عنوان الموضوع : اريد نصائحكم ..انا العام الجاي اجوز الباك تحضير بكالوريا
مقدم من طرف منتديات العندليب

مرحبا ياجماعة انا العام الجاي نجوز الباك من فضلكم زودوني بنصائحكم
واريد معرفة كيف ارفع مستواي في الفرنسية والانجليزية ..وماهم مواضيع الفرنسية والانجليزية وعلى مادا اركز فيهم ارجوكم لاتبخلوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نصيحة وحدة برك...ما تخليش للفصل الاخير باش تحفظ ولا..ابدا الحفيظة من النهار الاول..
و الفرنسية و الانجليزية ما تتقلقش كل شيء كاين في النص
برك الانجليزية لازم تكون تعرف شوية قواعد مثلا direcr speech ولا active & passive
و بالتوفيق ان شاء الله

=========


>>>> الرد الثاني :

شوف كون تكون زدك حفظ الاجتمعايت من ضوك كلش كيما جارت.

=========


>>>> الرد الثالث :

salam
pour moi...... jewez sif ta3ek ........ kima yelzem
w septembre nchallah ana n9olek wech ............. c bn ^^ ( c mon skpe: jeun_fort)
n9olek nsaaaaaaaaaaaaaaaaaaaaaah l bac f had sif

=========


>>>> الرد الرابع :

اخي كيما قالك الاخ
الفرنسية حل مواضبع بزاف هدا ماكان
الانجليزية
https://www.djelfa.info/vb/showthread.php?t=716003

هدا موضوعي فيه دروس طلبوهم الاعضاء ادا حبيت تشوفو


ربي يوفقكم العام الجاي وربي ينجحنا ان شاء الله
وربي يجيب اللي فيه الخير

=========


>>>> الرد الخامس :

أهم نصيحة هي المراجعة من بداية السنة و ماتامنش ليقلك غادي تنسى

الله ينجحكم

=========


slt des amiiiiiiiiiiiis moi aussi l3am ljay njawaz............m3liich nabdaw men siif na9raw français et anglais wla wach rayhkoum!!!!


راجع اللغات في الصيف و احفظ الجغرافيا و تاكد بلي راح تجوز عامك مرتاح

بالاضافة لي قالوه اكبر حاجة طحنا فيها حنى هي ماتمنش توقعات ومتقولش حاجة تاحت عالم لي فات مايحتوهاش

وماتمسخرش خاطرش حنى كنا نشوفوا الباك رياضيات تاع عوام لي فاتوا نقعدوا نضحكوا بصح في باك شعلونا

احذرك اخي من الفلسفة
أقراها من سبتمبر ماتخليهاش تفوتك و ركز المواد الاساسية تاعك .. نظم وقتك .... توكل على الله و الله ماراهي حاجة صعيبة

يا خو عقب العطلة تاعك انتيييك و في شهر رمضان ان شاء الله ابدا اجمع المواضيع من النت
و ما تطلق والوو من بداية العام اقرا كل شيء و نظم وقتك ملييح..مثلا الصبح نوض احفظ الاجتماعيات ولا شريعة ولا مقالة تاع فلسفة و في الليل راجع المواد العلمية
تلقى روحك في الايام الاخيرة تاع العام مرتااح تولي تراجع في حوايج خفاف و تدير الروتوشات برك
و بالتوفيق للجميع ان شاء الله

^^^^^^^^^^^^^^^^^^^^^^^^^^

اول حاجة تكون أمن بربي وصلاتك واداير في بالك بلي راح تنجح بمعدل مليح انشاء الله
ثاني حاجة الاصدقاء جامي تحاول تدير اصدقاء في هادا العام خلي اصدقائك القدم وحتى هادو ماتديرش فيهم ثقة كبيرة لانه كل واحد في الباك يبغي مصلحته
في القرايا حاول ماتتغيبش وتدير استاذك كصديقك وماتخلي حتى سؤال في قلبك
المواد العلمية كل يوم حطهم حتى ولو نص ساعة للمادة و ننصحك كل درس اديرو تروح تحفضو نصيحة لوجه الله في كل المواد ودير في بالك بلي الدرس كي يبدا يقريلك فيه الاستاذ وتقول صعيب حاول ماتديرهاش في بالك خطراكش نهار الباك تولي تلعب بيهم لعب
العربية حاول تحفض كل لاانماط والي تقدر تحفضو تاني حتى حل في كل اسبوع موصوع ماشي بزاف
الفرنسية والانجليزية ابداهم من اليوم احسن حاب اقرا النصوص التاريخية بزاف في الفرنسية لانه في الباك كل عام نص تاريخ جزائري
ماتخلعش روحك وخلي ثقتك كبيرة في نفسك وفي ربي
اما الفلسفة حاول ماتكرهاش من اول حصة لانه اول حصة هي تحببلك فيها
انا نضمنلك الباك بمعدل فوق16 اذا اخذت نصائحي
و من اجل الدروس و المواضيع حاولو تتراسلو معي ور ننصحكم بالافضل
ربي يوفقكم وادعولي انشاء الله

شوف لي يقولك ابدى اقرى في الصيف و منعرف واش هادي غير نحيها من بالك جوز الصيف تاعك كيما قال الاخ انتيك ومين داك طل شوية على الفرونسيه و الانجليزية اقرى نصوص و اشرح الكلمات + نهار تبداو تقراو تما تبدا تقرى مليح مي متفورسيش روحك مليح باسك انا سراتلي كي و صل ماي و ليت منقدرش نقرى عييت
المهم كون واثق من روحك و دير لي تحب المهيم اقرى
وربي يوفقك و ادعيلي اخي بمعدل مليح انشالله