عنوان الموضوع : أمر أزعجني...... قضايا اجتماعية
مقدم من طرف منتديات العندليب

السلام عليكم ورحمة الله تعالى وبركاته
أتمنى أن يكون الجميع بخير


ما يلاحظه الجميع ومع قدوم شهر رمضان الكريم

هو تنافس القنوات العربية فيما بينها فيما يخص الأفلام والمسلسلات العربية والمدبلجة والأجنبية والحصص الفكاهية والمسابقات وكل قناة تقول هذا حصري وتكثر الإشهارات
والله أمر أزعجني خاصة والسنوات الأخيرة
هل أصبح مفهومنا لشهر الرحمة والمغفرة هكذا؟
هل أصبح رمضان هو رمضان المسلسلات؟
ألم نظلم أنفسنا وهذا الشهر العظيم بإعطائه مفهوما كهذا ؟

هذا رأيي فما رأيكم أنتم؟

تحياتي للجميع







>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ايه عندك الصح خويا والله ملي كان رمضان نستناوه على جال انو شهر مكانش كيفو و نستناوه بالصلاة كثر و بالحاجة المليحة ضروك رانا نستناوه بالبرنامج تاع المسلسلات و راك تشوف راهم من ماي ملي بداو يفوتو فيهم هبلونا بالمسلسلات .انا مانكذبش عليك والله نتفرج مي الحمد الله مانيش نتبع بزاف سوغتو كاين شي مسلسلات والله حرام عليهم كي يديروهم في رمضان واش نقلك خويا ماشي ربي يهديهم ربي يهديني حتا انا باه نقص شوية تفراج و نفوت رمضان هذا في الحوايج الملاح باه مانندمش كي يفوت رمضان و نحس روحي مادرت فيه والو و ربي يلحقنا ليه و نفوتوه في الشي الي يكون فيه فايدة لينا يا رب

__________________________________________________ __________

>>>> الرد الثاني :

.....نعم للاسف .........هذا ما يحصل..........عوص ان يعقدوا مسابقات حول حفظ القران ............يجهزون و يتنافسون على أفضل المسلسلات.........و أتمنى أن نجتاز هذا الشهر فيما يرضي الرحمان.....كأداء صلاة النوافل و الذكر و قراءة القران و التقرب أكثر من الله جل و علا لتخشع القلب و تخضع الجوارح لربّ العالمين.............أمـــــــــــــــــــــــــــ ــــين......

__________________________________________________ __________

>>>> الرد الثالث :

السلام عليكم خويا والله بارك الله فيك على الموضوع صح العام اللي فات نشوف في إعلانات المسلسلات شهرين قبل رمضان أنخلعت هذوك المسلسلات نتاع رمضان شهر المغفرة الملابس العري اللقطات دهشت قلت ليمى هذا رمضان راحين يورو للناس هذو الصوالح العرب راحو فيها ما بقى إسلام يا خويا مي العيب علينا إحنا نتفرجوهم انا والله صدقني بعد الفطور لما تخلاص الصلاة نتكى وندير انا ويمى الحقيقة او قناة مجد ومرات نشوف ابو ظبي وثائقيى نتاع الاشرطة نحبها هذيك القناة على الحيوانات والغابات نظن تعرفها وهذي المرة راه عندي كمبيوتر إن شاء الله ونعرف واش نقرا ونكتب ولا ذاك التليفيزيون شكرا خويا

__________________________________________________ __________

>>>> الرد الرابع :

السلام عليكم ............اخي الكريم

كنت اقترحت في ما مضى على البعض مادام نهم يشتكو من التلفاز والمسلسلات وغيرها قتلهم مدام الفتنة على اوجها وعلاه ماتجربوش تنحو التلفاز هذا الشهر على بالي في حوايج ملاح لكن شره اكثر من نفعه وزيد واحد يتفرج حلقة في مسلسل لصق في التلفاز ارواح انت وقلو ماتتفرجش .................على بالك واش سمعت ؟؟؟ اواه مانقدروش نسمحو في لتلفاز ورانا نتفرجو غير الصوالح المليحة ...........يبدا رمضان ونشوفوهم ههه............شر البلية مايضحك .................

انا التلفاز من 2006 طلقته وليت لا اتابعه كثيرا بسب انني كنت في الجامعة الوقت لي راني قاعد فيه اما مع غسيل الثياب او لعب كرة القدم ورياضات اخرى او النوم او الدراسة هذا نسميها مربع الموت ههههه......................والان من بعد ما تخرجت مانقدرش نريح نصف ساعة امام التلفاز وتصور في البيت عندنا الديمو تاعنا وتاع امي وتاع خاوتي مكانش لي دار بحث جديد منذ سنوات وهي نفس القنوات بل هناك قنوات بدلت التردد وماحوسناش عليها هههه

اما امرنا في شهر رمضان فوالله محزن هذا يتفرج في افلام ويدعي انها دينية وهي موجهة للحب والغرام والنساء بافضل الحلل والتبرج حتى القصص كاذبة ومفبركة ويقولون انها لصحابي والله المستعان............والمسلسلات الاخرى حدث ولاحرج...............وتلقا بعضهم يبكي وحالتو حالة والنساء مع راجلها كي القنفود وتتفرج للاتراك وتبدا تبكي وتقول والله حرام عليهم ؟؟؟؟؟؟؟..................................

واش نحكو واش نخلو ................باذن الله هذا صندوق العجب مايدخل داري

والله المستعان

__________________________________________________ __________

>>>> الرد الخامس :

رمضان شهر التنافس على الخيرات والتطهر من المعصيات والتزود بالحسنات لا بمشاهدت المسلسلات وإضاعت الأوقات في إكثار المأكولات والسهربالمفرقعات فاللهم بلغنا رمضان ووفقنا لحسن الصيام والسلام