عنوان الموضوع : بخصوص الفلسفة عــــــــــاجل لتحضير البكالوريا
مقدم من طرف منتديات العندليب







سلام
شوفوا معايا مليح واسمعوني
كالعادةفي الفلسفة يحطو 3 مواضيع

وحنا عندنا 3 محاور

يعني كل محور في موضوع

وحنا عندنا في المحور الاخير موضوعين فقط
الحقيقة والبيولوجيا وفي2 ولا مرة ذكروهم في الباك

مع العلم انو مرة وحدة فقط حطو مقالة من المحور الاخير وهي الرياضيات ومرة حطوها نص على هاذيك مستبعدة تمام انها تجي

وكذلك في اخر باك دارو الرياضيات نص
يعني من المحور الاخير

يعني احتمال كبير يديرو مقالة من المحور الاخير الي هي الحقيقة والبيولوجيا

ايضا بلاضافة الى درس النظم
ثاني ولا مرة جا يعني احتمال يجي مقالة
بصح واش يجي
سياسة ولا اقتصاد
انا نقول اقتصاد
على خاطر السياسة ولات موضوع حساس في الوطن العربي
بالاك كاين عباد ماشي متولهين بالسياسة يروحو يفتحولهم عينيهم عليها
هذا رأيي
وحتى تجي مقالة
يقولك اثبتلي بلي النظام الليبيرالي احسن نظام(الي هو نظام الجزائر)

توافقوني الرأي ولا لا؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نعم اوافقك الراي خاصة على السياسة وحنا نعرفو بالي الدول العربية سادها اللااستقرار في هاد الاخر ممكن بزلف يجيبو عليها
والله اعلم

=========


>>>> الرد الثاني :

انا نظن يا البنات بلي الديمقراطية هي باك تاعنا كامل ركزو عليها بركاو من التوقعات والله في مصلحتكم وروحو راجعو وربي اوفقنا كامل انا مركزة على الديمقراطية والابداع والبيولوجيا وشوي اللغة والفكر ونروح

=========


>>>> الرد الثالث :

انا مانكدبش عليك درت الاحساس والادراك واللغة والفكر والشعور واللاشعور والداكرة والابداع والانظمة والديمقراطية وراني خاااااااااااااااااااايفة يديرولنا مفاجئة والعلم لله

=========


>>>> الرد الرابع :

انا راني متوقعة 100 بالمية درس النظم يجي
ثاني احتماله اكبر من الحقيقة والبيولوجيا
مي ماقدرتش نحفظوا
تخلطتلي

=========


>>>> الرد الخامس :

صحا حبيت نسقسيكم ....

لعام لفات كانو اغلبتهم مستبعدين العادة مقارنة مي طاحت مقارنة صح و لالا ..

وهاد لعام راكم كااامل تقول النظم وتقولو اللغة والفكر ...وماش عارفة

صحا ولوكان يطيح السؤال لول الاحساس والادراك والسؤال الثاني يطيح تاع الاخلاق بين المطلق والنسبي و النص يطيح الاسرة لي راكم كامل مستبعدينها كيفاش ديرو

متقولوش طاحو هادو كامل ...علاش الشعور متعاودش زوج مرات في السابق زعما !!

على هك انا ركزت على واش قلتي نتي مي راجعت كامل المقالات متعرفي وش يطيح لواحد يدير حسابو هادي راهي فلسفة معمالها 6 ماشي خسارة فيها نراجع فيها كلش زيد ادا راحت الفلسفة راح لباك
...

=========


المشاركة الأصلية كتبت بواسطة بــآكـ
انا راني متوقعة 100 بالمية درس النظم يجي
ثاني احتماله اكبر من الحقيقة والبيولوجيا
مي ماقدرتش نحفظوا
تخلطتلي

احفظيه صايي مقعدتش ياك هادا لباك ديري مجهودك اكثر واكثر تخيلي في راسك يطيح ونتي مقريتهاش ماش تندمي حاولي حاولي حتان ..وادا محفظتهاش على الاقل افهميها ونا ثاني راني نحفظ فيها ...حتا وصعيبة شوي مي ..هك لازم


مي العادة والارادة ماجاش مقالة ولا مرة
يعني ماشي شرط نوع المقالة
المهم جات
وزيد انا راني نحكي من 2008
الشعور جا مرة وحدة برك مقالة
ماجاش 2 مرات


ودرس الانظمة الله غالب
عفست على قلبي مي ماقدرتش
متاهاتو كبيرة عارفة روحي

المشاركة الأصلية كتبت بواسطة بــآكـ
مي العادة والارادة ماجاش مقالة ولا مرة
يعني ماشي شرط نوع المقالة
المهم جات
وزيد انا راني نحكي من 2008
الشعور جا مرة وحدة برك مقالة
ماجاش 2 مرات


ودرس الانظمة الله غالب
عفست على قلبي مي ماقدرتش
متاهاتو كبيرة عارفة روحي

ادا كنتي حفظتي كلش ومحفظتيش النظم نقولو تقدير دير بديل
بصح ادا محفظتيش اغلب المقالات وتزيدي النظم متحفظهاش هك راكي تكوني تخاطري
كبيرة ..هيه هي كبيرة مالا قسمها مثلا ليوم احفظي مقدمة + الموقف ولحجج +وغ\دوة احفظي الموقف 2 ولحجج ونقدو لي بعدو احفظي التركيب و الخاتمة كما انا قسمتها هي والحقيقة ...هكاد افضل ماتقريهاش خير راهي فيها شك كبير !!!

نقولك املا
في باك 2010
والله العلي العظيم غير حفظت الاخلاق فقط
على خاطر في راسي شيء قالي اخلاق
وجات وديت فيها 14.5
وهذا العام انا راسي قالي حقيقة ولا بيولوجيا

حنونة مرسي على النصيحة
ونحاول اني نهز منو شوي

المشاركة الأصلية كتبت بواسطة بــآكـ
نقولك املا
في باك 2010
والله العلي العظيم غير حفظت الاخلاق فقط
على خاطر في راسي شيء قالي اخلاق
وجات وديت فيها 14.5
وهذا العام انا راسي قالي حقيقة ولا بيولوجيا

حنونة مرسي على النصيحة
ونحاول اني نهز منو شوي

انا مذبيا طيح الحقيقة من فمك لباب السما
يااربي طيح الحقيقة يااربي
يااااااااااااربي

انا نقول راني معاك في الراي صدقوني كي نقرا مقالة تع الانظمة السياسية تولي فيا واحد الشحنة ضد الدولة تاثر في نفسيتنا بزاف

شوفي انا راني قريب يديرولي قبة هههههه
صدقيني هاذو والله غير تجي وحدة فيهم في الباك

الحقيقة..البيولوجيا...النظم....وممكن الابداع

وشريعة عقلي قالي على درس الهبة
وثاني درس الجريمة

وتاريخ
ماعلاباليش اذا كاين بيان فيفري
انا حرة علابيها مانيش عارفة اذا كاين تجديد في الدروس ولا لا؟
جاتني بيان فيفري يجي

وفي الادب
الشعر الحر ولا شهر الاغتراب

هذا واش رايحة نحفظ

المشاركة الأصلية كتبت بواسطة chinoui
انا نقول راني معاك في الراي صدقوني كي نقرا مقالة تع الانظمة السياسية تولي فيا واحد الشحنة ضد الدولة تاثر في نفسيتنا بزاف



هاذي الي بغيت نوصلهالكم
احتمال ضعيف انهم يديرو السياسة
ماذابيهم يبعدو عليها قدر المستطاع
وحتى اذا تجي
لازم نظام الجزائر يديروه هو المليح

المشاركة الأصلية كتبت بواسطة بــآكـ
شوفي انا راني قريب يديرولي قبة هههههه
صدقيني هاذو والله غير تجي وحدة فيهم في الباك

الحقيقة..البيولوجيا...النظم....وممكن الابداع

وشريعة عقلي قالي على درس الهبة
وثاني درس الجريمة

وتاريخ
ماعلاباليش اذا كاين بيان فيفري
انا حرة علابيها مانيش عارفة اذا كاين تجديد في الدروس ولا لا؟
جاتني بيان فيفري يجي

وفي الادب
الشعر الحر ولا شهر الاغتراب

هذا واش رايحة نحفظ

ادا هكدا انا نتبعك واش تحفظي هههههه بصح على ضمانتك ... نحوس نسقسيك واحد السؤال في الادب صح كاينة منها ميعطولكش نقطة على النثر ..وادا وحدة ح حابسة كما انا في الشعر واش دير