عنوان الموضوع : لكل اللي اختارو المدرسة العليا ببوزريعة ( ادخلو هنا واكيد راح تفيدو وتستفيدو ) مسابقة جديدة
مقدم من طرف منتديات العندليب

سلام عليكم ورحمة الله وبركاته

اللهم صل وسلم على سيدنا محمد وعلى اله وصحبه اجمعين

مبروك عليكم التسجيلات الاولية

ولعقوبة ان شاء الله لما كل واحد يعطوه الاختيار لي يبغيه

ونشوفكم ف الجامعة ومن المتفوقين باذنه تعالى

انا اخترت المدرسة العليا ببوزريعة

الاختيارات التسع الاولى درتهم كل مدرسة عليا ببوزريعة

لهدا فقلت ندير هاد الموضوع

لكل للي ختارو المدرسة العليا بوزريعة

باش نستفادو من بعضنا

ولما لا نتعرفو هنا

البنات مع بعض والاولاد مع بعض

وربما نتلاقو يوم الاختبار الشفوي

ونساعدو بعضنا

واي واحد عندو معلومات ع المدرسة يقولنا

يلا بسم الله نبدو

اكل واحد يقولنا واش خير

انا مثلا اول اختيار درت ادب استادة ثانوي
و2 انجليزية ثانوي
3 ادب متوسط
4 انجليزية متوسط
5 اجتماعيات ثانويي
6 اجتماعيات متوسط

هادو لي درتهم عن اقتناع

اما البقية فمجرد تكلمة عدد لا اكثر ولا اقل

ومادابينا كل لي درسو ف بوزريعة
يخبرونا ويفيدونا

وخصوصا على الاقامة

ا


يلا باغا نشوف مشاركات










هادي لقيتها ف موقع المدرسة العليااا



مكونات ملف التسجيل بالمدرسة العليا ببوزريعة - الجزائر


مكونـات الملف



· شهادة البكالوريا الأصلية.

· شهادة الميلاد الأصلية، رقم 12 .

· حوالة بريدية (تسلم من الإدارة)، 200 د.ج.

· ظرفان بريديان.

· 06 صور شمسية.

· شهادة التوجيه.

· استمارة تسجيل تسلم من الإدارة.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا اخترت

3 استاذ التعليم الثانوي أدب (بوزريعة)
4.....................المتوسط ................
5......................الثانوي تاريخ.........
6......................المتوسط....................
7 ......................الثانوي اعلام الي (القبة)
8 ......................المتوسط .....................

=========


>>>> الرد الثاني :

انا تاني بديت بالادب اخي

شحال جبت المعدل

=========


>>>> الرد الثالث :

انا بديت بالادب لكن عطوني قس قسنطينة بسكو انا من سطيف شعبة اداب و فلسفة 13.49 والادب 16 يقبلوني ولا لا

=========


>>>> الرد الرابع :

الله يبارك

ان شاء الله يقبلوووك

موفق اخي

=========


>>>> الرد الخامس :

انا رت اساتدة تع القبة كاين اعلام الي وموسقى وعلوم وعلوم قيقة واقامة تع لبنات في بن عكنون و6 في اقامة وهادي بنسة لبنات استاد المتوسط يقرى 4 سنين والثانوي 5 كاين 2 مواد كامل تع القبة يقراوهم وتسيني كونطرة العام اللول

=========


الله يبارك حنونة

ربي يوفقك ان شاء الله

ماعندكش معلومات على بوزريعة؟

بالنسبة للاقامة


السلام عليكم و رحمة الله

انا ايضا اخترت المدارس العليا القبة و بوزريعة( علوم طبيعية / انجليزية/اعلام ألي )) و لكن بعد الصيدلة و جراحة الاسنان

سأبقى على تواصل معكم قد نلتقي يوم 26 جويلية في الامتحان الشفوي ،،لا احد يدري شيء عن المستقبل

بالتوفيق


5- اعلام الي ثانوي القبة
6-اعلام الي متوسط
7- علوم ثانوي الاغواط
8- علوم دقيقة ثانوي الاغواط

قمر الزمان بالتوفيق







انت من اي ولاية؟

subainaz

بالتوفيق اخي

المشاركة الأصلية كتبت بواسطة اميرة زماني
انا تاني بديت بالادب اخي

شحال جبت المعدل

14.51معدلي

أنا ايضا اخترت المدرسة العليا في كل من القبة وبوزريعة نرجو منكم المزيد من المعلومات
سالت عن الاقامة قيل لي في باب الزوار

المشاركة الأصلية كتبت بواسطة بسمة الرياحين
أنا ايضا اخترت المدرسة العليا في كل من القبة وبوزريعة نرجو منكم المزيد من المعلومات
سالت عن الاقامة قيل لي في باب الزوار

الإقامة نتاع القبة كاين 2 واحدة في بن عكنون والأخرى في القبة

الإقامة نتاع بوزريعة كاينة في بني مسوس

وينها لي مافيهاش لي تي دي بزاف ادب او فلسفة او تاريخ بالنسبة للثانوي. وبالنسبة للاقامة ذكور كيف الحال.