عنوان الموضوع : سؤال للطبة الجامعيين الجدد بكالوريا ادبي
مقدم من طرف منتديات العندليب

السلام عليكم
حبيت برك نسقسيكم وكتاش التسجيل الاخير في الجامعة ؟
لي نروحو نسجلو في الديبارتومو تاعنا
واش لازم وثائق
وشكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

!!!!!!!!!!!!!!!!!!!

=========


>>>> الرد الثاني :

اخر اجل في 15 سبتمبر
الوثائق هي
شهادة ميلاد من السجل
نسخة من شهادة كشف البكالوريا مصادق عليها
بطاقة الطالب المؤقتة
نسخة من بطاقة الطالب المؤقتة مصادق عليها
نسخة طبق الاصل من بطاقة التسجيل الجامعي مصادق عليها
ظرفان عليهما الطابع والعنوان
2 صور شمسية
هاذو هوما الوثائق لطلبوهم

=========


>>>> الرد الثالث :

صح ختي ربي يحفظك بارك الله فيك
بطاقة الطالب المؤقتة هذيك الصفرا ؟
+ واش هي بطاقة التسجيل الجامعي؟

=========


>>>> الرد الرابع :

بطاقة الطالب المؤقتة هاذيك لفيها التصويرة تاعك
وبطاقة التسجيل الجامعي النهار الاول مين سجلتي يمدوهالك بيها بطاقة الطالب المؤقتة وبطاقة تاع المنحة والغرفة

=========


>>>> الرد الخامس :

مااااااااارسي ربي يسترك

=========


المشاركة الأصلية كتبت بواسطة toulay
بطاقة الطالب المؤقتة هاذيك لفيها التصويرة تاعك
وبطاقة التسجيل الجامعي النهار الاول مين سجلتي يمدوهالك بيها بطاقة الطالب المؤقتة وبطاقة تاع المنحة والغرفة

سلااااااام لينة ان شاء الله تكوني مليحة اختي راكي قاصدة بيها هديك شهادة التوجيه ولا واش فهمينا
و15 سبتمبر راح يكون تاني اخر اجل باه تدي لاشومبر و لابورس ولا كبقاه انا مراني فهما والو??


اهلا اختي نور الهدى والله حمد الله سوال عليك
لا لا مشي شهادة التوجيه
بطاقة الطاب المؤقتة وشهادة التسجيل يمدوهالك النهار الاول مين تروح تسجل هي والبطاقة الخاصة بالمنحة والغرفة

هدا وين راني نسمع بلي كاين تسجيل نهائي تاني
انا لم ادفع الوثائق الازمة للمنحة
هل اكيد ان اخر اجل هو 15 سبتمبر
ا

سلااااااااام فاطمة الزهراء ان شاء الله تكوني بخير هذا العام راكي رايحة تقراي مع بنت خالي راهي دروا كيفك ومعاك في الجامعة ربي معاكم لا اختي متقلقيش كامل روحك حتى انا مزال الكواغط تاع المنحة مخرجتهمش و كي ساقسيت قالك وقت اللي حبيتي الان الجامعة مفيهاش اخر اجل وتقدري تدفعيهم يالوكان حتى جانفي المهم الا راكي حابة لاشومبر لازم تدفعي دوك باه تلقاي
انا يالينا راني الحمدلله في رحمة ربي الله يسلمك بصح يا اختي هذا التسجيل اللي راكي تهدري عليه يخص الطلاب القدم ماشي حنا بيسك صحاباتي راحو للديبارتمون اليوم و قالولهم مكانش تسجيل ابار هذاك اللي سجلناه في جويلية دوك كاين التسجيل في الخدمات الاجتماعية (المنحو والاواء) هذا مكان ) راكي ركبتيلي الشوك ههههههههه ^^

منعرف المهم حنا فالجامعة قالونا هكذا درك كل واحد وكيفاش

مرسي ختى هدى والله غير ريحتني انشاء الله نتلاق بنت خالك بيسك راني بوحدي..... المهم ربي يوقنا كامل هاد العام

المشاركة الأصلية كتبت بواسطة fyfy_top216
مرسي ختى هدى والله غير ريحتني انشاء الله نتلاق بنت خالك بيسك راني بوحدي..... المهم ربي يوقنا كامل هاد العام

لا شكر على واجب اختي المهم في لاغونتري راني نبعثها ليك واسمها سمية اعطيني اي طريقة باه نبقاو على اتصال( الايميل او فايس ) و متخاميش رانا كامل مع بعض مراكيش وحدك^^

المشاركة الأصلية كتبت بواسطة toulay
منعرف المهم حنا فالجامعة قالونا هكذا درك كل واحد وكيفاش

oui khetiiiiiiiii tkon kol unver w kifah elmohim rabé ywafakna inchlah