عنوان الموضوع : معا لاستدراك الدروس وتجاوز مشكل العتبة الرجاء الدخول جميعا بكالوريا علمي
مقدم من طرف منتديات العندليب

السلام عليكم
قدر الله وما شاء فعل
يقول خير الانام صلى الله عليه وسلم *...واعلم ان الامة لو اجتمعت على ان ينفعوك بشئ لم ينفعوك الا بشئ قد كتبه الله لك وان اجتمعوا على ان يضروك بشئ لم يضروك الا بشئ قد كتبه الله عليك رفعت الاقلام وجفت الصحف*رواه الترميذي
يعني يا احبتي في الله منبقاوش نتحصروا على هذي العتبة ونحطولها قيمة اذا كانت الارادة وصاحبها العمل رح نحقوا نتائج ونتجاوزوا المشكل
هذا امتحان من عند ربي ولازم نصصبروا ونتعبوا ونتجاوزوه .باه نكونوا خير قادة في المستقبل باذن الرحمن
المهم بلا منطول عليكم مبقاش بزاف للباك
الي عندوا اي استفسار ولا يبحث على ملخص ولا كش سؤال يطرحوا هنا ونتناقشوا ونساعدوا بعضانا اليد في اليد لتجاوز هذا المشكل
سلاااااااااام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

يسعدني ان اكون اول من رد عليك

انا العتبة افزعتني لكن كما قلت الحمد لله على كل شيء

اما عن البرنامج
الادب انهينا لكن هاداك درس المطالعة مدرناهش
العلوم شرعية كملناها
الرياضيات كذلك درنا التكامل وحبسنا العوم الحمد لله درناها كامل البرنامج
الفرنسية وانجليزية كذلك
والفزياء العناصر اللي حبسنا عندهم دارووهم فالعتبة
فالحمد لله
لكن الفلسفة توقفنا عند الانا والغير

موفقة سارة شكرا على فتح هذه الصفحة

=========


>>>> الرد الثاني :

السلام عليكم امينة
فرحتيني كي قلتيلي كملتوا بقاتلكك الفلسفة حاولي تلقاي حل
انا اكثر من مادة لازم نلحقلها اهمهم فيزياء تكنولوجيا والمشكل انو تكنو مكاش ملخصات في النت والاجتماعيات نجيب ملخصات من النت وخلاص
اهم شئ نستدركو
جماعة رجاءا لي عندو ملخص اعمدة دانيال يفيدني بيهم فقط القوانين نتاع المدة المستغرقة وكمية الكهرباء لي ينتجها العمود

=========


>>>> الرد الثالث :

ايه لاز الاستاد يدبر راسو ويدير لنا الدرس

الاجتماعيات عندي ملفين تاع الاجتماعيات كافيين وافيين لعشية ان شاء الله نبعثهملك فالايميل

اليوم عندي ليكور من 8 حتى 4 فيزياء ورياضيات وعلوم ان شاء الله نرجع للدار مليحة

=========


>>>> الرد الرابع :

واه امينة هبلنا مع ليكور اني نخمم وش يفوت عليا نهار اليوم سيرتوا مع هذا المستجدات لازم تحضري الكور
المهم نستناك لعشية على جال الملخص تعيشي امينة راك عرفة الحصلة كبيرة
ربي يوفقنا ويعينا هذا مكان

=========


>>>> الرد الخامس :

المشاركة الأصلية كتبت بواسطة عاشقة النجاح
واه امينة هبلنا مع ليكور اني نخمم وش يفوت عليا نهار اليوم سيرتوا مع هذا المستجدات لازم تحضري الكور
المهم نستناك لعشية على جال الملخص تعيشي امينة راك عرفة الحصلة كبيرة
ربي يوفقنا ويعينا هذا مكان

ان شاء الله ماننساكش ماتخميش كامل شوفي بالاك منا للخميس نعرف وحدة تقني ادا دارو الاعمدة نجيبهولك نتمنى نلقاها برك

على خاطر احنا حبسنا لقراية بالتوفيق

=========


ايه امينة ربي يحفظك اختي وينجحك المشكل لقيت ملخصين للفيزيا مي كاين تناقض في القوانبن على ذا حابة نتاكد وينهم الاصح


https://www.djelfa.info/vb/showthread...46#post9432746

https://www.djelfa.info/vb/showthread.php?t=838267

ممكن يفيدوك

امينة روحي لمملكتنا باه نلقاو حل لهذوا المشاكل بلاك عندي حل للمشكل نتعك في الفلسفة
خاطر احنا منقراوش الحرية كن حطيتلك مقالات

المشاركة الأصلية كتبت بواسطة روعة الوجود
السلام عليكم

يسعدني ان اكون اول من رد عليك

انا العتبة افزعتني لكن كما قلت الحمد لله على كل شيء

اما عن البرنامج
الادب انهينا لكن هاداك درس المطالعة مدرناهش
العلوم شرعية كملناها
الرياضيات كذلك درنا التكامل وحبسنا العوم الحمد لله درناها كامل البرنامج
الفرنسية وانجليزية كذلك
والفزياء العناصر اللي حبسنا عندهم دارووهم فالعتبة
فالحمد لله
لكن الفلسفة توقفنا عند الانا والغير

موفقة سارة شكرا على فتح هذه الصفحة



نتي صبري روحك على خاطر كملتو كلشي بصح حنا رانا ماشي غير معطلين ربي ينجحك

بارك الله فيكم
خاوتي كلش بيد ربي سبحانو فوتوكم من العباد

السلام عليكم
بلاك فيها خير من عند ربي سبحانه يجيبولنا تمرين تع استرة في موضوع وما يكونش فيه الميكانيك لانه شوي صعيبة
انا ما زال ما كملناش المواد الثلاثة
ربي يكون في عوننا جميعا وان شاء الله النجاح للجميع

لقـــد تــم الإتــفــاق مــع بــعـض طــلاب الثـــانـويــات فـي كــل ولايــات تــراب الــوطـن
بالــخــروج يـــوم09 مـاي 2012 عــلـي الســاعــة 8.30
إنــطـلاق مــن الثــانـويــات الى غايــة مديريات التربـــية فـي مسيـــرة نــطـــالــب فــيــها الـــوزارة اعــــادة النــــظــر فــي تـــحـديــد العــتـبـة فـي جمــيــع الشـــعـــب
و في حالة عدم تلبية لطالباتنا
سنشن اضراب مفتوح و نمتنع عن اجتياز الامتحان التجريبي

************************************
أنشر الرسالة بين كل المقبلين علي شهادة الباكالوريا

المشاركة الأصلية كتبت بواسطة joujouna
نتي صبري روحك على خاطر كملتو كلشي بصح حنا رانا ماشي غير معطلين ربي ينجحك


سلاام
آميـــــــــــــن وينجحك انت ايضا
شكرا

المشاركة الأصلية كتبت بواسطة amine05batna
لقـــد تــم الإتــفــاق مــع بــعـض طــلاب الثـــانـويــات فـي كــل ولايــات تــراب الــوطـن
بالــخــروج يـــوم09 مـاي 2012 عــلـي الســاعــة 8.30
إنــطـلاق مــن الثــانـويــات الى غايــة مديريات التربـــية فـي مسيـــرة نــطـــالــب فــيــها الـــوزارة اعــــادة النــــظــر فــي تـــحـديــد العــتـبـة فـي جمــيــع الشـــعـــب
و في حالة عدم تلبية لطالباتنا
سنشن اضراب مفتوح و نمتنع عن اجتياز الامتحان التجريبي

************************************
أنشر الرسالة بين كل المقبلين علي شهادة الباكالوريا


يا اخي الكريم هذا الموصوع للاستفادة وهاد العتبة هي اللي راهي تدمر فالاجيال كلم كانت عتبة غابت المصداقية ونحن اللي ندمرو
ياريت ماتخرج على الموضوع ....احنا مراناش حابيش ني اصراب ني والو

روحو ريفيزووو خير في هاد الوقت ادا راكم حابين تجزو الباك بيان وتاني ماتصمنوش واش يديرولكم

هذه وجهة نظري وكل واحد حر