3awNouni f wa7d el sujet

Rou7ou l Had el site : " الموقع الاول للدراسة في الجزاىر "

Ode5Lou fel Jiha ta3 1 AS w 5ayrou Fizik

ديرو نماذج اختبارات الثلاثيات الثلاث

و عاونوني في الموضوع 12

مي ما تنساوش " ج م ع ت "

بليييييييييييييييييييييييييييييييز

المشاركة الأصلية كتبت بواسطة halimbouh
5Awtii allah Y3aychKoum 3awNouni f wa7d el sujet

Rou7ou l Had el site : " الموقع الاول للدراسة في الجزاىر "

Ode5Lou fel Jiha ta3 1 AS w 5ayrou Fizik

ديرو نماذج اختبارات الثلاثيات الثلاث

و عاونوني في الموضوع 12

مي ما تنساوش " ج م ع ت "

بليييييييييييييييييييييييييييييييز







https://1as.ency-education.com/physics-sci-1trim12.html

اي من الاسئلة ما فهمتش ؟