عنوان الموضوع : شباب عقود الادماج لن يرضى بالمهزلة والتمييز اعلان توظيف
مقدم من طرف منتديات العندليب


سمعنا كلاما قيل ومازال يقال عن قرب عملية الادماج المزعم قبل 10 مارس 2015
لكن يبدو ان سياسة التمييز بين المديريات والوزارات جعلت الشباب اليوم يقتنع بان الشارع
هو الفيصل .
ان ادماج فئة واقصاء فئة اخرى سيخرج الشباب الى الشارع شئنا ام ابينا
ان الحل هــــــــــــــو :
الادماج في جميع القطاعات دون تمييز مع اخذ بعين الاعتبار :
الاقدمية
الاول بالاول
والسلام على من عرف قدر نفسه



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قلناها ورانا نزيدو نقولوها
ما كاين لا ادماج ولا مسابقات انا لست متشائم لكن اقول هذا الكلام عن تجربة
راني من 2004 متخرج كل عام يقولك كاين ادماج كاين الجديد كاين توظيف بصح ما كان والوووو
ديرو النية وحدوا يوم نخرجوا فيه نهدروا هدرتنا واخطيونا من الاحلام والاماني

=========


>>>> الرد الثاني :

او في ميزك واش قادرين اديرو نتاع الادماج? ياو مايديرو والو غير يقعدو يستناو حتى يفرج ربي

=========


>>>> الرد الثالث :

الادماج في جمبع القطاعات
راني معاكم

=========


>>>> الرد الرابع :

والله ان اسطورة نهاية العالم في حضارة المايا اقرب للتصديق من الادماج المزعوم ...

للمرة المليون اقولها

افيقو من سباتكم فلا يوجد شيئ اسمه الادماج وانا اكررها منذ 2009

قد جاء مارس ولم نر شيئ وسيقال لكم بعد الانتخابات وسترمون الى الشارع ولن ينفعكم الندم بعدها ...

=========


>>>> الرد الخامس :

صحيح ماكاين لا ادماج لا والو نفس الهدرة كل العام

=========


مانيش داكور معاك على فكرة الاقدمية تاع الكونثرا على خاطر كاين ناس تخرجوا هما اللخرين اداوا الكونثرا قبل الناس كامل املا الاقدمية تاع الديبلوم خير


dimanche prochin notre dernier espoir

السلام عليكم،،
مالا واش تستناو هيا إلى الشارع و الاحتجاج ،،
لازم على لجنة العقود تتحرك و تنظم احتجاج بالعاصمة في أقرب وقت ممكن



المشاركة الأصلية كتبت بواسطة الأمل الكبير
السلام عليكم،،
مالا واش تستناو هيا إلى الشارع و الاحتجاج ،،
لازم على لجنة العقود تتحرك و تنظم احتجاج بالعاصمة في أقرب وقت ممكن

معك حق الاحتجاج هو يلي يجيب الحق

نجيبوا حقنا بايدينا و سلميا لنكن معا يوم الاحد في العاصمة للمطالبة بحقنا في الادماج اعتصام مفتوح حتى يتم الادماج ان شاء الله

ما كان ادماج ما والو غبير يخرطو راني من 2005 مابان والو حتى ويكون يقبلو اللي ما ترسموش واللي معندوش كامل كونترة في اي صيغة ميديرولوش الحل احنا كنا خدامين وخلاصت الكونترة قبل اشهر فقط الحل اين هو.............الشارع