( أيه ياجامدة اللى أنتى عملتيه فيا ده ) ازياء شيك
عنوان الموضوع : ( أيه ياجامدة اللى أنتى عملتيه فيا ده ) ازياء شيك
مقدم من طرف منتديات العندليب
( أيه ياجامدة اللى أنتى عملتيه فيا ده )
السلام عليكم ورحمة الله وبركاته ::
حكاية اليوم هنخدها على كام مشاركة
هى مش كبيرة بس انا حبيت اقسمها عشان تبقى أفضل فى المتابعة
*
*
~
ندى بنوتة فى سنة 2 جامعة لبسها زى بعض من بناتها جيلها
جينز – باديهات – سكينى – ايشاربات صغيرة
وكان نص شباب الجامعة يقفوا يبصوا عليها
وعلى جمالها ولبسها الضيق
وفى مرة وهى ماشية شاب قالها
( أيه ياجامدة اللى أنتى عملتيه فيا ده )
صاحبتها الانتيم نغـــم ردت و قعدت تضحك وتقولها
ايوا ياعم مين قدك
اضايقت ندى وقالتلها يعنى هو ده حاجة عدلة يختى
انا بدأت اتخنق من نفسي
بالرغم من لبس ندى إلا إن كان قلبها فيه خير لكن شمعة الخير دي كل ماكنت تتحرك
كانت صحبتها نغم تطفيها بالكلمات دي
( احنا لسة صغيرين – هتلبسي يعني زى عواجيز الفرح- يبنتى عيشي حياتك بقى – معرفش ايه - .... وهكذا )
في يوم كانت ندى لابسة كعب عالى اوى وهى نازلة من سلم مدرج الجامعة
طااااااااخ وقعت ندى على السلم وشعرت بألم رهيب فى رجليها
راحت للدكتور قالها اعمليلي اشعة على رجليكي
وكان مركز الاشعة زحمة جدااااااااااااااااااا
بالعافية اخدت اشعتها وراحت على الدكتور
قعد يبص على الاشاعة اكتر من مرة ويروح يكلم ناس ويرجع تانى
وفى الاخر قالها:
بصي يبنتى انا لازم اخبرك
فى ورم فى رجليكي انا كده هحولك بكرة الصبح لدكتور الاورام
صُعقت ندى وصرخت ولدتها : بنتــــــــــــــــــــــــــــي
باتت ليلتها بتبكي هو اسرتها ومعرفتش تدوق النوم لحد ماجيه تانى يوم ميعاد الدكتور
وراحت ندى هى واهلها للدكتور وقالها ..
بصي يبنتى انتى رجليك مكسورة وفى نفس الوقت لازم نعمل عملية فورية لاستئصال الورم
وطلب يشوف الاشعة بص فيها ودقق وسكت شوية
مممممم مقدمناش غير حل وااااحد
كان ممكن مقولهولكيش بس يبنتى التأخير فى الحل مش حلو عشانك
سأل الوالد بسرعة شديدة : ايه هو يادكتور ...
رد الدكتور :
البـــــتر
انهارت ندى واغمى عليها
يتــــــبع >>>
:::: الفهرس ::::
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
CENTER]تـابع>
:: الجزء الثاني ::
انهارت ندى واغمى عليها
ولما فاقت قعدت تبكى وافتكرت لبسها الضيق وبناطيلها اللى كانت بتفتن بيها الشباب
وفى الفترة دى زارتها صديقتها نغم مرة واحدة بس ومفكرتش تانى تسأل فيها
شعرت ندى انها قد ايه كانت غاضبة ربها فى لبسها وفى اختيار صديقتها
اللى كان كل الناس بتقولها ابعدي عنها تقولهم لأأأأ
قال الله تعالى :::::::::
[/CENTER]
وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً(27)يَا وَيْلَتِي لَيْتَنِي لَمْ أَتَّخِذْ فُلانًا خَلِيلاً(28)لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإِنسَانِ خَذُولاً(29)}.
سورة الفرقان
واتحددت ميعاد العملية وقبل العملية بيوم فتحت ندى دولابها وبصيت على لبسها ملقتش غير جيبة واحدة
وشافت بناطيلها قد ايه كانت ضيقة وافتكرت كلمة شاب وهو معدى من المدرج قالها لها
بس وقتها نغم قالتلها متخديش في بالك ده انسان معقد
وفى لحظة بكت وعلي صوتها بالبكاء وبقت تشد البناطيل من الدولاب وتبكي بحرقة لحد مادخلت عليها اختها سالى ( متخرجة من الجامعة )
في ايه ياندى هدي نفسك في ايه ؟!
للعلم لبس سالى كان محترم جدا وواسع ولما كانت نغم بتيجى لندى تتريق عليها وعلى لبسها
كانت تقولها سالى :
اهم شىء رضا ربنا عليا يانغم ( من ترك شيئاً لله عوضه الله خيرا منه )
هى الدنيا دى قد ايه
بكرة تعرفوا ان كان كلامي صح
المهم نرجع لحوار ندى وسالى:
ندى: انا كارهه نفسي اووووووووى يعنى يوم اقرر انى ملبس تانى بنطلون اقرر بأمر الطبيب
اقرر عشان انا رجلي اليمين هتتقطع
انا بكره نفسي اووووووووووووووووووي
وقعدت تصرخ ندى وقعدت تهدي سالى فيها
سالى : اهدى ياندى العصبية مش حلوة عشانك اهدى ياحبيبتى
انتى داخلة على عملية معلش ياندى بصي انتى من دلوقتى عاهدى ربنا انك طول حياتك هتلبسي لبس محترم من هنا ورايح
ندى بعد ايه ياسالى بعد ايه انا اللى فاضل فى عمرى قليل
سالى : لا ياندى ان شاء الله ربنا هيشفيكي وتبقى افضل متقوليش كده
ندى : يارتنى كنت سمعت كلامك ياساالى ومسمتعش كلام نغم
اااااااااااااااااااااااه ياااااااااااااااااااااااااربي ارحمني ومتعذبنيش
ايوا فتنت شباب كتيررررررر
وقريت مواضيع عن الحجاب كتيرررر
كنت بحول بسرعة وكنت مش بقتنع
اااااااااااااااااه ياخســــــــــاااااااااااارة:SnipeR (72):
منك لله يانغم منك لله يانغم
وجيه ميعاد العملية
وهى رايحة بتقدم رجل وتأخر رجل وفى قمها حُزنها
ولسة واقفين يركبوا هى واهلها رن هاتف والدها
وكان المتصل هو الدكتور
الدكتور بخبرهما بتأجيل ميعاد العملية نظراً لظروف خارجة عن ارادة احدى الدكاترة اللى هيتابعوا حالة ندى
تُرى ماذا حدث بعد أنتظرونا والجزء الأخير ..أرجو يابنات ننقل الموضوع فى كل المنتديات اللى نعرفهاممكن لو استفادت منه بنت واحدة تكون فى ميزان حسناتك ليوم القيامة
نسأل الله أن يتقبل منا ومنكم صالح الاعمال
يتــبع >>
__________________________________________________ __________
>>>> الرد الثاني :
=Times New Roman][/FONT] تــابع >>
بعد مكالمة الطبيب لوالد ندى وتأجيل ميعاد العملية
قرر والد ندى انه يخدها يخرجها شوية وطلب من والدتها واخواتها يرجعوا هما البيت
وهما ماشيين فى الطريق طلع والد ندى الإشاعة وفضل يبص عليها وعيونه محبوسة فيها الدموع
لاحظت ندى دموع ابيها المحبوسة وقالت له : هون عليك يابابا محدش بيموت ناقص عمر
رد عليها اباها : لا ياحبيبتى ان شاء الله انتى هتبقى زي الفل لانك بنوتة قلبك مليان خير.
ابتسمت ندى ابتسامة حزينة وردت على والدها
انا يابابا قلبي فيه خير الله يكرمك – ده انت ياما اتحايلت عليا انت وماما عشان البس حلو وابعد عن نغم كنت برفض
كنت دايما زعلان مني بسبب اللى انا فيه وبردوا مكنش فيا فايدة
يمكن اللى انا فيه ده من غضبكم عليا انا اسفة اوووى يابابا بالله عليك
ارجوك تسامحنى ولو توفيت سامحونى انت وماما على عدم بري ليكم
انا اسفة يـ بابا
قبل راسها والدها والدموع في عيونه ياحبيتى انتى بتقولي ايه متقوليش كده ربنا يبارك فى عمرك واشوفك عروسة ان شاء الله
خلاص ياندى اللى فات مات وانتى بنت انهاردة ربنا يرضى عنك يابنتى ويرزقك الصحبة الصالحة
ندى : اهم شىء يابابا رضا ربي عليا ثم رضاكم والصحبة الصالحة اللى اتحرمت منها طول حياتى
: (
الاب: يالا ياندى عشان نعدي الشارع ونروح للبيت
واخدت ندى الاشعة من والدها وهى بتعدي سرحت ندى فى الاشعة وفجأة جت عربية بتجري بأقصى سرعتها
حااااااااااسبي ياندى
شدها والدها بسرعة طارت منها الاشعة وداست عليها العربية بوظتها على الاخر
الاب : ولا يهمك يابنتى اهم شىء انتى يالا نروح نعمل اشعة تانية والدنيا فاضية دلوقتى مش زحمة
للعلم : الطبيب المعالج لندى عيادته فى عمارة بيها نفس مركز الاشعة وعيادات اطباء اخرى
ولكن عملية ندى كانت هتكون فى مستشفى بعيدة عن العيادة
نكمل الحكاية ::
راحت ندى لمركز الاشعة وجدته هادى جداااااا عملت الاشعة واخدتها وهى خارجة من العيادة وجدت الدكتور المعالج لها داخل عيادته
الطبيب : اهلا اهلا ندى ازيك يابنتى ازي حضرتك يااستاذ
الاب : اهلا بيك يادكتور
الطبيب : معلش والله يبنتى ..اعتذر لحضرتك يااستاذ
مكنتش عايز اأخر ندى عن العملية بس الطبيب اللى كان هيقف معانا فى العملية جاتله سفرية مفاجأه وانا مرضيتش ابدأ العملية من غيره لانه طبيب متمكن وبفضل الله كان عايز يحاول يشوف حل تانى غير البتر
لعل ولعسى ربنا يسهل ونلاقى حل أخر .. بس متقلقيش يبنتى على اخر الاسبوع هيرجع ان شاء الله
الوالد : معلش يادكتور انا عايز أسأل يعني هو فين مكان الورم ده بالظبط
الطبيب: هو حضرتك مكنتش معاها فى اول مرة خالص جت ندى ؟؟
الاب : نعم والدتها اللى كانت معااها
الطبيب: طيب اتفضلوا العيادة انا هشرحلك على الاشعة نفسها
معلش يابنات انا لاقيت اخر جزء كبيررر اوي فقلت انزله على مرتين
إن شاء الله الجزء الاخير فى المرة القادمة ولو حابين أنزله دلوقتى
أنزله مفيش مشاكل
ربنا يبارك فيكم ومش هوصيكم :SnipeR (69): أنقلوا الموضوع فى كل المنتديات اللى تعرفوها
ربنا يجعلها فى ميزان حسناتكم
]
__________________________________________________ __________
>>>> الرد الثالث :
CENTER]تــابع >>
الوالد : معلش يادكتور انا عايز أسأل يعني هو فين مكان الورم ده بالظبط
الطبيب: هو حضرتك مكنتش معاها فى اول مرة خالص جت ندى ؟؟
الاب : نعم والدتها اللى كانت معااها
الطبيب: طيب اتفضلوا العيادة انا هشرحلك على الاشعة نفسها
وفتح الدكتور الجهاز اللى بيحط عليه الاشعة ويشرح عليها
بسم الله بص حضرتك
أيه ده هو فى ايه ؟؟
الاب : في ايه يادكتور قلقتناا
الطبيب بوجه يملاءه الفرح والدهشة : الورم راح فييين .. الورم مش موجود
الاب وندى : ايه بتقوووول اييه
الطبيب : قومي يابنتى بسرعة تعالى على مركز الاشعة
جري الدكتور وندى والاب على المركز اللى فى الشقة المقابلة لعيادة الطبيب
الطبيب للسكرتيرة : يبنتى اندهيلى دكتور عمر بسرعة جداا
د/عمر : اهلا يادكتور احمد
الطبيب : دكتور عمر الانسة دى الاسبوع اللى فات عملت اشعة عندكم لاقيت فى رجليها ورم من النوع المتأخر جدااا وانهاردة الاشعة قالت عكس كده هو جهاز الاشعة فيه حاجة ؟؟
د:عمر : ازاى يعنى
استنى كده على فكرة الاسبوع اللى فات جات الحجة زينات تعمل اشعة على رجليها
لانها بتتعامل معانا من فترة عشان موضوع الورم ده
ندى : ايون انا دخلت معايا واحدة كبيرة فى السن اوى حتى انا قولتلها تعمل هى الاول اشعتها لما لاقيتها سنها كبيرر اوي وبعدها الجهاز قعدت تظبط فيه يادكتور
د/ عمر: ايوا صح واصلا انا عملتلك بعدها الاشعة وملقيناش اشعتها وانا قولت للسكرتيرة هنعديلها الاشعة لانها مطلعتش
اليوم ده كان زحمة جدااا والحجة مبتقدرش تقعد دخلتها معااكي .. وللأسف حصل اللخبطة دى انا مش عارف اقولكم ايه ومش عارفة ليه حصل كده انا اول مرة يحصل كده لحد من ساعة مافتحنا المعهد
ندى فى نفسها : انا عارفة ليه حصل كده
سجد الاب شكرا لله فى نفس اللحظة وحضن بنته وشكر الطبيب
وقالت ندى الوالدها : ثوانى يبابا بعد إذن حضرتك واخدت تدور فى شنطتها وجدت 200 جنيه كانت شايلاها وعطيتها للدكتور وقالتله
ممكن يادكتور تضع لي المبلغ ده كتبرع لمعهد الاورام اللى حضرتك بتشتغل فيه
أقل شكر لنعمة ربنا عليا وربنا يشفي كل مريض
اخد الدكتور المال وشكرها
واخد الأب بنته وطلع خارج العمارة
*
*
*
يتـــبع >>
[/CENTER]
__________________________________________________ __________
>>>> الرد الرابع :
ENTER]
تــــــابع الجزء الاخير::
بنتى الحمد لله ان ربنا نجاكِ ياحبيبتى
ندى : عارف يابابا انا عارفة ليه كل ده حصل
الاب : ليه يبنتى
ندى : عشان افوق لنفسي واشوف ازاى انى ممكن فى اى وقت اموت وانى لازم اكون مسعتدة اوي للحظة دى واتقى ربنا ومقعدش اقول انا صغيرة عايزة افرح بنفسي واصاحب اللى يساعدنى على طاعة الله مش اللى يبعدني عن ربنا زى نغم اللى حتى مفكرتش تسأل عني مرة واحدة
ولما كانت ماشية فى طريقها طلبت ندى من والدها شىء
بابا ممكن طالب منك طلب
اتفضلي ياحبيبتى من عيوني
بابا ممكن ادخل اشتري التونيك الواسع ده اللى تحته جيبه واسعة والحجاب الهادى ده الطويل اللى جنبهم
الاب بوجه مبتسم : يااااه ياندى اول مرة تطلبى طقم واسع وترضينا يبنتى
سبحان الله الهادي ربنا يزيدك يابنتى من نعيمه ويرزقك الصحبة الصالحة
واشتريت ندى الملابس
وروحت بيتها واول مادخلت قالت لوالدتها واخواتها
مامااااااااااااااا سااااااااالى سمررر سامر
انا طلعت مفيناش حاجة انا طلعت سلمية وحكيت لهم الحكاية
مامتها زغرطت واخواتها حضنوها وقضوا يوم من اجمل ايام حياتهم
وطلبت ندى من والدتها طلب وهو انها تشيلها نص لبسها الباديهات والبناطيل والجيب القصيرة اللى كانت بتلبس تحتها بوط وطلبت انها تشيل كل اللبس ده لجوازها والباقي هتلبسهم فى بيتها
ومرت الايام كانت اتعودت انها تصلى فى مسجد الجامعة وتقعد بعده شوية في المسجد
وبعد صلاة العصر قربت منها بنوتة مرتدية عباية رقيقة وحجاب طويل عليها وقالت لها
سلام عليكم ازيك ياقمر ممكن اطلب منك طلب
ندى : وعليكم السلام اهلا بكِ حبيبتى .. خير؟ اطلبي
البنوتة : انا شوفتك مرة فى المدرج معانا انا منار سنة تانية زيك معاكي فى نفس السكشن
وكنا عايزين نجمع بنات عشان هنبدأ نحفظ قرآن تحبي تشتركي معانا
ندى : بكل سروررررر وياريت تعتبروني صديقة ليكم ياريت انا ملييش صحبات فى كليتي
منار :ياحبيبة قلبي انتى تنورينا ومن دلوقتى انتى صحبتي وصحبتنا كلنا
فرحت ندى وبقيت طول الوقت معاهم وفي مرة ماشية مع صحبتها لاقيت خناقة في وسط الجامعة
وبتبص لاقيت بنت بتزعق بهيسترية وركزت لاقيتها نــغم لاقيتها بتقول لشاب :
انت انسااااان مش محترم اصلا ومش اول مرة تضايقنى انا مش هسيبك
سألت ندى بنت واقفة تبص على الخناقة
هو في ايه ؟
قالت لها البنت : البنت دي بتقول الولد ده عكسها بإسلوب مش كويس للمرة التانية وفي ناس ندهت حرس الجامعة والمشكلة كبرت عشان اخوها جيه وضربها قصاد الجامعة كلها عشان لبسها
بس تستاهل بقى عشان لبسها صعب اوووي ومش اول مرة تشتكي ان الشباب بيديقوها
قالت ندى للبنت :لا ياقمر.. ادعيلها ربنا يهديها في ناس كانوا زيها كده
وبتلف بعينها نغم وهى بتصرخ شافت ندى بحجابها الواسع ولبسها المحترم نظرت لها نغم نظره حزينة
وكأنها بتقول لها ياريتني عملت زيك ياريتنى كنت معاكي
منار : يالا بقى ياندى ياقمر هنتأخر عن حلقة القرآن – فرحت ندى ان ربنا هداها وبعد عنها الصحبة السيئة
أنتهت
على فكرة يابنات ممكن ربنا بيبعتلنا اشارات وانذرات عشان نلتزم او نتغير
وفي ناس بتسفيد من الاشارات دى وفى ناس مش بتهتم بيهاا
ربنا يهدينا جميعا للهداية والثبات
بارك الله فيكم
مواضيع مرتبطة
أنا مش بضاعة تتعاين .. أنا جوهرة بالمال تتّاقل !!~
__________________________________________________ __________
>>>> الرد الخامس :
رد مع اقتباس
