عنوان الموضوع : اللي خدامة تقولنا كيفاه دير بلييييييييييز تجاربي
مقدم من طرف منتديات العندليب

السلام عليكم
تعيشو ساعدوني راني حابة نستفاد منكم والمجربة تقولنا كي تزوجت كيفاه دير انا راح نتزوج ان شاء الله بعد رمان يعني فترة صغيرة ومبعد نبداو الخدممة وبما اني خدامة حبيت ندير بروقرام على الدار وكيفاه ندير خاصة الغداء والعشاء مثلا كل وحدة تقولنا واش دير في الغداء والعشاء هكا ندير برنامج اسبوعي واش نطيب واش ندير كي نروح كل يوم
بليييز ساعدونس راح نتعلم منكم اللي مجربة واللي راهي خدامة تقولنا كيفاه دير



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا متزوجة وخدامة وعندي بنت عمرها 7 شهور والحمد لله قايمة داري باكمل وجه
اول شي لازم تتعلمي تنظمي وقتك قبل كل شي وتكوني شاااااااااطرة.....متلا انا الصباح نوض شوي بكري خاصة بعدما ولدت بنتي نصلي ثم نخمل كامل الدار ونمسح الارض مسيح خفيف...بعدها نلبس حوايجي والقهوة راهي تطيب ثم نشرب قهوتي ونحي الحليب من صدري ونرتب الصاك تع بنتي نديرلها ماكلتها نكون طيبتلها في الليل من بعد نوض الزوج ديالي يروح هو يلبس ويشرب قهوتو انا نفرش السرير ونوض بنتي نرضعها ونعطيها قهوتها ادا ما شبعتش من الحليب ثم نلبسلها و نغسل الماعن تع القهوة ثم راجلي يروح يسخن السيارة ونخرجو .......ندي بنتي لعند الوالدة ديالي باش تشدها ونكمل الطريق لخدمتي ثم نقول بسم الله لنهار جديد.........نخدم خدمتي الصعيبة في السارفيس تاعي من بعد نخرج نروح لدارنا شوية بعيدة نستنى راجلي يجي ليا لتمة ندي بنتي ونروح لداري.........اول شي نرقد بنتي ونروح قبالة ندير العشا كل مرة واش يتشهى راجلي العزيز مرة بيتزا مرة طاجين مرة محاجب....ندير عشاتي وعشاة بنتي ونغسل حوايج بنتي الي خليتهم الصباح بعدما تنوض نعطيها ترضع ونخليها تلعب ثم يلحق وقت العشا نتعشاو نغسل الماعن ونرقدها ونرقد وعلى هادا الموال كل يوم............وبصراحة والله الاكل ندير غير الحاجة الصعيبة والحمد لله بصح كي نرقد نطيح مييييييييييييييييييييييييييييييييييييتة.........رب ي معاك
بصح دبارة مني حضري برنامج كل يوم واش تطيبي باش يسهل عليك على خاطر التخمام فيها اكتر من التحضير
ربي يقدرك وكي تكوني مهنية والله كل شي يسهل عليك المهم راحة البال

__________________________________________________ __________

>>>> الرد الثاني :

شوفي راني خدامة ومتزوجة من 7سنين عندي طفل وطفلة شوفي نبدا
بلقضيان يقضي راجلي بلجمعة كميخدمش نشريو كامل الخضر الاساسية بطاطا وبصل وطماطم الخ.....تاع السمانة و2دجاجات نقيهم ونقطعهم ونكنجليهم طراف علي حسب عائلة انا نكنجلي3 طراف في ساشي لازم دري برنامج وشطيبي فسمانة اضربي لطلة في قسم الطبخ مشاء الله لمبدعات متحريش هزي وصفات وطبقي
بلجمعة نوض بكري ندير مناج ونطيب فطوري ندوش لولاد وندوش
فل وكاند
الجمعة والسبت دايما نديرماكلة تاع عجين محاجب شخشوخة تليتلي .....وطعام دايما بلجمعة لغدا
وباقي سمانة نطيب لعشاء نزود باش يبقي لغدا تاع غدوا علي خاطر معنديش لوقت عندي ساعة ونرجع نخدم نسخن لماكلة ونزيد سلاطة خضرا
باش تجيك ساهلة دايما اشري كلش الخضرا تاع سمانة زيتون خضرواكحل
سكر قهوة مقرونة تسلكك فرينة لحليب دايما بزيادة
اكتبي كلش في ورقة وعلقيها فلفريجدار كلما تفكري حاجة باش كيتجي تقضي تشري وش خصك مرا وحدا لحاجة ليكرهوها رجال كيدخل لدار تقوليلو خصتني حاجة يهبلو ملا ردي بالك
هكا سمانة تكوني رايحة مام تحبي تبدلي لوصفة يكون عندك لواجد متتعبيش متخمام
ربي وفقك وكلشي مبروك ورانا نستنو في طيابك ذوقينا

__________________________________________________ __________

>>>> الرد الثالث :

نحكيلك احنا كيفاش نديرو تجربة أخذتها من ماما ربي يطوللها عمرها هي أستاذة و أنا ثاني زدت دخلت التعليم
المهم نوضي بكري كاش ما تسلكي شغل خفيف وبالنسبة للطياب احنا بابا ما كانش عندو مشكل ياكل الماكلة البايتة يعني نطيبو العشاء بزيادة و يفضل للغدا نتاع غدوة من ذاك كي ندخلوا للدار نسخنو برك
وكي تكون وحدة فينا تخرج قبل الوقت على العشرة ولا 11 نورمال كي تجي للدار اطيب الغدا وخلاص
وعندنا نهاية الأسبوع يبقى الإبداع فيه هو العنوان والحمد لله العايلة كامل راضية المهم الواحد كي يجي عيان وجيعان يلقى واش ياكل
و زيدي انتي اتفاهمي مع راجلك باش تقدري ادبري أمورك ما تقلقيش روحك كي تكوني في الوضع هذاك رايحة تعرفي كيفاش دبري أمورك
ربي يوفقك ويهنيك في حياتك

__________________________________________________ __________

>>>> الرد الرابع :

انا تاني كنت نخمم في نفس السؤال... ربي يوفقنا ان شاء الله

__________________________________________________ __________

>>>> الرد الخامس :

المشاركة الأصلية كتبت بواسطة أسماء زوجة كريم
السلام عليكم
تعيشو ساعدوني راني حابة نستفاد منكم والمجربة تقولنا كي تزوجت كيفاه دير انا راح نتزوج ان شاء الله بعد رمان يعني فترة صغيرة ومبعد نبداو الخدممة وبما اني خدامة حبيت ندير بروقرام على الدار وكيفاه ندير خاصة الغداء والعشاء مثلا كل وحدة تقولنا واش دير في الغداء والعشاء هكا ندير برنامج اسبوعي واش نطيب واش ندير كي نروح كل يوم
بليييز ساعدونس راح نتعلم منكم اللي مجربة واللي راهي خدامة تقولنا كيفاه دير

شوفي حبيبتي انا كنت خدامة لكن بعد انجابي لتوام حبست من اجل اولادي
شوفي المراة العاملة تستحق تنظيم الوقت وعدم تاجيل عمل اليوم للغد لازمك دائما متؤهبة مثل العسكري
عن تجربة انا كنت في الصيف كي يطوال النهار ندير الميناج وغسل الملابس كلها في العشية ايام العمل لكي في نهاية الاسبوع مانلقاش عمل كثير ينتضرني
تعلمي تشتري المؤونة تاع شهر والخضر واللحم كل اسبوع لكي تكوني دائما واجدة ادا جاوك ضياف كدلك لكي لا تقلقي زوجك بالطلبات
خاطر الرجال رام يقلقو من كل مرة جيب حاجة ما تغركش ايام الخطوبة والكلام المعسل هههههه
ربي يوفقك ويهنيك ونتمن نكون افدتك