عنوان الموضوع : اوقات الفراغ من تجارب المنزل
مقدم من طرف منتديات العندليب




حبيت نطرح هذ الموضوع الي هو:
واش ديري في اوقات فراغك ؟

ياريت كل وحدة تقول لنا واش دير في اوقات فراغها باش نستفادو من بعضنا لانو كل دقيقة نتحاسبو عليها عند الله و لهذا نتمنى كل وحدة تحط فكرتها تفيد بها غيرها و تستفاد من غيرها

اللهم اني قد بلغت
ادعولي








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة اختي فطيمة على طرح هاذ الموضوع
وين راه هاذ الوقت نتاع الفراغ مع المسؤولية نتاع البيت و الاولاد
و ما يخفاش عليك نهار الشتا راهو قصير بزاف........
انا نسرق بعض الوقت نخفف بيه من ضغوطات الحياة و نقعد في
الميكرو .... نروح على نفسي و ما يقتلنيش الروتين...
لكن في الصيف و في العطل يكون متسع من الوقت
نمتهن الخياطة منها ما نضيعش الوقت و منها نوفر دخل لنفسي

__________________________________________________ __________

>>>> الرد الثاني :

ماعندييييش وقت فراغ نخدم كل يوم عندي غير الجمعة كي نكمل شغلي كامل نقعد نصنع اشغال يديوية للبيت و الا نخيط حوايج خفاف للبنات
عندي افكار لااا تعد بصح الله غالب الوقت مكانش

__________________________________________________ __________

>>>> الرد الثالث :

أنا ثاني معنديش وقت فراغ ياسر
وكي يكون عندي نخيط كروشيه ولا نقرا كتاب


__________________________________________________ __________

>>>> الرد الرابع :

السلام عليكم و رحمة الله تعالى و بركاته
يعطيك الصحة يا فطيمة على الموضوع
أنا أجبت من قبل و هو خليط من ليلي و منى و سمراء
و لكني أردت المشاركة معك بهذا السؤال
ماذا تفعل فطيمة في أوقات فراغها؟؟؟
جاوبيني حبوبة راني نستنى مش في إجابتك بل نستنى في نصائحك لأني أثق كثيرا في نصائحك و في تصرفاتك
ربي يبارك فيك و يجازيك بالخير و الهناء و ربي يفرح قلبك بوليداتك و ربي يرزقك برهم و ينجح مقاصدهم اللهم آمين


__________________________________________________ __________

>>>> الرد الخامس :

نشكر الاخت فاطمه علي هدا الطرح الجميل وكيما سبق و قالو خواتاتي وراه الفراغ الي يكون عندها الاولاد

و ادا بالي شويه وقت نقرا القران او نخدم لزيقوي تريكو لوليدي لي حكيتلك عليه الووووواعر