عنوان الموضوع : دخول لوجه لله خاوتي ؟؟ تحضير بكالوريا
مقدم من طرف منتديات العندليب

السلام عليكم خاوتي
انا نحكيلكم حكايتي انا معاود لباك هاذ سنة ولكن مشكل اني مانيش نقرا واني احس بلفشل مرة اخرى
ولدي كابوس وسمو رياضيات لعام لي فات جبت 1.5 فلباك وهو سبب رسوبي كيفاش ندير
مثلا غدا عندي امتحان رياضيات علابالي ندي صفر
كيفاش ندير ياللخاوة معرفتش ولله وين راه لحل
كرهت

نقول حقيقة تاني جامي حاولت نقرا رياضيات بصح هل انا دوك سي بون متاخر وحالتي ميؤوس منها؟؟ زلا كيفاش ندير ؟؟


راني حاب نجيب لباك ونفج ويفرحو والدياك بصح منقراش لقلب كاين مي لافولونتي مكاش ؟؟؟؟؟

ربي يجازيكم لخاوة



صحييتو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا تاني معاودة الباك والحمدلله كي عاودت باسكو لوكان ديت راح ندي ب 10 واللا 11 وعمبالي ماندير بيها والو , والسنة راهي نافحتلي القراية وكلش باسكو لازم عليا نقرا
, بالنسبة ليك خويا لازم تدير حاجة وحدة في راسك اذا نتا حبيت تنجح راح تنجح لازم تحفز روحك ومتقولش الحال راح ابدا نظم وقتك واقعد مع كراس الرياضيات وشوف وش هي الحاجة اللي متخليكش تفهم الرياضيات , لازم تحط روحك قدام تمارين تاع رياضيات وتبدا بالشوية والله راهي مادة حلوة ورائعة بصح لازم تكون عندك ارادة في النجاح باه تقرا كلش وربي يوفقك

=========


>>>> الرد الثاني :

و الله يا خويا الرياضيات ماهي صعيبة لدرجة تخليك تيأس منها أنا ننصحك تحاول تفهم الدروس من عند صحابك اللي راهم فاهمين و تحل تمارين وحدك فالدار و هدي حاجة مهمة بزااااف و ادا احتجت لاي شي رانا اهنا
نتمنالك كل خير و مادامك تحوس على رضا والديك ان شاء الله تكون من الرابحيييين
بالتوفييييق

=========


>>>> الرد الثالث :

اما شعبة تقرى خويا

=========


>>>> الرد الرابع :

السلام عليكم
أخي مادام راك حاب تقرى وحاب تنجح وتفرح والديك
أكيد راح ربي يحققلك واش تتمنى
لكن أنت قلت عندك مشكل مع الرياضيات
حاول اذا تقدر دير دروس خصوصية
وحاول تأخذ من المكتبة حوليات
ومن الآن ماتخرجش من القسم حتى تفهم الدرس
آسفة على الاطالة
والله يوفقكم جميعا في الباك2013


=========


>>>> الرد الخامس :

كلنا كيف كيف.بصح ننصحك ماتخليش المورال يطيحلك خلي ديما عندك امل .وربي ينجحنا كامل

=========


نصيحة من عند تلميد متوسط في الرياضيات و لكن كنت لا افهم شيئ في الرياضيات
هي تابع مع الاستاد فالقسم حتى لوكان متفهمش تبع برك و سقسي الاستاد في اي حاجة مغهمتهاش حتى لوكان تديلو الساعة تاعو كامل المهم الفايدة ليك و هو علابالو كيفاه يفهمك
ثاني حاجة حل التمارين اللي عندك الحل تاعها ابدا من السهل للصعيب و ماتشوفش الحل تاعها
و ربي يوفقك خويا لعزيز
+++
وادا كنت تفهم الفلسفة او اي شخص اخر مادا بيه يعطينا شوية نصائح كيفاه نكتبو مقالة


شبعة العلوم خاوتي انا