عنوان الموضوع : ليكم برنامجي الجديد للمراجعة ما رايكم فيه
مقدم من طرف منتديات العندليب

سم الله الرحمن الرحيم
السلا م عليكم
هاذ الايام رانا في ضغط كبير الدروس كثرت و الوقت يجري يجري فات الثلاثي الاول في رمشة عين ماحسيناش بيه طول كيفاه فات اللي تعب لقى و اللي ماتعبش ان شاء الله يكون اتاعظ من غلطتو الوقت مابقاش لازم على كل واحد فينا ينظم وقتو و حوايجو باش يقدر يقرا مليح .هيا كل واحد يحاول يمدلنا برنامجو ولا لمحة عليه .
نبداو بروحي هذا برنامجي الجديد و الله مازال ما طبقطتوش باسكو درتو جديد غير اليوم و قلت نحطو لخاوتي فالمنتدى بالاك يستفادو منو و يعجبهم و لا على الاقل نكون وسيلة باش الي مازالو ماداروش يديروه انا درتو على حساب برنامجي و الدروس الخصوصية و الاعمال المنزلية و حاولت ما نظلم حتى مادة و كل مادة نعطيلها حقها و كيما راح تشوفو ما نوض بكري خلاص يعني الوقت معقول وفالليل نحاول مانسهرش بزاف باش مانتعبش و الدخول للنت يكون في وقت الراحة مابين المواد و التلفاز راح نعفس على قلبي ونحاول نخليه باسكو راهو قلبي و جزء مني ربي يستر منو . البرنامج تبالي شوية مشارجي مي ماعليش شهور وتفوت قولولي واش رايكم فيه وان شاء الله ديرو كيفو و تستفادو منو هيا نبداو على بركة الله
الاحد من 5.00 صباحا الى 6.00 فلسفة(مراجعة)
من6.00 الى 7.00 شريعة (حفظ درس)
مساء 18.00 الى 20.00 علوم((مراجعة درس اليوم و تحضير الدرس القادم)
20.15 الى 21.15 ادب (مراجعة الدرس و لبتحضير)
21.30 الى 23.00 رياضيات (مراجعة الدرس و حل التمارين)
الاثنين 5.00الى6.00 فلسفة (مراجعة)
6.00الى 7.00 اجتماعيات (حفظ درس)
مساء 17.00 الى19.00 علوم (مراجعة الدرس و تحضير الدرس)
19.15الى 20.15 انجليزية (حل الواجبات ديما كاين )
20.30 الى 22.30 فيزياء (مراجعة الدرس و حل التمارينات )
الثلاثاء 5.00 الى 6.00 شريعة (حفظ درس)
6.00الى 7.00 اجتماعيات (حفظ درس)
مساء 13.30 الى 15.30 دروس خصوصية (علوم)
15.30 الى 17.30 دروس خصوصية (فيزياء)
20.00الى 21.15 علوم (مراجعة الدرس و التحضير)
21.30 الى 22.15 فيزياء (مراجعة الدرس و التحضير)
الاربعاء 5.00 الى 6.00 فلسفة (مراجعة )
6.00الى7.00 شريعة (حفظ درس)
مساء 16.00الى 19.00 رياضيات (مراجعة و حل التمارين)
19.30الى 20.30 انجليزية (حل الواجبات)
20.45 الى 22.30 علوم (مراجعة تمارين الدروس الخصوصية
الخميس 6.00الى 7.00 اجتماعيات (حفظ درس)
17.30الى 18.30 انجليزية (حل الواجب)
18.30الى 19.30 ادب (تحضير الدرس)
20.00الى 23.00 رياضيات (مراجعة تمارين الدروس الخصوصية و حل التمارين)
الجمعة اعمال منزلية
11.00الى12.30 فرنسية (حل بعض المواضيع مع الشرح المفصل للكلمات لانني ضعيفة)
13.00 الى 15.00 فيزياء (حل تمارين الكتاب)
15.30الى 16.30 اجتماعيات (مصطلحات و شخصيات و تواريخ)
16.45 الى 18.00 شريعة (مراجعة عامة)
18.30الى20.00 فلسفة ( الاطلاع على بعض المقالات و حل الواجبات)
20.30الى 22.00 علوم(مراجعة عامة)
السبت فترة الصباح عندي دروس خصوصية فالفيزياء و زيد المكان شوي بعيد لازم نسافر 30كلم نروح على اخر نفس وفترة المساء ساعات يزيدولنافيها الاساتذة سوايع لضافية فالمؤسسة باش نفوتو شوية يعني عاى حسابهم يتبدل البرنامج الذا ماكنش يكون كالاتي
15.00الى 17.00 فيزياء(مراجعة تمارين الدروس الخصوصية)
17.00الى 18.00 اكمال اي نقائص او واجبات لم تكن مبرمجة
18.30 الى 20.00 رياضيات (حل بعض التمارين)
ملاحظة اليوم هذا (السبت)نرقد بكري و ناخذ راحة هه
واش رايكم فيه:d
اسمحولي كيما راكم تشوفو راني عضوة جديدة فالمنتدى مي الله غالب النت مابقالهاش تروح (3او4 ايام( ماعلاباليش وكتاش نرجع راح نحاول نكون معاكم في اقرب وقت باسكو عندي حوايج بزااف حابة نفيدكم بيها
المهم تهلاو في روحكم و ربي ينجحكم قولو امييييييييين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكوووووورة الاخت على المجهود ولكن كل واحد وبرنامجو اعتقد انا مثلا عندي اضافيات كل يوم في كل المواد ومع المراجعة والله واعلم

=========


>>>> الرد الثاني :

حسب رايي برنامج مليح مع انو شوي شارجي
بصح كيما قلتي ماهي الا شهور و تمضي معاليش نتعبوا دوكا ما بقاش .
مشكووووووووووووووووووورة
بالتوفييق

=========


>>>> الرد الثالث :

حسب رايي برنامج مليح مع انو شوي شارجي
بصح كيما قلتي ماهي الا شهور و تمضي معاليش نتعبوا دوكا ما بقاش .
مشكووووووووووووووووووورة
بالتوفييق

=========


>>>> الرد الرابع :

شكرا ربي يحفظك ويخليك

=========


>>>> الرد الخامس :

المشاركة الأصلية كتبت بواسطة عبير الأزهار
حسب رايي برنامج مليح مع انو شوي شارجي
بصح كيما قلتي ماهي الا شهور و تمضي معاليش نتعبوا دوكا ما بقاش .
مشكووووووووووووووووووورة
بالتوفييق

والله ياختي الوقت يجري ياو نشفا البارح برك دخلت نقرا السنة اولى ابتدائي و اليوم راني راح نعقب الباك و بقاو 4 اشهر برك المهم ربي يستر و نقدر نطبق هاذ البرنامج

=========


رائع جدا بالتوفيق


المشاركة الأصلية كتبت بواسطة T4K13DD1N3
رائع جدا بالتوفيق

شكرا ربي يفقنا

المشاركة الأصلية كتبت بواسطة canibal
شكرا ربي يحفظك ويخليك

اميييييييين

برنامج متعب ، بلعقل برك ،، ساعدي روحك ،، علابالك كون تقراي هك ، تخليها في جوان تعب كبيـــر ،، ومع التعب يجي نقص التركيز ،، مالا خوذي راحتك ما زال كاين وقت كثير ... بالتوفيق الأخت

المشاركة الأصلية كتبت بواسطة conviction
برنامج متعب ، بلعقل برك ،، ساعدي روحك ،، علابالك كون تقراي هك ، تخليها في جوان تعب كبيـــر ،، ومع التعب يجي نقص التركيز ،، مالا خوذي راحتك ما زال كاين وقت كثير ... بالتوفيق الأخت

ياو حتى انا مازال ما طبقتوش راهو جديد و عاداك راني درتو قدقد. تاع كل مادة نديروها نراجعها فالليل و في نهاية الاسبوع نحل شوي تمارين برك
ربي يوفقنا