عنوان الموضوع : ممكن تقلولى كيفاش راكم تقراو هدو الايام بكالوريا علمي
مقدم من طرف منتديات العندليب

سلام عليكم
أنا راني نقرى كل يوم مادة أدبية و علمية و للغة

بصح صحابي قالولي راك تضيع فالوقت لازم تقرى فنهار كثر من 3 مواد واش ريكم و من فضلكم قلولي كيفاش راكم منضمين و قاتكم
وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ننصحك متسمع ولا واحد يهدر معاك انا الوقت هذا راني نلعب في الكوره نسمع في الغناء نتفرج في الافلام ندير كلش + لقرايه المهم تقرى برك

انا لازم في اليوم نحل 2 مواضيع علميه + في الليل نحفظ

اللغات نخليلها يومين ولا يوم واحد كلها مع بعضها

الفلسفه ...خليني ساكت نظن نحفط منهجية تحليل نص والسلام

هذا ما عندي خويا وننصحك متبعنيش ...الناس راهم دايريني مجنون هههههههههه

=========


>>>> الرد الثاني :

أحسن طريقة تقسيم الوقت حسب القدرات

=========


>>>> الرد الثالث :

سلام انا نقرا كل نهار مادة علمية نحل في المواضيع والمواد الادبية كلما نكره نروح نقرا مادة

=========


>>>> الرد الرابع :

انا يا اخي ادبية كملت الفلسفة و راني في التاريخ , الصباح انوض على 4:00 نحفظ تاريخ نحبس على العشرة ندير ساعة نراجع فيها فلسفة كل يوم و ساعة نتاع شريعة سما نكمل على 12:00 نحبس ونكمل على 14:00 ساعتين ادب وساعة رياضيات و ساعة انجليزية وساعة فرنسية سما نحبس على 20:00 مع الصلاة و الدعاء ان شاء الله ننجحووووو كامل

=========


>>>> الرد الخامس :

nadam waktak akhi dir programe emchi 3lih w btawfik

=========


المشكل عملت بروقرام فيه نضوض على 4 نتاع الصباح مي والله ماقدرتش حد الان نوض ..................................................


انا نوض على 6:00 نحفظ اجتماعيات و لا فلسفة حتى 9:00 نرتاح 10 دقايق ونحل بعدها موضوع مادة علمية (رياضيات . فيزياء . علوم ) نحاول دايما نوفق بيناتهم على الاقل موضوع في كل مادة بصح العلوم تدي شوية وقت و تركيز على هذه عدت نقراها يوم بيوم مع لغة عربية ولا اجنبية والحمد لله مرتاحة نتمنى تقسم وقتك على حسب القدرة وما تخليش نفسك تسيرك ما بقى غير 21 يوم وخليك من هدرت الناس ماتوصلش .والى كنت تقدر تنوض بكري مليح ليك ..........بالتوفيق للجميع

المشاركة الأصلية كتبت بواسطة amidah
المشكل عملت بروقرام فيه نضوض على 4 نتاع الصباح مي والله ماقدرتش حد الان نوض ..................................................

انا انوض مع 9

مستحيل انوض مع 4

عندي 4 أيام وأنا لاتي مع الإنتخابات ليوم برك باش رجعت لأجواء الدراسة ههههههههه مزال الحال بشوي برك لي ناجح راهو باين منظنش لي ظاعت في عام رايحيت تسترجع في 20 يوم لذلك لي راهو قاري من بكري نشالله نجاحو مظمون

انا بكل صراحة كي نوض على 4 ننوض مقلق متوتر لازم نوض على 11 باش نستوعب المراجعة ههههههههههه

سلام أنا مارانيش مدايرة برنامج للمواد مي الصباح دايما نوض على 5 نحل تمارين تاع مواد علمية نحبس على 11 نتغدى ونقيل شوية ولعشية نبدا على 4 نحفظ حتى 7 من تم مندير والو والحمد لاقية روحي .................والباك جايبينوا كامل عام السنة قولوا آميييييين

انا عكسكم الكل انا مدايرا درك 4 ايام علوم نحيها كاملة زير 3 ايام فيزياء و 4 رياضيات نراجعهم من الاول للاخر و مبعد نرجع للحفيظة كل يوم مادة تبقالي 9 ايام نراجع بعقلي انا لازم كي نكمل من مادو منرجعش ليها

انا نوض على 9.30 لانو مستحيل نوض بكري

هذا وين بديت نحفظ في الجغرافيا اليوم اول درس حفظتوا

التاريخ الحمد لله حفظتها مع انو المصطلحات مازال

راني نحل في تمارين الفيزياء والعلوم

الرياضيات مامسيتهاش عازمة غير الدعم

اللغات والفلسفة حدث ولاحرج

المشاركة الأصلية كتبت بواسطة جزائرية طيبة
انا عكسكم الكل انا مدايرا درك 4 ايام علوم نحيها كاملة زير 3 ايام فيزياء و 4 رياضيات نراجعهم من الاول للاخر و مبعد نرجع للحفيظة كل يوم مادة تبقالي 9 ايام نراجع بعقلي انا لازم كي نكمل من مادو منرجعش ليها

عجبتني العفسة تاعك