عنوان الموضوع : الى كل من يملك اكثر من بكالوريا اعلان توظيف
مقدم من طرف منتديات العندليب

هذا الموضوع فتحته خصيصا لكل من يملك اكثر من بكالوريا

و هذا بخصوص الاشاعات الجديدة التى نقلها مقال جريدة الشروق

فاذا كان هذا الكلام صحيح هذا يعني ان البكالوريا الاحدث من المستحيل

نستعملوها لهذا اسال كل من يملك معلومات ان يوضح لنا كيفية سحب البكلوريا القديمة

من الجامعة

بانتظار ردودكم ان شاء الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام
انا عندي 2 باك الباك الاول سجلت بيه علوم و تقنيات و التاني رحت نسجل بيه العام هدا عطاولي تعهد بلي منيش مسجل بالباك الاول مي انا مضيت عليه و سجلت بصريات رغم انه مكتوب في التعهد من خالفه يتم طرده نهائيا من الجامع ربي يستر

=========


>>>> الرد الثاني :

هذه اشاعات من جريدة هدفها فقد تلهي الناس واخبار للاستهلاك اختي سجلي بالبكالوريا الحديث وروحي للجامعة الي سجلتي فيها العام الي فات وهوما يقومو بالازم

=========


>>>> الرد الثالث :

المشاركة الأصلية كتبت بواسطة halwa
سلام
انا عندي 2 باك الباك الاول سجلت بيه علوم و تقنيات و التاني رحت نسجل بيه العام هدا عطاولي تعهد بلي منيش مسجل بالباك الاول مي انا مضيت عليه و سجلت بصريات رغم انه مكتوب في التعهد من خالفه يتم طرده نهائيا من الجامع ربي يستر

و الله ربي يستر صح انا ثاني خايفة بصح اللي نعرفهم كامل سجلو بالبكالوريا الثانية و مضاو التعهد

المشاركة الأصلية كتبت بواسطة لالة مريومة
هذه اشاعات من جريدة هدفها فقد تلهي الناس واخبار للاستهلاك اختي سجلي بالبكالوريا الحديث وروحي للجامعة الي سجلتي فيها العام الي فات وهوما يقومو بالازم

و الله حتى انا كنت نقول اشاغات لكن ظرك خفت تكون كاينة منها

=========


>>>> الرد الرابع :

اختي انا تان مضيت التعهد
و سجلت عادي
و سقسيت قالولي من بعد يطلبو منا نختارو البكالوريا اللي حابين نقراو بيها
و الله اعلم

كلام الجرائد راه خرطي غير ماتديريش عليه كامل

ربي يجيب اللي فيه الخير
و ربي يستر

=========


>>>> الرد الخامس :

يعني منقدرش نقرى 2 سبيسياليتي في وقت واحد؟؟

=========


المشاركة الأصلية كتبت بواسطة halwa
يعني منقدرش نقرى 2 سبيسياليتي في وقت واحد؟؟

هذا هو الكلام الصح ..................


السلام اخواني أريد سؤالكم أنا راني نقرا رياضيات واعلام الي في الجامعة ببكالوريا 2011 وعندي بكالوريا 2012 بصح ماسجلتش بيه هذي المرة نقدر نسجل بهذا الباك العام الجاي أرجو الرد اخواني و اخواتي و شكرا

الاخت مروة الايمان مفهمتكش واش حابة تقولي

السلام عليكم
أنا عندي باك 2011 مسجل بيه في مستغانم
و هدا 2012 سجلت بيه في القبة عادي و عادي جدا ...ماكان لا تعهد ولا هم يحزنون
....
و على حساب ما قالولي ...هذه التعليمة تخص ملف المنحة ... لانهم وجدو من يدي 2 ولا 3 منح في نفس الوقت بمعنى كل باك يدي المنحة تاعو

ربي يسهلكم
و صح فطوركم
و السلام عليكم .......

انا ثاني مضيت التعهد بصح على حساب وش فهمت منو ممنوع نسجلو ببكالوريا ثانية في نفس الكلية فقط هذا وش مكتوب .....بصح كليات اخرى على حساب ما نعرف نورمال عندي اصدقاء مسجلين تخصص في ولاية و تخصص في ولاية اخرى

عادي ما كانش منها

انا عندي باك 2011 سجلت بيه في عنابة و ما حبيتش نقرا
و عندي باك 2012 سجلت بيه في قالمة نورمال
انا تاني حسب ما فهمت لازم ما تقراش في نفس الجامعة برك
ربي يستر لازم كل واحد يروح يسقسي في الجامعة لي سجل فيها بالباك لقديم

أريد تأكيدا ، لأني حقيقة أريد إعادة البكالوريا العام المقبل .. وشكرا للإخوة.

السلام عليكم اخواني و اخواتي
اردت ان افيدكم بتجربت فيما يخص الموضوع المدون اعلاه
لي بكالوريتين درست بالباكالوريا الاولى لمدة سنة و كنت في نفس الوقت بصدد اعادة الباكالوريا الثانية
حين سجلت بالباكالوريا الثانية في تخصص اخر كان من الضروري ان اجدد ملف المنحة
فاعطوني خيارين و هو ان ادرس الشعبتين معا في ان واحد مع وجود ملف المنحة الاول و ان شاء القدر ان لم اوفق في دراستي الاولى فسيحرمونني من المنحة
اما الخيار الثاني و هو تجديد ملف المنحة حسب الشعبة الثانية مع سحب الملف الجامعي نهائيا و عدم السماح لي بدخول الجامعة ثانية بالباكالوريا الاولى
فكان اختياري هو الخيار الثاني و بالتالي سحبت الملف و اخبرني عميد الجامعة على ان الباكالوريا الاولى لي اتمكن بها من السجيل في مركزين فقط
اما المدرسة الليلية او الشبه طبي
و ما يخص مدة صلاحية الباكالوريا
فقد قيل لي ان من يسجل في الجامعة فباكالوريته صالحة لمدة سنتين
اما من لا يسجل فهي صالحة لمدة5 سنوات
و الله اعلم باليقين
فلست متاكدة من هذه المعلومة
لكن ما اعرفه هو انه من الممكن جدا دراسة شعبتين معا فقط على ان لا تجددوا ملف المنحة و يبقى يسري حسب الباكالوريا الاولى
و السلام عليكم