عنوان الموضوع : استفسار حول العلاج في فرنسا لامي ؟ سؤال مجاب
مقدم من طرف منتديات العندليب

السلام عليكم صحا رمضانكم
خاوتي اخوتاتي الله يحفضكم عندي امي مريضة عندها 4 اشهر درنا بيها الحزائر كامل مكان حتا تغير درنا كل التحاليل كل الراديوات كل حاج طلبوها درناها مي والله لا توجد اي نتيحة يا لوكان صغير و المشكل كلش يخرج مليح و هي مترقدش حتى لحضة المهم قررنا باه نخرجوها لفرنسا حاب منكم تساعدوني او تنصحوني كيفاه المراحل في اقرب وقت لي لازم نديرها باه تخرح في اقرب وقت الله يستركم خاوتي
صحا فتوركم الله يقبل عليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اخي وشا يوجع فيها يعني واش من اطباء ديتها ليهم
هل جربتهم الرقية مدام راك تقول مخرج والو في التحاليل

__________________________________________________ __________

>>>> الرد الثاني :

السلام عليكم
نصيحتي لك اخي الكريم باه يعطيوك الفيزا ، دير طلب فيزا سياحية و ليس للعلاج ، ادا كان لديكم اقرباء هناك سوف تسهال المهمة

__________________________________________________ __________

>>>> الرد الثالث :

السلام عليكم الله يشفيها ان شالله
لازم ديري طلب الحصول ع تأشيرة علاج في الخارج قبل شيء لازم تبعثي كاش سبيتار منها تعطيهم تحليل وكل شيء ما يتعلق بالمرض منها هم يبعثولك التاشيرة العلاج وتديها للقنصلية ويعطوك الفيزا...

انا كانت لي تجربة في العلاج الى الخارج بصح روحت عن طريق الدولة قضيت 4 اشهر في المستشفى
هذا هو رابط المستشفى لي كنت فيه https://www.generale-de-sante.fr/hopi...parc-marseille

بصح اخ راهي تتكلف

__________________________________________________ __________

>>>> الرد الرابع :

khawti mama dernalha kamel les radio w kamel lé analyse mém l IRM scaner fibro tani kolech kraj mlih w koul haja dernaha 2 fois w kayen heta li 3 fois koulech kraj mlih wahed mafahmalha heta haja dorna biha wehd 10 taba dernalha ro9ya mara bark mé l bareh zedna ra9inha cv chwiya hmdl mé hab nkarajha mena tchouf taba mleh yafhmoulha prq mém soker w l gwater ma36tawhach dwa mlih
dorka hiya 3andha la famile gir houma tema f f ranca w kayen li y3awanha w drahem hmd w kanet takdem donc wech lazem nebda ndir ya khawti lah yahfadkoum rahi l walda w rakoum hasin biya svp khawti

__________________________________________________ __________

>>>> الرد الخامس :

السلام عليكم
اخي مدامها تحسنت شوية من الرقية زيدو عاودو ارقيولها اكيد بيها حاجة مش مريضة مدامك تقول خرج كلش مليح
احتمال اصابتها عين او تاذات او كلات شيء فيه سحر متدريش واضب على الرقية وان لم تتحسن اديها لفرنسا اخي
ربي يشافيها ان شءالله رانا حاسين بيك اخي
وان شاء الله يفيدك الاخ لي داوا في فرنسا ويقلك واش دار

طهورا ان شاءالله