عنوان الموضوع : لتكوني صاحبة رائحه عطره ....وفواحه حياكي الله
مقدم من طرف منتديات العندليب

لتكوني صاحبة رائحه عطره ....وفواحه تفضلي






مسآء/صبآح الخيراات
سلام رائع للوجوه الرائعه والجميله ومحبات الروائح العطريه
وبما انه هالقسم يختص بالبشره والجمال
حبيت انزل هالموضوع بصراحه عجبني باحدى المنتديات بس انا
ضفت عليه بعض لمساتي اتمنى ينال اعجابكم ....
بما انه الاناقه والنظافه والترتيب والعنايه بالبشره والجسم والروائح العطريه
رمز انوثتنا وبما انه الجمآل نعمة نحمدالله عليهآ ونسعى كثير عشآن
نحافظ عليهآ بشتى الطرق ورغم كذا نغفل بعض الآموور
وبهالموضوع راح نعرف كيف:

نعطر جسمنا ..شعرنا .. ملآبسنا.. لتكون روائحنا فوآحه
للاسف بعض النساء و البنات يكتفون بالعطر الخآرجي فقط
ماراح اناقش هالموضوع طويلآ لآنه مو موضوعنآ..اكيد كلن
وله طريقته الخاصه في التعطير
راح اكتب طريقه مع اكثر من خيار لعله يناسبكم
ملآحظه:
أهم من العطر نفسه أن الجسم يكون نظيف وناعم يعني رطب
بلوشن بودي كريم ويكون بيور اذا ماكان فيه مجموعه((كولكشن))
اذا ماعندك مجموعه استعملي لوشن بيور عشان لو قلنا مثلآ استعملتي
كريم معطر بالمسك وتعطرتي بعطر فرنسي برائحة الورود الريحه بتكون
مش ولآ بد هذا ليه قلت لوشن بيور من غير رائحة
وانا استعمل كريم دوف بيور واخلطه مع عطري المفضل
واخليه بظلام يعني في مكان مظلم مدة ثلاث ايام وبعدين استعمله
يكون نفس ريحة العطر اما لوعندك كولكشن مايحتاج..اما لو حطيتي
العطر على جسم مو نظيف ف بتطلع كارثه لان تركيبه العطر بتتفاعل
مع رائحة جسمك وبيطلع شي ثاني وكثير منا يقول انا شميت ريحة
العطر في فلانه بس فيني غير لانه تفاعل مع جسمك ي حيآتي
انتي سوي الخطوات صح يطلع ريحة العطر حلو
نبتدء الخطوات....

1_ بتعطير الجسم:
اول شي خذي حمآم دافى عشآن يفتح المسامات وتريحي اعصآبك
وعقب تخلصين من تفرك و....الخ
رشي جسمك بماء بارد عشآن يقفل المسامات الي انفتحت ويشد الجسم
وتحسين بنتعآش
نجي لها الطريقه والجسم رطب لآ مبلل ويقطر ماء ولآ ناشف
ناخذ نقطتين من بيبي اويل جونسن وادهن فيه كل جسمي شوي
مو كثير وممكن تستبدلينه بجل جونسن وهالحركه اذا بتطلعين
لاتسوينها عشان تسود مع الشمس
وبعدها نرش الجسم بمعطر الجسم او اذا ماعندك ماء ورد يكون
بارد رشي جسمك وجهك فيه وبعده استعملي كريمك المفضل اذا
تبع لموجموعه عطريه فبيكون كل الخطوات بموجموعتك واذا
ماعندك بيكون كريمك الي خلطتي معه عطرك الزيتي المفضل
مثلآ مسك من أجمل او اي شي من زهور الريف وبعدها البودره
من جونسن واذا من مجموعه بتكون نفس الريحه وتلبسي ملابس
الصلآه وتبخري عشآن تثبت الريحه


2_بتعطير الشعر:
تعطير الشعر خطوة مهمه مهمه مهمه للتعبير عن الجآذبيه والأنووثه..
خآصه وان الشعر فيه ثقووب ويمتص العطر كالبشره تمامآ لآتجي
وحده تقولي والله تعطير الشعر يشيب الشعر انا عن نفسي ماقتنع
بكلمة يقولون هذا نعطر شعرنا وماشفنا شيب والعطر ماله علآقه بالشيب
الشيب شي وراثي ومن المواد الكميائيه القويه الا اذا عندك حسآسيه
هذا شي ثاني
وعشآن تعرفو اهمية تعطير الشعر
في اكثر من طريقة لتعطير الشعر
دايما عطري اطراف الشعر ولآ تعطري المنابت
ومهم يكون عندك مبخره خاصه للشعر عشآن لايحترق لآ سمح الله
وموجود كثير بالآسوااق اختاري الي يناسبك
وطبعا التعطير يكون وشعرك رطب تحطين المخمريه او عطرك المفضل
الخاص بالشعر وبعدين تبخرينه وممكن بعد السشوار اذا بتسوين شعرك
نجي للخيارات:
_بودي شوب فيه بخاخات كثيره للشعر
_مسك سائل خاص بالشعر عند عبد الصمد القرشي ينحط والشعر رطب
حتى لو بتسوين سشوار
_عطورات خاصه بالشعر عند زهور الريف
_خمريه باريس غاليري يهببل فيه منه اربع الوان
_خمريه انواع كثيره عند العطارين ومحلات البخور والعربيه للعود
وخمرية العروسه وخمريه الماجد عند الماجد
_عطور فرنسيه:مثلآ الورد من شآنيل خيال

3_منطقه الآبط:
استعمالي الديدورنت ((مزيل العرق)) المناسب
لبشرتك واهم شي نظآفه هالمنطقه بشكل يومي وعدم تعطيرها ابدا ابدا
بس نكتفي بمزيل العرق المناسب وانا افضل رائحته تكون كريمي
<<كل وحده وذوقها والاهم مفعوله

4_تعطير الفم:
تفريش الاسنان مرتين اقل شي باليوم واذا اكلتي شي دسم زيديها مره
تفريش السان مهم لان السان فرشه الفم<<ابو التشبيه
المقصد انو مهم لان لو فرشتي الاسنان والسان مو نظيف كنك
يابو زيد ماغزيت بيظ فيه ريحة فمرري فرشة اسنان ناعمه
على لسانك حتى تحسينه نظف ومشي قطعه قماش خفيفه على اللثه
من فوق وتحت عشان ينظف وبعدها غسول الفم تمضمضي وانتعشي
بالريحه الحلوه وانفاسك العطره وفيه انواع كثيره لغسول الفم بالصيدليات
وفيه حبوب في بودي شوب وبكل مكان
وعندك غسول القرنفل تفوحينه وتستعمليه كغسول ريحة قويه
ويقوي اللثه والسواك وخيط الاسنان مهمين

اما الي عندهم مشكله باللثه يعالجونها لان هالاشياء ماراح تفيد
وياهم وهم الي عندهم مشكله بالمعده

5_تعطير المنطقه الحساسه:
ماحب احط عطور اكتفي بمسك الطهاره والمغسولآت
واكيد اهم شيء النظافه الشخصيه خاصه هذه المنطقه

6_تعطير الملابس:
عندك اكثر من خيار:
_بين ملابسك حطي معطر وهناك انواع كثيره بالسوق الي تتعلق بالخزانه
او تبشرين صابون المفضل لي تحبين ريحته وفيه انواه كثيره
وتحطينه بكيس زي حق العبايه الصغار وتوزيعينه بخزاننة ملابسك
_وفي طريقه حلوهنحط عطر من العطر اللي نستعمل منه في مكواة
البخار الي نكوي فيهآ ملآبسنا وتثبت الريحة من قلب

7_لرائحة جسم عطره راقبي غذائك:
*شرب الماء بكثره مفيد حيث يخرج الفضلات مع العرق ويطهر
الجسم والبشره وخآصة اذا شربتي الماء مع ماء الورد تعطر
جسمك هذا غير انه مفيد للبشره
*عصير البرتقال مع ماء الورد يجنن لتعطير الجسم وكمان للبشره
والنعناع وعصير التوت يعطر الافرازات الآنثويه
*اكل الكرفكس يوميآ لمدة اسبوع يجعل رائحة الجسم مميزه
*شرب الشاي الآخضر يطيب رائحة الفم
*شرب كأس من الزنجبيل يوميآ يجعل رائحة جسمك عطره مو
بس من انفآسك بل جسمك ككل وخاصه عند التعرق
*اطعمة تجعل رائحة الجسم منفره ولآ بد منها لذالك يفضل التقليل منها:
بصل/ثوم/بهارات/لحوم/حلبه/اندومي/فجل/ملفوف
يفضل تفرشي اسنانك وتتمضمضي بغسول وتشربي عصير نعناع باليمون
اتمنى ان ينال اعجابكم هذا الموضوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ثانكس حبي
طرح مميز

__________________________________________________ __________

>>>> الرد الثاني :

يسلمو وشكرا

__________________________________________________ __________

>>>> الرد الثالث :

يسلمو

__________________________________________________ __________

>>>> الرد الرابع :

يسلموووو

__________________________________________________ __________

>>>> الرد الخامس :

Thank you so much