عنوان الموضوع : نظارات شمسية
مقدم من طرف منتديات العندليب

أريد شراء نظارات شمسية ذات نوعية جيدة و ليس غالية الثمن ، في حدود 5000إلى 7000 دج
فمن يعرف نوعية مناسبة فلا يبخل علينا بالمساعدة و شكرااااااا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي الو نصيحة نمدهالك اخطيك من تاع السوق لانو مخدوعين
روح للاوبتيسيان متلقاش احسن منو في هدا الامر لانهم يبيعو نظارات شمسية طبية اصلية وحتى لو مهيش اصلية تلقاها تحوي زجاج شمسي طبي
قولو ينعتلك لملاح واشري واحد
وقبل متسلكو فيه
قولو يعقبولك على testeur uv هدي صورة هو يشبه لهدا مش شرط نفس المركة


رايحة نشرحولك با ش ميكلحش لانو كاينين شي اوبتيسانات دايرينها تجارة
ربي يسامحهم
المهم هدا التاستار يحتوي على الوان حمراء وبرتقالية وخضراء تجي الحمراء ومن بعد البرتقالية ومن بعد الخضراء
هي تكون شاعلة كاملة لانه تعقب الاشعة الفوق بنفسجية لما تحط عليها النظارات تطفى
الان ادا طفات كامل الالوان النظارة راهي هايلة واصلية وطبية مئة بالمئة
ادا بقاو شاعل الاخضر النظارة تقدر ديرها ولكن مهيش اصلية
ادا شعل البرتقالي والاخضر او زاد معاهم الاحمر النظارة راهي مقلدة ومهيش مليحة ومكالاه تشريها لانو ظرك
الان نجي لي مارك
كاينين بزاف احخي لملاح
وجينيرالمون لي جان يديو
police
ray ban
carrera
pierre carda
prada
boss
وكاينين مركات بزاف راني نسيت اسماؤهم
والسعر لي مديتو انتا يجيبلك حاجمة مليحة لانو لملاح من 600 واطلع
اي سوال اخي تفضل بيه
راني في الدومان ونقدر نساعدك

__________________________________________________ __________

>>>> الرد الثاني :

الله يبارك أختي الكريمة شفيتي وكفيتي ..........
سآخذ بنصيحتك و أتوجه إلى الابتيسيان

__________________________________________________ __________

>>>> الرد الثالث :

العفو اخي واجبنا
بالتوفيق وان شاء الله تلقا لي يناسبك
حاجة اخرى كاينة جينيراسيون جديدة تاع ليفار صولار يوقلولهم بولاريزي
مي شوية غالين تلقاهم من 900 وطلع
مي فيهم فايدة اخرى
ادا تحب نشرحلك عليهم
+
قلي انت تسوق او لا

__________________________________________________ __________

>>>> الرد الرابع :

ايه نسوق مادابيك تزيدي تعطيني معلومات عليهم

__________________________________________________ __________

>>>> الرد الخامس :

اوكي هدو النظارات الشمسية لي راني نحكيلك عليهم فيهم اوبسون مليحة يقولولها بولاريزي
تخليلك الروية صافية مليح نمدلك مثال
شوف هدي الصورة تشوفها بنظارات شمسية عادية
لكن شوف نفس المنظر بالبولاريزي تولي صافية



يعني كي تكون الشمس تحرق او الحالة مضبة تقدر تشوف بيهم خير
وحاجة اخرى تقدر تستعملهم في الليل مع ليفار تاع الطونوبيلات والضوء عينيك يتعبو وتولي الحالة عندك فلو لكن بهدي الخاصية لي فيهم تشوف الدعوة صافية
هاك هدا الفيديو يبينلك وشا راني نقول
https://www.youtube.com/watch?v=M_Kuy08ajxg
وهدي النوعية تاع ليلينات كاينين في ليمارك لي سميتهملك من قبل
برك قول لابتيسيان عنديني لينات صولار بولاريزي
وزيادة على التاست لي قتلك عليه باش تعرف بلي مليح لللشمس
كاين تاست اخر باش تعرف بلي النواظر راهم بولاريزي او لا
ينعتلك وحد التصويرة كل اوبتيسيان وعندو تصويرة معينة
المهم لما تشوف بلا نواظر تمعن فيها مليح
ومن بعد ركب النواظر
ادا شفت حاجة زادت على الصورة قبل متركبها هدو لينات بولاريزي لكن ادا متبدلتش وبقات نفس الصورة هدو مهمش بولاريزي
نمدلك مثال حنا في اللابو وين كنا نقراو كانت عدنا طريق كبيرة نشوفوها بلا نواظر لكن كي نركبو النواظر بولاريزي نشوفو طيارة رايحة ديماري في هديك الطريق
كي نحيو نواظر تروح وكي نركبوهم نشوفوها
هدا تاست مداير باش نعرفو قيمة هذا النوع من النواظر وشحال يقدر يصفي الصورة
نتمى تكون فهمتني
واي سوال اخر راني هنا