عنوان الموضوع : أفضل وصفة فعالة و سريعة لازالة الرؤوس السوداء لبشرة صحية
مقدم من طرف منتديات العندليب

أفضل وصفة فعالة و سريعة لازالة الرؤوس السوداء



السلام عليكم صبايا
كنت مبارح بتفسح عاليوتيوب و جربت وصفة لازالة الرؤوس السوداء من الوجه و كانت فعالة و سهلة و ما بتاخذ وقت كتير و حبيت افيد بيها الي لسه ما بيعرفو الوصفة
الوصفة سهلة
ملعقة حليب عادي + ملعقة بودرة الجيلاتين
بتلاقيها عند الي بيبيع شغلات الحلويات و هيك
بتخلطي الحليب مع بودرة الجيلااتين منيح و بتدخلي الخليط للميكروويف مدة 10 ثواني ، أو ممكن تخليهم ع نار هادئة حتى يصبح الخليط شبه سائل
بعدين بطلعي الخليط من الميكروويف و تستني دقيقتين يبرد شوي و تاخذي فرشاة الميك-أب و بتاخذي بيها الخليط و تعمليه ع المكان الي فيه الرؤوس السوداء ب وجهك
بتخليه 10 دقائق حتى يجف و ينشف و بتقلعيه بأصابعك بلطف ، القشرة الي قلعتيها من وجهك بتلاقي فيها الرؤوس السوداء كلها ، طبعاً بترميها
بعدين اغسلي وجهك بالماء البارد و لو صار المكان احمر ادهنيه بالفازلين او اي كريم وجه و خلصنا
بينصحو قبل ما تحطي الخلطة ع وجهك انك تعملي بخار لوجهك مشان تفتح المسام و تطلع الرؤوس بسرعة و لما تخلصي تغسلي وجهك ب مي باردة لغلق المسام و تحطي كريم
ان شاء الله بكون الموضوع فادكم و الله المستعان
لو في اي تساؤل حطوه بالرد ، رح أرد ان شاء الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة اختي يعطيك العافية
حبيت اسالك بودرة الجيلاتين عندها اسم اخر غير هاذ لاني ماعرفتها

__________________________________________________ __________

>>>> الرد الثاني :

لا أ ختي عندو غا هاد السمية
الجيلاتين بيكون بودرة أو ورق ، اعمليهم ع قووقل و شوفي
بيستعمل ورق الجيلاتين ايضاً لازالة الرؤوس السوداء لكن يستحسن يكون بودرة بتكون الطريقة اسهل و افضل
اذا بدكم طريقة الجيلاتين بالورق خبروني بعملها بموضوع ان شاء الله (:

__________________________________________________ __________

>>>> الرد الثالث :

فعلا وصفه فعالة ومجربة يعطيك العافيه على طرح تجربتك غاليتي


بانتظار جديدك وتستاهلين التقييم

__________________________________________________ __________

>>>> الرد الرابع :

ان شاء الله تفيدنا

__________________________________________________ __________

>>>> الرد الخامس :

مرُوركم رائع أخواتي 3>