عنوان الموضوع : اللهجة البرايجية اللهجة الجزائرية
مقدم من طرف منتديات العندليب

السلام عليكم
انا ولدت وعشت في العاصمة لكن أصولي من مدينة البرج التي أعتز بها كثيرا.
وراهم البرايجية يعلمونا اللهجة؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام أخي الكريم انا بنت البرج و تربيت في عاصمة البيبان و اش تحب تعرف على اللهجة البرايجة ابعث و انا نردلك و عموما اختلاف في نطق حرف القاف

سلام

__________________________________________________ __________

>>>> الرد الثاني :

السلام عليكم يا جماعة البرج واد سوف تسلم عليكم الكل


رانا ولاد البلاد ونحبوا بعضانا وما عندناش العنصرية


واش راكم انتم وواش راهي البرج خيار الناس

تحدثولنا بالبرجية ونشوفوا رواحنا نفهموكم ولا لا


هيا على خير و استهالا في روحك وسلملي على اصحابك اللي راهم في البرج ياسر ياسر

__________________________________________________ __________

>>>> الرد الثالث :

السلام عليكم
اشكرك الأخت البرايجية على الرد انا كان هدفي ان العضاء البرايجية يديروا صفحة للتعريف باللهجة البرايجية ولهم في ذلك اختيار الصيغة المناسبة لذلك.
بالتوفيق ونحن في الانتظار

__________________________________________________ __________

>>>> الرد الرابع :

السلام عليكم
سأبدأ انا إن شاء الله
لم انتبه يقولوها ما تولّهتش
أنظر يقولوها دنق
لايوجد مكانش بزيادة نون عن اللهجة العاصمية
جارنا يقولو عشيرنا
كلمة ماعليش يقولو لاشتى

__________________________________________________ __________

>>>> الرد الخامس :

السلام عليكم و رحمة الله و بركاته

أخي الكريم أنا كذلك برايجية ساكنة في البرج تقبل مروري أخي الكريم و شكرا على الموضوع بارك الله فيك

سلام