عنوان الموضوع : ندااااااااااء إلى وهج الأمل للثالثة ثانوي
مقدم من طرف منتديات العندليب

وين راكي حنونة هاذي غيبة

طمنيني عليك

وكاش جديييييييييييييييد

أنا جبت كيما قتلك 14.82 وانت؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أين انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

=========


>>>> الرد الثاني :

سلااااااااااااااام

=========


>>>> الرد الثالث :



السلام عليكم

أهلا أختي

والله توحشتك وتوحشت الأعضاء كامل

اسمحولي ماكنتش ندخل على خاطر كانت عندنا خدمة بزاف في الدار

++ تعرفو الأيامات هذو مع الضياف

ألف ألف ألف مبروك أختي

أنا ثاني جبتو

ديت 14.85 مع الأسف

لكن الحمد لله

صدقيني كي شفتو تشوكيت وزدت تشوكيت أكثر كي شفت العلامات

متأكدة ماهيش هذيك هي خدمتي

++ في المؤسسات زوج تاع البلدية تاعنا تصوري الممتازين كامل داو 14 13 و 12

أنا حرت فيها

واحد ولا زوج ولا حتى 3

بصح راهم القرايين كامل تاع بلديتنا هبطو بالرغم من أنهم خدمو

=========


>>>> الرد الرابع :

احمدي ربي

إن شاء الله يمدولنا تخصصات مليحة بهذا المعدل ممكن جراحة أسنان والمدارس العليا للأساتذة أكيد

أو أنت وش حابة تديري؟؟

ولا رايحة تعاوديه

ونقلك حاجة حنا ولاية البرج كامل خلاونا في التصحيح خاصة الفلسفة والعلوم إسلامية

مقالتي لي كتبتها حافظتها مدولي عليها 9.5 والعلوم الإسلامية قلت نقفل 20 مدولي 16

وزلامئي كامل هكا كيما قلتي

انا الحاجة لي هبطتلي المعدل هي الرياضيات ونظن حكيتلك يعني ما خدمتش فيها مي التصحاح ثاني هبطلي العلامة كنت متوقعة على الاقل 14 لقيتها 11.5

وبسبب هاذ العلامة ما نقدرش ندخل مدرسة عليا تقنيات أو تكنولوجيا

=========


>>>> الرد الخامس :


الحمد لله

في هذي اللحظة الامور تمــــــــــــــــــــــام

تعرفي الصدمة تجي مع الأول برك ههه

التخصص والله غير مزلت حايرة

لازم نزيد نفكر مليح

++ صبرينة راهي تسلم عليك

دات المعدل 15

++ هكذاك أنا

الشريعة قلت على الأقل 19 نلقاها 17.5

العلوم فتوكوبي تاع الإجابة النموذجية تروحلي فيها ماعدا 1.5 لقيتها 15.5

الاجتماعيات نفس الشي ماخليت والو لقيتها 17.5

في كل الأحوال

لعل الله يجعل فيها خيرا

كنت حابة ندخل نحكيلكم واحد الحكاية مي ماكتبتش

غدوا إن شاء الله نحكيهالكم على خاطر لازم نحل موضوع وضرك راني تعبانة شويه

نقدر غير نرد ههه

=========


سلميلي على صبرينة بزاااااااااااااف وقلها مبروك عليك

وأنت نسيتك مبروووووووووووك عليك حنونة

غدوة إن شاء الله ندخل لازم نلقى الحكاية

ضرك انت كيما جات جات وأكيد ربي شاف فيها خير مالا متقلقيش روحك

هاي ليك علاماتي::

علوم 16
رياضيات11.5
فيزياء15.5
عربية15
فرنسية15.5
إنجليزية15.5
تاريخ وجغرافيا18
علوم إسلامية16
فلسفة9.5
تربية بدنية19.5

المعدل العام 14.82


ربي يجيب لي فيه الخير

لازم ضرك تقوليلي وش حابة تديري تخصص

ولا اقترحي علي كاش حاجة راني حايرة



مبروووووك عليك أختي

علاماتك مليحة لوكان ما هبطاتكش الرياضيات وهذيك النحس تاع الفلسفة

و الله غير مزلت حايرة في التخصصات

++ ما نقدرش نروح لتخصص مانقدرش نقراه في بلاصة قريبة

راكي عارفة مليح أختي

أكيد مانيش مقلقة

راني قلتلك القلقة مع اللحظة الأولى برك من بعد ماكان والو

و أنت اللي مقلق يضل مع التيلي ؟ ( من نخلص الخدمة وأنا مع اوبكاليبس و الأفلام الوثائقية )

أكيد ربي شايف فيها الخير

لو كان ماشافش فيها خير ماتصيرش

سلامك يوصل بإذن الله

في أمان الله نتلاقاو غدا ونقلك على الأفكار النيرة اللي عندي على التخصصات هه

مع الأسف مانقدرش ندخل أغلبهم مش بسبب المعدل بصح بسبب الظروف

سلاآامـ

المشاركة الأصلية كتبت بواسطة ♫ وهج الأمـل ♫

مبروووووك عليك أختي

علاماتك مليحة لوكان ما هبطاتكش الرياضيات وهذيك النحس تاع الفلسفة

و الله غير مزلت حايرة في التخصصات

++ ما نقدرش نروح لتخصص مانقدرش نقراه في بلاصة قريبة

راكي عارفة مليح أختي

أكيد مانيش مقلقة

راني قلتلك القلقة مع اللحظة الأولى برك من بعد ماكان والو

و أنت اللي مقلق يضل مع التيلي ؟ ( من نخلص الخدمة وأنا مع اوبكاليبس و الأفلام الوثائقية )

أكيد ربي شايف فيها الخير

لو كان ماشافش فيها خير ماتصيرش

سلامك يوصل بإذن الله

في أمان الله نتلاقاو غدا ونقلك على الأفكار النيرة اللي عندي على التخصصات هه

مع الأسف مانقدرش ندخل أغلبهم مش بسبب المعدل بصح بسبب الظروف

سلاآامـ

أختي لو كان تديري على المسافات ما تديري والو

يعني تقدري تروحي لجامعة سطيف كأبعد حد؟؟

وفي المسيلة ماكانش تخصصات ملاح

المهم انا ثاني نعست وغدوة إن شاء الله نقرا الصباح بكري في الجمعية

نتلقاو غدوة

ديري موضوع وقت ما دخلت هاني نشوفو

في أمان الله

تفكرت حاجة اختك لي جوزت البيام شحال جابت؟

السلام عليكم

أهلا وسهلا أختي منّة

والله سألنا عنك منذ ايام ، وها أنت بخير لله الحمد والمنّة

مباااارك عليك النجااااااااح

كلّنا إنتظرنا معدّلات كبيرة ، لكن الخيرة فيما اختاره الله

ماهي إختياراتكـ؟؟؟

جزاكي الله خيرا أختي أمينة على الموضوع

جابت 17.83

لولا الفرنسية كانت تجيب أكثر

راني قلتلك من قبل عندنا عقدة من الفرنسية

مبروك عليك أمونة + منة

الله يوفقكم ان شاء الله

ماشاء الله تبارك الله على معدّل أختك

أسأل الله لها التوفيق في الثانوية

ولنا التوفيق في المسيرة الجامعية

المشاركة الأصلية كتبت بواسطة راجـــي رضى الرحمــن
السلام عليكم

أهلا وسهلا أختي منّة

والله سألنا عنك منذ ايام ، وها أنت بخير لله الحمد والمنّة

مباااارك عليك النجااااااااح

كلّنا إنتظرنا معدّلات كبيرة ، لكن الخيرة فيما اختاره الله

ماهي إختياراتكـ؟؟؟

جزاكي الله خيرا أختي أمينة على الموضوع


و الله كان بودي أن أعود بأقصى سرعة ممكنة إلى المنتدى لكن الظروف ....

مبارك نجاحك أخي

أكيد أن الخير فيما اختاره الله

فمن يعرف مصلحة العباد غير خالقهم ؟

و الله الاختيارات كما أخبرت أمينة قبل قليل

لازلت أفكر .. فلا أريد أن أختار تخصصا قد أندم عليه لاحقا

بإذن الله سأخبركم بمجرد أن أحدد ماذا سأختار

و أكيد سيكون ذلك قبل بدء التسجيلات


المشاركة الأصلية كتبت بواسطة زمهرير ولى الاثر
مبروك عليك أمونة + منة

الله يوفقكم ان شاء الله


شكرا لك أختي

وفقك الله