عنوان الموضوع : بجاية أم تونس؟؟؟؟؟؟؟ للسياحة
مقدم من طرف منتديات العندليب

السلام عليكم تعيشو راح نسقسيكم على حاجة ان شاء الله تعاونوني راني راح ندير العرس ان شاء الله بعد رمضان وحابين نديرو فواياج دونونس في بجاية والا تونس انا تونس رحتلها من قبل بصح بجاية جامي رحت على بيها حابة نروح لوهران وبجاية تعيشو قولولي واناه المنطقة الاحسن منهم وكان بجاية انا مانعرفهاش تعيشو قولولي واش من بلايص الملاح اللي روحولهم لاخاطر انا منعرفهاش خلاص
وناه المنطقة السياحية المليحة والفندق المليح
راني نستنا ردكم تعيشو



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الجزائر أفضل من تونس من القالة إلى الغزوات ..............ربي يوفقك و يعطيك الذرية الصالحة

__________________________________________________ __________

>>>> الرد الثاني :

أختي أنا عن نفسي نفضل بجاية على تونس خاصة مع الاوضاع لي راهي تمر بيها تونس
المهم أنا رحت ثاني لبجاية فواياج دونوص ورحت بالتحديد لتيشي في بجاية وعجبتني منها تضربي تحويسة للكهوف العجيبة تاع بجاية ماهيش بعيدة على تيشي و تروحي ثاني لبجاية فيل قصدي مدينة مليحة بزاف خاصة الميناء كاين قهوة عندها اطلالة مباشرة على الميناء لقعدة فيها روعة
اما لفندق اختي كاين شحال من فندق قدام بعضاهم كي تدخلي تيشي و كامل على شط لبحر أنا جربت فندق الحمديين و فندق سيفقص و فضلت فندق سيفقص
لعام لي فات الغرفة لشخصين كانت ب 8000 دج لليلة فيها فطور صباح و غداء و لا عشاء بصح قلبوها من بعد ب 10000 دج على حساب شهر لي تروحي فيه
واذا حابة أختي نقدر نعطيلك الرقم تاع الفندق و ألف مبروك مسبقا

__________________________________________________ __________

>>>> الرد الثالث :

أنا نقول لشهر العسل تونس خير ، من حيث الخدمات و الأسعار

__________________________________________________ __________

>>>> الرد الرابع :

المشاركة الأصلية كتبت بواسطة أم ليونة
أختي أنا عن نفسي نفضل بجاية على تونس خاصة مع الاوضاع لي راهي تمر بيها تونس
المهم أنا رحت ثاني لبجاية فواياج دونوص ورحت بالتحديد لتيشي في بجاية وعجبتني منها تضربي تحويسة للكهوف العجيبة تاع بجاية ماهيش بعيدة على تيشي و تروحي ثاني لبجاية فيل قصدي مدينة مليحة بزاف خاصة الميناء كاين قهوة عندها اطلالة مباشرة على الميناء لقعدة فيها روعة
اما لفندق اختي كاين شحال من فندق قدام بعضاهم كي تدخلي تيشي و كامل على شط لبحر أنا جربت فندق الحمديين و فندق سيفقص و فضلت فندق سيفقص
لعام لي فات الغرفة لشخصين كانت ب 8000 دج لليلة فيها فطور صباح و غداء و لا عشاء بصح قلبوها من بعد ب 10000 دج على حساب شهر لي تروحي فيه
واذا حابة أختي نقدر نعطيلك الرقم تاع الفندق و ألف مبروك مسبقا

شكرا اختي بارك الله فيك ربي يجازيك ان شاء الله ربي يخليك ادا تحبي مديلي في رسالة خاصة الرقم تاع الفندق المليح و يكون السعر تاعها نافص شوي بزاف مليون الليلة تعيشي اختي ربي يخليك وادعيلي معاك

__________________________________________________ __________

>>>> الرد الخامس :

المشاركة الأصلية كتبت بواسطة ذكرى أبي
أنا نقول لشهر العسل تونس خير ، من حيث الخدمات و الأسعار


شكرا اختي ربي يخليك وادعيلي معاك برك