عنوان الموضوع : اللي ما نجحوش يتفضلوا بكالوريا علمي
مقدم من طرف منتديات العندليب

السلام عليكم و رحمة الله تعالى و بركاته:
أبنائي الأعزاء الحياة ما تتوقفش اليوم كي طهرت نتائج البكالوريا كاين اللي عام كامل يجبد و ما ربحش و كاين و كاين ... الله غالب كلش بالمكتوب ربي كتب لبعض يفرحوا و البعض الآخر يحزنوا اللي نجح ألف مبوك واللي ما نجحش مزال الحال ماهيش آخر دورة كاين دورات جايين ادعوا ربي سبحانو ينجحكم العام الجاي
انا ثاني جربت احساسكم ماديتش الباك في عامي و كنت حاسة بلي نجيو و الله تعالى عوضني العام الثاني و بمعدل أحسن و يسرلي في الجامعة و تخرجت و راني أستاذة الحمد لله
العيب ماشي في الفشل العيب هو الاستسلام
عى بالي بغيتو تفرحوا والديكم العام الجاي ان شا الله يفرحوا بكم وماتعمروش راسكم بالنا س اللي يسألوكم كاين صح اللي من قلبو و كاين اللي يشمت حسوهم بلي راكم عادي متضعفوش قدامهم
ربي يكون معاكم و ينجحكم ان شاء الله العام القادم فتسلحوا لدورة جوان 2015


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



=========


>>>> الرد الثاني :

انا منجحتش معدلي 9.95 وراني عادي ممكن محبليش ربي المهم نخليكم باي

=========


>>>> الرد الثالث :


للأسف كنت متوقعة نفسي 200بال100 مانيش رايحة نربحو
ومعدلي كان 9.66
الله غالب اللوم نحطو عليا لأني ما كنتش ندرس
وعام كامل وأنا نلعب
مي الحمد لله على كل حال وفي كلتا الحالتين
الإعادة عندي احسن على جال باش نرفع النيفو العام الجاي انشاء الله
ولي يجيبو بــ :10 ولا 11 ميش كيما لي يجيبو بــ 14 ولفوق

ويكون على علمكم أنا معايا تلاميذ توقعتهم الباك مايهبطوش تحت معدل 12
لكن عاودوه
ربي يعينهم
والله المستعان على كل حال

سلاااااااااااااااااام


=========


>>>> الرد الرابع :

ce pas la fin du mond tanque il y'a de la vie il y'a d'éspoire


=========


>>>> الرد الخامس :

9.45 المورال شوي هابط ................لكن الحمد لله على كل حال ......وهذى من الامور اللى عرفناها في اختبار العلوم الاسلامية في العقيدة ومن بينها الايمان بالقدر خيره وشره

نعترف ان فضل الله علينا عظيم وان الصحة والعافية بالنسبة لي هي 99.9999 بالمئة ...........والجزء الباقي يدخل فيه كل امور الحياة

والذي يحس ان حالته النفسية جد سيئة يتذكر انها على الاكثر ايام قليلة وترجع نفسيته عادي ........فليحاول ان يساعد نفسه الان مادام يعلم ان هذا سيزول ..............................................شكرا لك استاذة

=========


لعقوبة العام الجاي ان شا الله بمعدلات ممتازة