عنوان الموضوع : سؤال بخصوص عمل الانسولين والغلوكاغون للثانية ثانوي
مقدم من طرف منتديات العندليب

سقستنا الاستاذة كي حللنا منحنى تاعهم في زوج وكاينة نقطة يتقاطعو فيها قاتلنا هل بالفعل يعملو مع بعض في هذه النقطه واذا كان ماذا تسمى الحالة وكيف تكون رجاءا لي عندو معلومة يفيدني بيها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حنا مادرناش النقطة هاديك بصح يعملوا مع بعض كي الانسولين يزيد الغلوكاغون ينقص و العكس صحيح

=========


>>>> الرد الثاني :

بصح في نقطة هديك تعني ان نسبتهم متساوية حابة نعرف اذا ممكن يعملو في زوج في نفس الوقت هادا اذا كانت بالفعل لانو عملهم متعاكس واذا كان وش اسم الحالة وماذا يخصل بتفصيل

=========


>>>> الرد الثالث :

نعم يعملون مع البعض و كاينة علاقة هي العلاقة العكسية هدا واش قرينا

=========


>>>> الرد الرابع :

غدا ان شاء الله نسقسيلك استاذنا تاع العلوم

=========


>>>> الرد الخامس :

من المستحيل يعملو مع بعض متنساوش بلي الانسولين ينشط انزيم البلمرة والاسترة ويثبط انزيم الاماهة والغلوكاغون ينشط انزيم الاماهة ويثبط انزيم الاسترة والبلمرة يعني مستحيل تستجيبلهم الخلية في زوج

=========


لا يا اختي يعملوا مع بعض قالنا الاستاذ على وحد العملية معقدة مي نصيتها


هههههههه اوك كي تفكرها قولي

و الله راني نحوس في النت على مواضيع غدوا عندنا اختبار

وَ اللهْ يَآ أخْتِي مَآ عْلآبَآلِيشْ .. سَأسْألُ الأسْتَآذَة إنْ شَآءَ اللهْ ..


ربي يوفقك خويا حنا مزال الاختبارات حتال 21

قالتلنا أستااذة أن كل من الهرمونين البنكرياسيين > الغلوكاغون + الأنسولين يعملان في نفس

الوقت فلا يمكن أن تتوقف الخلايا بيـتا مثلا عن إفراز الأنسولين لأنهـآآ بذلك ستموووت و كذلك

بالنسبةللخلايا ألـفآآ تفرز باستمرار الغلوكاغون ولكن يكوون إفراز كل من هذين الهرمونين

متفاوتـًآآ ..

ففي حالة الإفراط السكـري تقوم الخلايا بيتا بإفراز الأنسولين بكمية كبيرة و فعـآآلة للخفض من

نسبة السكر و كذلك يُـفرَزْ الغلوكاغون لكـن بكمية ضئيلـة جـدآآ غير مؤثرة و غير فعالة


و نفس الشـيء في حالة القصوور السكـري

آآآآآآآآآآآمل أن تكووني قد فهمت أختـي { هـدا اللي قدرت عليه }

و بالتوفيييييييييييييييييييييييييييق


اختي فهمت عليك علابالي بصح في نقطة تقاطع تاعهم يوصل افرازهم لنفس الكمية قاتلنا وش نسميو هاذ الحالة وكيفاه تصرا

شوفي يا اختي ياك نعرفو بان نسبة السكر في الجسم تكون في قيمة مرجعية بين 0.8 الى 1.20 غ/ل

و تلك النقطة هي النطة التي يتساوى فيها افراز الهرموننين و تمثل الثابت الفيزيولوجي لنسبة السكر في الدم التي هي 1غ/ل ( طبعا في الكتاب هنالك خطا ستجديها 1.4غ/ل ) المهم عرفتي ماذا تمثل تلك النقطة

شوفي يا اختي ياك نعرفو بان نسبة السكر في الجسم تكون في قيمة مرجعية بين 0.8 الى 1.20 غ/ل

و تلك النقطة هي النطة التي يتساوى فيها افراز الهرموننين و تمثل الثابت الفيزيولوجي لنسبة السكر في الدم التي هي 1غ/ل ( طبعا في الكتاب هنالك خطا ستجديها 1.4غ/ل ) المهم عرفتي ماذا تمثل تلك النقطة