عنوان الموضوع : لم نعد نفهم شيئا أيها الديوان.... لتحضير البكالوريا
مقدم من طرف منتديات العندليب

السلام عليكم
الحمد لله على كل حال

مبروك على الناجحين و لعقوبة للمعاودين العام الجاي إن شاء الله......
ندخل صلب الموضوع
أنا ما عدت أفهم شيئا أي رقم تدخله في موقع الديوان الوطني تجد صاحبه راسبا بمعدل 8
أهي لعبة أم ماذا يتحكمون فينا كالدمى.......بالمقابل تجد شعبة لغات أجنبية و علوم تجريبية بمعدلات 15 فما فوق ....أحان الوقت لتثور ثائرة كبيرة تجاه عبد اللطيف بابا وديوانه.....
إن لم يكونوا مهتمين بالشعبة لهذه الدرجة فالأغلبية مستعدة للتنازل عن الدراسة.......

ما رأيكم في هذا.



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

c vrais monafkin hadho -_-

=========


>>>> الرد الثاني :

المشاركة الأصلية كتبت بواسطة alitim
c vrais monafkin hadho -_-

و الله ما يربحوا ديما جيهم غير ف هاذ الشعبة ما فهمتش لاه

=========


>>>> الرد الثالث :

واش راح نديرو عندهم ربي يحاسبهم على كل شئ

=========


>>>> الرد الرابع :

هههههههههههه والله غير ضحكتوني راكم تشتكيو ومنيتكم ياو راكم ساكنين في بلاد النفاق وبلادج الرشوة والمعريفة ياناس ياناس بالله عليكم قدرهم ربي يحرمو شخص تعب وخدم وقرى من الفرحة وجاتهم حاجة ساهلة يحطوله غائب ياعباد للله راح نهبل كيفاش شخص حاضر في الباك وخدام وانسان عاقل يحطوه غائب هادي مهزلة والله مهزلة هادو راهم يضيعو بينا الوقت

=========


>>>> الرد الخامس :

المشاركة الأصلية كتبت بواسطة سارةالتلمسانية
هههههههههههه والله غير ضحكتوني راكم تشتكيو ومنيتكم ياو راكم ساكنين في بلاد النفاق وبلادج الرشوة والمعريفة ياناس ياناس بالله عليكم قدرهم ربي يحرمو شخص تعب وخدم وقرى من الفرحة وجاتهم حاجة ساهلة يحطوله غائب ياعباد للله راح نهبل كيفاش شخص حاضر في الباك وخدام وانسان عاقل يحطوه غائب هادي مهزلة والله مهزلة هادو راهم يضيعو بينا الوقت

مكتوب ربي واحد ما يبدلو....مي كاينة حاجة دوختنى هاذ العام كيفاش لجماعة كامل داو كيف معدل 8 و كاينين 6 يريحوا في صف واحد داو 8.45 يعني دخلتلك راسك.

=========


يااختي ممكن غشو بصح اخي مغش محطولهش غش حطوله غائب وهو حاظر هادي الحاجة اللي تغيظك وتخليك تفكر في كل حاجة ضد هاد الناس


مافهمنالكم والو يا الجيل الجديد كيفاش تحبو تنجحوا واسفاه على هذا الجيل الجديد انا نجحت في الباك 1996/1997 علابالكم كم كانت النسبة الوطنية 21% لا عتبة ولا اي شيئ كنا ندرس كافة البرنامج ولعلمكم كنت اداب وكانت الفلسفة مادة رئيسية


المشاركة الأصلية كتبت بواسطة امير الظلام 2
مافهمنالكم والو يا الجيل الجديد كيفاش تحبو تنجحوا واسفاه على هذا الجيل الجديد انا نجحت في الباك 1996/1997 علابالكم كم كانت النسبة الوطنية 21% لا عتبة ولا اي شيئ كنا ندرس كافة البرنامج ولعلمكم كنت اداب وكانت الفلسفة مادة رئيسية

مع كل الاحترام لك يا أستاذ.....أنا لي أقارب مر عليهم هذا الشيئ و تكلموا عن النسب التي كانت انذاك..... لكن تخيل ما رأيك أن تعطيني اسم هذه الشعبة من فضلك...........
تلميذ لغات - لغة ألمانية وش يساوي = ........هاذي مفهمتهاش من 28 معامل يوليو 24......
ستتعاقب الأعوام و سأعاود الكرة العام و لا ما كتبش ربي نعاود حر بإذن الله لغات أجنبية .......الحقرة في الأولى ثانوي هي لي خلاتني هكذا بلاد معرفة و رشوة ..لا أحب أن أتفلسف كثيرا في أمور الدولة راهي باينة......و الجيل الذي تتحدث عنه أناس من أناس ....ولو تكرمت و أجب على السؤال المطروح فوق و أكون لك شاكر.

ادوها من عندي
والله غير ماتفهموش خير
انا كي فقهمت طلعت لاطونسيون لعمري برك

ma3lich mafiha walo rabi yjib li fih lkhair

لماذا كل هذا التهويل ام همكم ان ينجح كل من تقدم للامتحان يا اخواني لقد نجح من تعب و كد خلال العام كله،انا استاذ في التعليم المتوسط صحيح ان النتائج في متوسطتنا تدنت من% 97 الى%60لكن صراحة لقد نجح من كان يتعب خلال السنة الدراسية.فيما سبق لقد كان التلميذ يعتبر نفسه ناجحا في الباكلوريا او البيام بمجرد وصوله الى القسم النهائي لكن هذه السنة احسسنا ان قيمة المتحان قد رجعت بعض الشىء

انا كي درت ادب جبت مرض روحي والله

المشاركة الأصلية كتبت بواسطة ali-golf
لماذا كل هذا التهويل ام همكم ان ينجح كل من تقدم للامتحان يا اخواني لقد نجح من تعب و كد خلال العام كله،انا استاذ في التعليم المتوسط صحيح ان النتائج في متوسطتنا تدنت من% 97 الى%60لكن صراحة لقد نجح من كان يتعب خلال السنة الدراسية.فيما سبق لقد كان التلميذ يعتبر نفسه ناجحا في الباكلوريا او البيام بمجرد وصوله الى القسم النهائي لكن هذه السنة احسسنا ان قيمة المتحان قد رجعت بعض الشىء

صدقني أستاذ ....ليس للتهويل و لا لشيئ اخر .....أنا إن لم أنجح العام المقبل لقدر الله سأعيده لغات أجنبية و لو كانت الألمانية من ضمنها و لم أدرسها لأنني أثق بقدراتي......وقصة المعارف و الخدمة بالوجوه هذه الذي حطمتني لا أقل و لا أكثر....شعبة اداب و فلسفة حطمتني .....أنا أختي نجحت bem بمعدل متواضع لماذا لكونها تفهم أدبية أكثر من العلمية
...وشعبة الفلسفة فيها تهميش أكثر من اللازم.

المشاركة الأصلية كتبت بواسطة سارةالتلمسانية
يااختي ممكن غشو بصح اخي مغش محطولهش غش حطوله غائب وهو حاظر هادي الحاجة اللي تغيظك وتخليك تفكر في كل حاجة ضد هاد الناس

صدقيني ربي يعوضها إن شاء الله أنا من قبل أعدت bem .وبعدها صححت أخطائي و تداركتها و لم أدرس شيئا و حصلت عليها بمعدل 12.50 .....لكن هذا العام لم أتوقع المعدل الذي حصلت عليه....خيرها في غيرها ....نزيد عام و نحاول نصحح بعض الأخطاء .....وكاين ربي من لفوق.