عنوان الموضوع : ارجو الاجابة هل يتم الامساك بي في المحكمة ؟؟ اعلان توظيف
مقدم من طرف منتديات العندليب

سلام عليكم ورحمة الله
إخواني اريد أن أستفسر منكم :

ذهبت قبل 3 أشهر للمحكمة مع العلم أني عاصي أخذت معي ملف الكفالة انا الابن الوحيد و الاكبر و الوالد متقاعد ولديه مرض ....المهم عند ذهابي للمحكمة أخذو مني شهادة عائلية و شهادة العمل و ونسخة عن بطاقة التعريف واعطوني استدعاء الى غاية 28 / 8 / 2015 بعد مروري على تحقيق الدرك الوطني .... اجتزت التحقيق بصعوبة مع الدرك و انا الان في حيرة هل اذهب في التاريخ المحدد او لا خوفا من ان يكون الحكم ليس في صالحي ...... اتمنى ان تفيدوني

وهل يتم الامساك بي في حالة ما اذا كان التقرير ضدي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لالا خويا على حساب معلوماتي مادامك مسوي الوضعية عادي ميقدر حتى وحد يرفدك حاسبها لعبة اذا منجحتش لاقدر الله يعطوك سورسي حتى الدفعة القادمة على الاقل ومن تما تولي عادي ونزيدلك حاجة فبالك كاين زوج نعرفهوم انسومي عاصي روشارش مشا لابريقات باه يركب قالولو روح منقدروش ركبوك منا راك روشارش لازم نجيو نرفدوك من الدار
متخافش خويا وزيد سقسي
الله يسهل

=========


>>>> الرد الثاني :

المشاركة الأصلية كتبت بواسطة just do it
لالا خويا على حساب معلوماتي مادامك مسوي الوضعية عادي ميقدر حتى وحد يرفدك حاسبها لعبة اذا منجحتش لاقدر الله يعطوك سورسي حتى الدفعة القادمة على الاقل ومن تما تولي عادي ونزيدلك حاجة فبالك كاين زوج نعرفهوم انسومي عاصي روشارش مشا لابريقات باه يركب قالولو روح منقدروش ركبوك منا راك روشارش لازم نجيو نرفدوك من الدار
متخافش خويا وزيد سقسي
الله يسهل

بارك الله فيك خويا نتمنى يكون كلامك صحيح والله راني متردد

=========


>>>> الرد الثالث :

non imposible yahkmok
roh fe nhar exact

=========


>>>> الرد الرابع :

خويا توكل على الله واروح في الوقت المحدد
اذا كان تحقيق الدرك ايجابي يعطولك ظرف وتروح مركز الخدمة الوطنية ومبروك عليك اعفاء واذا كان العكس تان يعطولك ظرف اوقوللك روح استنا جيرك اوردبال للدفعة القادمة
المهم تحوللك بلي راك عاص واذا قدر االه او مقبلوكش الملف تفوتهم برتبة نتاعك ومتروحش للثكنة عاص وتقدر تدي معاك فما للثكنة ملف طبي ويكون عندك الوقت باه تكونو بالاك ولا يكون فائض وتدي اعفاء من الثكنة ....وشكرا

=========


>>>> الرد الخامس :

يقولك سال المجرب لا تسال الطبيب انا تاني كيما نتا دروك راني نكتبلك راهم تالقيني اجازة من الثكنة و راني نفوت فيها كي تروح للمحكمة و ما يكونش التقرير في صالحك

يرفدوك من تما نيشان انا تاني كنت حاسب يطلقوني حتى يرسلولي استدعاء بصح لا ماكانش منها خويا واحد عاصي اما الاعفاء اوا الاداء ماكاش سورسي انا تابع للناحية

العسكرية الثانية و راني نفوت فيها في المويلح تاع العصاة و الحالات اللي كيما نتا منهم المأت و الله أعلم


=========


المشاركة الأصلية كتبت بواسطة وليد الخضرة
يقولك سال المجرب لا تسال الطبيب انا تاني كيما نتا دروك راني نكتبلك راهم تالقيني اجازة من الثكنة و راني نفوت فيها كي تروح للمحكمة و ما يكونش التقرير في صالحك

يرفدوك من تما نيشان انا تاني كنت حاسب يطلقوني حتى يرسلولي استدعاء بصح لا ماكانش منها خويا واحد عاصي اما الاعفاء اوا الاداء ماكاش سورسي انا تابع للناحية

العسكرية الثانية و راني نفوت فيها في المويلح تاع العصاة و الحالات اللي كيما نتا منهم المأت و الله أعلم

شكرا ليك خويا .... لكن هبطلي المعنويات وبديت نفكر مانروحش خلاص


besah lazem troh kima trohech rak tkhaltha ala rohek
khod ray li ybikik

عندي صديق هو عاص ولم يتم استدعاءه لانه لم يذهب للمحكمة العسكرية وهو ينتظرأن يأتوه وموجد ملف كفالة هل هذا في صالحه