عنوان الموضوع : ادخلــوا دقيقــة قلبي عمّرتوهولــي هههه ثانية ثانوي
مقدم من طرف منتديات العندليب

السلام عليكم
كيف الاخبار؟؟

لا تفهموني غلط ولكن بصراحة كل مرة نقول نسكت وفي الاخير ماقدرتشـ

ياجماعة راني نشوف هنا في انـــانيـــــــــة كبيرة تاني
انتم كملتوا اختباراتكم وبديتو في لي قروب نتاع الباك
وماراعيتوش بلي كاين عباد ماازلو ماكملوش
وكيما احنا مازال حتى مابدينا
ودرتو قروب وقريب نلقاكم تكتبو في دروس
يعني ماتقدروش تأجلوا شوي حتان نكملو تبانلي مازال الوقــت


وانتم احرار


آســفهـ ولكن مراعاة الاخرين من صفات كل واحد فينـــــــــا


موفقين

تصبحوا على خيـــــــــــر
تحيـــــأآتــي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحمد لله لا دخل لــــــي


اوووووووف


معليش اختي مشفتي والواا غير بالعقل عليك [قالك واحد تقلق مات ]




سلامي

=========


>>>> الرد الثاني :

سًلٱم

عنٌدُك حًقَ

آصِلــآ آنٌٱ نٌشّوِفُ لٱزم نٌرتُحًوِ شّوِيّ مل إخٌتُبّٱرٱتُ

+

نٌجَتُمعوِ كآمل بّآۂ نٌبّدُٱوِ مشّ كل وِآحًدُ يّغّنٌيّ فُيّ غّنٌيّة رآيّ منٌ رآيّك ،،،


=========


>>>> الرد الثالث :

اه لا لا متقلقيييش روحك معندناش 10 منك

'' انا سجلت في مجموعة مي علابالي مش راح نلحق بيهم "

و نزيدك على وش قلتي عاد لي يجي يفتح groupe باش يحضرو للباك و تخلطت الدعــــوة

=========


>>>> الرد الرابع :

ههههههه خيتو بالعقل وكاين والو ماتتقلقيش برك باش تقدري تعقبي الاختبارات على خير
ربي يوفقك في اختباراتك اسفة لانو انا وحدة من الناس قدمت على بداية التحضير للبكالوريا ابتداء من الاسبوع القادم لكن هذا لا يعني باني مانيش قايسة عليكم او انانية العكس
تفهميني اختي الفضيلة الكريمة المتفهة
انا نبدا باش نحاول نشوف اذا كان كاين خلل من هلا نغيرو التنظيم واذا لم يوجد راح نكملو غير بالهداوة والراحة مطلوبة للجميع مو يعني كي سجلتو اسمايكم لازم تلتحقو معنا على الفور عندكم الوقت الكافي لذاك وان شاء الله نحن في انتضارك باش تنورينا المواضيع بمشاركاتك

=========


>>>> الرد الخامس :

السلام عليكم ورحمة الله تعالى وبركاته
فعلا هناك مواضيع 'متضاربة هه' لتحضير الباكالوريا
لكن لا تقلقي فحتى و ان انطلفت الدروس فلن تكون ذات نفع كبير لان المخ لازمله راحة و ليس التحضير للباك معناه العجلة
على كل حال المواضيع لحد الساعة مواضيع تمهيدية فقط يعني مازالو يسجلو في الطلاب الى اشعار اخر
المهم انت ركزي على الاختبارات ثم خذي راحة ثم فكري
و السلام عليكم


=========


نظن هذا كلام ليا خطراش انا لي حطيت ملخصات و دروس
لكن هذا بعد إصرار من الاعضاء باش نعطيهم ملخصات وزيد حنا بدينا نوجدو في مجموعات فقط مزال ما نقراوش حتى جوان اي حتى يكملو تاع باك يعني ماتعمري لا قلبك لا راسك اوكي حبيبتي
وبالتوفيق للذين مزال ما كملوش اختبارات


ايه و الله غير هولونــا
حنا مزلنا حتى مدرناش الاختبارات
و انتم درتوا و استرحــتوا يعني يا ريت تراعيونا شوي
انا كنت نفضل لو خليتو حتى يديرو الباك و ننتاقلوا لثم و نبداو
و سلام

وعلـــيكم السلام
Ana tani Kifek Okhti mazel mabdinech Ou sajelt dans un gp ...... Mais 3la hseb Achoufa lazem une Grande
Organisation l had les groupes Donc nkhalsou InChallah ou Nrathou ou mana3ref laken yabdaw ou nn
Bénh Mat9ol9ich .... Bon Couràààge


حتى انا كييفك ختي مازاال حتى ما بدينا و عييت نهدر اجلو علابالنا مي شكوون يسمع ؟؟
ربي يهدينا قااع
اختك منال

اييه صح عندها الحق كاينة الانانية حنا مازلنا حتى ما خلصناش



ايه انا تاني نفس الشيئ صح مازالنا ما درناش الاختبارات نتمناو ياجلوا بعض الشيئ هذ التحضيرات حتى نلتاحقوا بيهم سلام

حنا تاني مزال مدرناش الاختبارات نتمناو تنتظرووووووووووووونا

حنا تاني مزال مدرناش الاختبارات

+

راهم كاينين بزاف لي ما كملوش ههههههههه

حنا تاني مزال مدرناش الاختبارات
+
أنا منهبطلكش المعنويات بصح نشوف في العام الماضي يتكرر أختي رح يصراو مشاكل يخي العام الماضي درنا المجموعات والمسابقات ومنبعد ولات تقابيدات
ربي يستر
ومتدريش بالاك هذا العام رح يكون الوضع منظم ان شاء الله